2 Bakalenga 18:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hakahita bidimu bisatu, bakahaula musoko; mu tshidimu tshisambombo tshia bukelenge bua Hezikiya ne tshia tshitema tshia bukelenge bua Hoshea, mukelenge wa Isalele, bakanyenga musoko wa Samalea.

MUKANDA WA MYIDI MUKULU

¹⁰ Bidimu bisatu bimane kupita, mmumue ne: Izkiya mulale mu bukalenga bidimu bisambombu, Osheya mulale mu bukalenga bidimu tshitema, kukuatabu tshimenga.

2 Bakalenga 18:10 Referans Kwoze

Mika 7:13

Kadi buloba nebulue tshikulu bualu bua bantu babi badi bashikamemu, ne bua mamuma mabi atu bienzedi biabo bikuama.

Mika 6:16

Bualu bua nudi nutumikila mikenji ya Omeli, nudi nulonda bienzedi bia mu nsubu wa Ahaba, nudi nuenda bu mudi lungenyi luabo, meme nenyishe musoko wenu tshikulu, ne bantu badimu nebedibue tshibingu, ne nuenu nenuhendibue ne bihendu bidibo bahenda nʼabi bantu banyi.

Amosa 6:7

Bua mianda ai nebadianjile kubuela mu buhika, ne mbila ya disanka ya bakadi badiolola ha matanda neyijimine.

Amosa 3:11

Nunku Yehowa Nzambi udi wamba ne, Muena lukuna neanyunguluke buloba, ne neanutekeshe, nebahaule nsubu ya banfumu benu.

Osheya 13:16

Bena Samalea nebahishibue bualu bua bakutombokela Nzambi wabo. Nebafue ku muele wa nvita, bana babo batekete nebakoshibue bituha, ne bakashi babo badi ne mafu nebahandibue.

Dibadika 32:41

Yai muana mulume wa Manashe wakaya wakanyenga misoko mikuabo wakayidika ne, Hawota-yai (misoko ya Yai).

2 Bakalenga 17:6

Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

Yeshaya 10:9

Kaleno kawena bu Kâkemisha, anyi? Hamata kawena bu Apada, anyi? Samalea kawena bu Damaseke, anyi?