2 Bakalenga 18:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² bualu bua kabakatumikila dî dia Yehowa, Nzambi wabo, kadi bakashiha tshihungidi tshiandi; bakabenga mikenji yonso yakabambila Mose, muntu wa Yehowa, kabakayunvua, kabakayenza.

MUKANDA WA MYIDI MUKULU

¹² Bionsu ebi, biakuenzeka bualu bena Izrayele kabavua batumikila diyi dia Maweja-Nangila Mvidi Mukulu wabu to. Kabidi bavua bashipe ndondu wende. Bavua babenga kuteleja mikenji yende, ne kukumbaja bionsu bivua Moshe, muntu wa Maweja-Nangila, mubambile.

2 Bakalenga 18:12 Referans Kwoze

1 Petro 4:17

Bualu bua tshikondo tshia dilumbuluisha kubangadi ku ba mu nsubu wa Nzambi tshiakulua, ne biadianjiladi kubanga kutudi, kunshikidilu kua badi kabai batumikila lumu luimpe lua Nzambi nekuikale tshinyi?

1 Petro 2:8

ne dibue dia kukumabo dikasa, ne mutunda wa dibue wa kubalenduisha: bobo badi balenduka ku dî dia Nzambi bualu bua buhidia buabo; bakatekibua ku bualu ebu kabidi.

2 Timote 2:24

Muhika wa Mukelenge kena ne bua kutandangana, kadi ikale biandi ne kalolo kudi bantu bonso, ikale muakane mua kuyisha bantu, ikale ne lutulu;

2 Tesalonike 1:8

Neadisombuele kudi bantu badi kabai bamanye Nzambi ne kudi badi kabai batumikila lumu luimpe lua Mukelenge wetu Yesu;

Mika 3:4

Hashishe, nebadile kudi Yehowa, kadi yeye kena ubunvuila; yeye mene neusokoke mpala wandi kudibo mu tshikondo atshi, bualu bua bakuenza malu mabi.

Yirmeya 7:23

Kadi nakabelela mukenji eu ne, Unvuai dî dianyi, nunku nengikale Nzambi wenu, nuenu nenuikale bantu banyi; nuende mu nshila yonso unakunuambila, bua nuenu nuhete diakalengele.

Yirmeya 3:8

Nakumusha Isalele ne nakamuha mukanda wa kushiha kua dibaka dietu nʼandi, bualu bua yeye wakenda masandi misangu yonso; kadi Yuda, muanʼabo mukashi ne Isalele ne muena dikamakama, kakadi ne ditshina; yeye kabidi wakaya kuenda masandi.

Yeshaya 1:19

Binuikala ne mitshima ya kuenza malu anyi ne ya kutumikila dî dianyi, nenudie bintu bimpe bia mu buloba;

Misambu 107:17

Bantu bahote badi badivuishila dikenga bua diya diabo mu nshila wa ditombokela diabo, ne bua malu abo a tshishiku.

Nehemya 9:17

bakabenga mua kuyitumikila, kabakelangana meji a malu a kukema awakenza munkatshi muabo; kadi bakambula mpala yabo; mu kutomboka kuabo bakadisunguila mulombodi wa kubahingisha mu buhika buabo. Kadi wewe udi Nzambi utu wasua kubuikidila bantu mibi yabo, udi ne diakalengele ne luse, kutu wakihata tshiji lubilu, udi mûle tente ne dinanga, kuakabalekela.

1 Bakalenga 9:6

Kadi binuabenga kundonda, nansha wewe nansha bana bebe, kanuyi nutumikila mikenji yanyi ne mei anyi binakuteka ku mpala kuenu; binuaya kukuatshila nzambi mikuabo mudimu ne bua kuyitendelela;

Yoshua 1:1

Hakafua Mose, muntu wa Yehowa, Yehowa wakambila Yoshua, muana wa Nuna, mukuatshishi wa Mose, ne,

Dielulula 34:5

Nunku Mose, muinu wa Yehowa, wakafua mu buloba bua Moaba muakamba Yehowa.

Dielulula 31:17

Hashishe tshiji tshikole netshinkuate dituku adi, ne meme nembalekele, nengumushe mesu anyi kudibo ne bobo nebajimishibue; ne matata ne makenga a bungi nealue kudibo; bobo nebambilangane dituku adi ne, Malu â mabi onso kaena alua kutudi bualu bua Nzambi wetu kena munkatshi muetu, anyi?

Dielulula 11:28

binuahidia kunvua mikenji ya Yehowa, Nzambi wenu, binuasesuka mu nshila unakunulesha lelu bua kulonda nzambi mikuabo, Nudi kanuyi bamanye, nenuhete mulau.

Dielulula 8:20

Bu muakajimisha Yehowa bisamba bikuabo ku mpala kuenu, nunku nuenu nenujimine, bualu bua nuenu nuakahidia kunvua dî dia Yehowa, Nzambi wenu.

Dibadika 12:7

Muntu wanyi Mose kena nunku, yeye udi wenza mudimu wandi bimpe mu nsubu wanyi wonso,

2 Bakalenga 21:8

tshiena ngendakasha makasa a Bena Isalele ku buloba ebu bunakaha bankambua babo, biatumikilabo mei onso anakabambila ne mikenji yonso inakabelela mukana mua muntu wanyi Mose.

Misambu 78:10

Kabakatumikila mei a tshihungidi tshia Nzambi, bakabenga kuenda mu mikenji yandi.

Amosa 2:6

Yehowa udi wamba ne, Bua malu mabi asatu a Bena Isalele, nansha bua anai, tshiena nkudimuna dikenga dindualua kubakengesha nʼadi; bualu bua bakuhana bantu bakane ku argent, bakuhana bahele ku mukolo wa bisabata.

Dielulula 31:16

Yehowa wakambila Mose ne, Tangila, wewe neulale tulu ne bankambua bebe; ne bantu aba nebabike, nebalonde malu a masandi a nzambi ya bende ya mu buloba buyayabo, nebandekele, nebashihe tshihungidi tshituakahunga nʼabo.

Misambu 81:12

Nunku nakabalekela bua kulondabo tshitshu tshia mu mitshima yabo, bua kuendabo mu nshila wakadi meji abo masungule.

Yezekiyele 11:12

nunku nenumanye ne, Ndi Yehowa, muena mei anudi kanuyi nulonda, muena mikenji mudi kanuyi nuenza, kadi nuakuenza bu mudibo benza kudi bisamba bidi binunyunguluka.

Danyele 9:5

tuakuenza malu mabi, tuakuhambuka mu nshila wa buakane, tuakuenza bibi, tuakutomboka, tuakusesuka ku mikenji yebe ne mei ebe.