2 Bakalenga 17:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bakabenga mikenji yonso yakabambila Yehowa, Nzambi wabo, bakadienzela mpingu ya tshiamu tshiakafulabo, tuana tua ngombe tubidi mene mene; bakadienzela Bashela, bakatendelela bintu bionso bia mu diulu, bakakuatshila Bâla mudimu kabidi.

MUKANDA WA MYIDI MUKULU

¹⁶ Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 17:16 Referans Kwoze

1 Bakalenga 16:31

Bualu ebu buakadi butekete ku mesu kuandi bua kuendeye mu malu mabi a Yalohama, muana wa Nebata: nunku wakabaka Izebele, muana wa bakashi wa Etebâla, mukelenge wa Bena Sidona, wakakuatshila Bâla mudimu, wakamutendelela.

1 Bakalenga 14:23

Bualu bua bobo bakenza bitendelelu ne makunshi a kutendelela ne Bashela ha mutu ha mikuna yonso ne muinshi mua mitshi mibishi yonso;

1 Bakalenga 14:15

E, bulelela, Yehowa neakume Bena Isalele bu mudi mai anyungisha disele; neajule Bena Isalele mu buloba ebu buimpe buakaheye bankambua babo, neabamuangalashe dishiya dia musulu wa Pelata, bualu bua bobo bakadienzela Bashela bua kufuisha nʼai Yehowa tshiji.

1 Bakalenga 12:28

Nunku mukelenge wakakeba lungenyi, wakatula tuana tua ngombe tua or tubidi; wakambila bantu ne, Budi butamba bukole bua nuenu kuya ku Yelushalema; tangilai nzambi yenu, Bena Isalele, yakanuluhula mu buloba bua Ejipitu.

Dielulula 4:19

bua hanuabandisha mesu enu mulu, ne hanuatangila diba ne ngondo ne mitoto ne bintu bionso bia mu diulu, kanubitendeledi, kanubienzedi mudimu; ebu mbualu buakaha Yehowa, Nzambi wenu, bantu bonso bakuabo badi muinshi mua diulu.

2 Bakalenga 21:3

Wakasa bitendelelu bia ku mikuna biakashimbula Hezikiya, tatu wandi; wakashila Bâla ne Bashela tshioshelu bu muakenza Ahaba, mukelenge wa Isalele; wakatendelela bintu bionso bia mu diulu, wakabikuatshila mudimu.

2 Bakalenga 11:18

Bantu bonso ba mu ditunga bakaya ku nsubu wa Bala, bakamushimbula; bakabutula bioshelu biandi ne mpingu yandi bituha bituha; bakashiha Matana, muakuidi wa Bâla, ku mpala kua tshioshelu. Muakuidi wa Nzambi wakasungula balami ba nsubu wa Yehowa.

1 Bakalenga 22:53

Wakakuatshila Bala mudimu, wakamutendelela bua kufuisha Yehowa, Nzambi wa Isalele, tshiji bu muakenza tatu wandi.

1 Bakalenga 16:33

Ahaba wakalonda malu a Bashela kabidi; Ahaba wakahita bakelenge ba Isalele bonso bakadi ku mpala kuandi kuenza malu mabi a kuluisha nʼau Yehowa, Nzambi wa Isalele, tshiji.

1 Bakalenga 15:13

Yeye kabidi wakumusha Mâka, mamu wandi, mu nkuasa wa mukelenge mukashi, bualu bua yeye wakenzela Bashela luhingu lua bundu; Asa wakataha luhingu luandi, wakaluosha kahia hehi ne kasulu ka Kidilona.

Yirmeya 8:2

Nebashale ku mpala kua diba ne kua ngondo ne kua bintu bionso bia mu diulu, bintu biakanangabo ne biakakuatshilabo mudimu, ne biakalondabo ku nyima kuabi, ne biakatempabo nʼabi ne biakatendelelabo; kayena isangishibua kabidi, kabena bayijika kabidi, kadi nebayishiye hanshi ha buloba bu tunvi.

2 Bakalenga 17:10

bakadijadikila makunshi ne Bashela ku mutu kua mikuna yonso ne muinshi mua mitshi mibishi yonso.

Ekesode 32:8

Bakusesuka lubilu mu nshila unakubambila, bakulamba nkanu ya or, bakutula kana ka ngombe, bakukatendelela, bakukashihela milambu, bakuamba ne, Bena Isalele, nzambi wenu nyeu wakanuluhula mu buloba bua Ejipitu.

Ekesode 32:4

Yeye wakayangata ku bianza biabo, wakayilamba mu kahia, wakayiteka ne mulolo bu kana ka ngombe, bakamba ne, Bena Isalele, ke nzambi wenu, wakanuluhula mu buloba bua Ejipitu.

Dielulula 16:21

Kanukunyi mutshi wa Ashela hehi ne tshishihelu tshia Yehowa, Nzambi wenu, tshinudi badiashile.

Yirmeya 19:13

Nsubu ya mu Yelushalema ne nsubu ya bakelenge ba Yuda, nsubu idibo banyanga, neyikale bu muaba wa Tofete, nsubu yonso mene kuakadibo boshila bintu bionso bia mu diulu musenga wa manananshi ha mutu hai, kuakadibo bahongoluela nzambi mikuabo milambu ya bia kunua.

Yirmeya 44:17

Kadi bulelela, netuenze mei onso akumana kuhatuka mukana muetu bua kuoshila mukelenge mukashi wa mu diulu musenga wa manananshi ne bua kumuhongoluela milambu ya bia kunua, bu mutuakuenza mu misoko ya Yuda ne misesu ya Yelushalema, ne tuetu ne batatu betu ne banfumu betu ne baminyampala betu. Bua mu tshikondo atshi tuakadi ne bintu bia kudia bikumbane, tuakadi ne diakalengele, katuakamona dikenga.

Yezekiyele 23:8

Katshia ku matuku akatumeye mu Ejipitu, kena muanze kulekela masandi andi; bualu bua ku bunsongakashi buandi bakasangila nʼandi bulalu, bakalenga bianza biabo ku mabele a bumama buandi, bakatamba kulonda nʼandi malu a masandi.

Lewitiki 26:1

Kanusongi mpingu, kanujadiki luhingu lua tshiamu tshiakafulabo, anyi dikunshi anyi dibue diakasongabo mu buloba buenu bua kubmamina, bualu bua meme ndi Yehowa, Nzambi wenu.

2 Bakalenga 1:2

Ahazaya wakakuluka mu tusoso tua mabaya a madidishi a ku nsubu wandi wa kulu wa mu Samalea, wakasama; wakabikila ba-messager bandi, wakabambila ne, Yai bienu kudi Bâla-zebuba, nzambi wa mu Ekelona, numuebeshe ne, Meme nensangale ku disama edi, anyi?

2 Bakalenga 16:3

Kadi yeye wakenda mu nshila wa bakelenge ba Isalele; wakahitshisha muanʼandi wa balume mu kahia bu mu malu a bundu a bantu ba mu bisamba bia bende bakihatabo kudi Yehowa ku mesu kua Bena Isalele.

2 Bakalenga 18:6

Bualu bua yeye wakalamata Yehowa; kakasesuka mu nshila wandi, kadi wakatumikila mikenji yandi yakambila Yehowa Mose.

Yeshaya 2:8

Buloba buabo budi bûle tente ne mpingu; badi batendelela bintu bidibo basonga ku bianza biabo, bidi minu yabo mene yenza.