2 Bakalenga 16:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Kadi yeye wakenda mu nshila wa bakelenge ba Isalele; wakahitshisha muanʼandi wa balume mu kahia bu mu malu a bundu a bantu ba mu bisamba bia bende bakihatabo kudi Yehowa ku mesu kua Bena Isalele.

MUKANDA WA MYIDI MUKULU

³ Uvua mulonde amu buenzayi bua bakalenga ba Izrayele. Akaze kufika ne ku dilambula muanende wa balume bu mulambu wa kuosha, bilondeshile bilele bibi bia bisamba bivua Maweja-Nangila muipate bua kushilabi bena Izrayele ditunga.

2 Bakalenga 16:3 Referans Kwoze

Dielulula 12:31

Kanuenzedi Yehowa, Nzambi wenu, nunku bualu bua bobo badi benzela nzambi yabo malu onso mabi adi atonda Yehowa; bualu bua bobo badi boshila nzambi yabo bana babo balume ne bana babo bakashi mene mene ha kahia.

Lewitiki 18:21

Kanuadi bana bebe bua kubahitshisha mu kahia ka Moleke, kutedi dina dia Nzambi wenu tshitelatela meme ndi Yehowa.

2 Bakalenga 21:2

Wakenza malu mabi ku mesu kua Yehowa, wakalonda malu a bundu a bantu ba mu bisamba abi biakihatabo kudi Yehowa ku mesu kua Bena Isalele.

2 Bakalenga 21:11

Bualu bua Manashe, mukelenge wa Yuda, wakuenza malu â onso a bundu, wakutamba Bena Amole kuenza malu mabi, wakutamba bonso bakadi ku mpala kuandi kuenza malu mabi, wakuenzesha Bena Yuda kabidi malu mabi ne mpingu yandi;

2 Bakalenga 17:17

Bakahitshisha bana bakalelabo, balume ne bakashi, mu kahia, bakatempa mbuku, bakabandangana buloshi, bakadihanyisha bua kuenzabo malu mabi ku mesu kua Yehowa, bua kumufuisha nʼau tshiji.

Yezekiyele 20:31

Hanuafila kuha kuenu, hanuela bana benu mu kahia, kanuena nudinyanga ku mpingu yenu yonso tô ne ku lelu eu, anyi? Nenumanye mua kulomba lungenyi kundi munyi, nuenu ba mu tshisamba tshia Bena Isalele? Mukelenge Yehowa udi wamba ne, Bu mundi ne muoyo, tshiena ngitabusha bua nuenu nulombe lungenyi kundi.

Yezekiyele 20:26

Nakabihishisha kuha kuabo, bualu bua bakela banʼa bute babo mu kahia bu milambu ya kuosha, bua meme mmanye mua kubabutula, ne bua bobo bamanye ne, Ndi Yehowa.

Yezekiyele 16:47

Kadi wewe wakuenda mu nshila yabo ne wakuenza malu abo a bundu; kadi kuakuenza malu au nkayau, malu abo akadi bu makese habalabo malu ebe, wewe wakubatamba kunyanguka mu bienzedi biebe bionso.

Yezekiyele 16:21

bua wewe kushiha bana banyi kabidi, kubafila bu milambu ya kuoshela bintu abi, anyi?

Yirmeya 32:35

Bakasa bibumba bia Bâla bidi mu tshibanda tshia muana wa Hinoma, bua kufilahu bana babo ba balume ne bana babo ba bakashi bu milambu ya kuoshila Moleke; muanda undi tshiyi mubambile bua kuenzabo, udi kauyi mubuele mu mutshima wanyi, bua bobo benze tshinyangu etshi, bua kuenzesha ba mu Yuda malu mabi.

Misambu 106:35

kadi bakabuelakana ne ba mu bisamba abi bia bantu, bakayila mua kuenza bu muakadibo benza.

2 Kulondolola 33:6

Yeye wakahitshisha bana bandi mu kahia mu tshibanda tshia muana wa Hinoma; wakatempa matempu, wakatendelela bakishi, wakahaka manga, wakasangisha dî ne batempeshanganyi ba mbuku ne bena buloshi; yeye wakenza malu mabi a bungi ku mesu kua Yehowa bua kumufuisha nʼau tshiji.

2 Kulondolola 33:2

Wakenza malu mabi ku mesu kua Yehowa bu muakenza bisamba biakalonda malu a bundu, biakadi Yehowa muihate ku mpala kua Bena Isalele.

2 Kulondolola 22:3

Yeye wakenda mu nshila ya bakadi mu nsubu wa Ahaba; bualu bua mamu wandi wakamulombola mua kuenza malu mabi.

2 Bakalenga 23:10

Wakanyanga Tofete wakadi mu tshibanda tshia bana ba Hinoma, bua muntu kahitshishi muanʼandi wa balume anyi muanʼandi wa bakashi mu kahia ka Moleke.

2 Bakalenga 21:6

Yeye kabidi wakahitshisha muanʼandi wa balume mu kahia, wakatempa mbuku; wakadisunguila bena muhongo ne bena buloshi; wakenza malu mabi a bungi ku mesu kua Yehowa bua kumufuisha nʼau tshiji.

2 Bakalenga 8:18

Yeye wakenda mu nshila ya hakelenge ba Isalele bu muakenza ba mu nsubu wa Ahaba, bualu bua muana wa Ahaba wakadi mukashi wandi; yeye wakenza malu mabi ku mesu kua Yehowa.

1 Bakalenga 14:24

bena Sodoma kabidi bakadi mu buloba; bobo bakenza malu onso a bundu akenza bisamba abi biakadi Yehowa muihate ku mesu kua Bena Isalele.

Dielulula 18:10

Muntu kikadi munkatshi muenu udi utambisha muanʼandi mulume anyi muanʼandi mukashi mu kahia, nansha mutempi wa mbuku, nansha muena dijimbu nansha muena bilengulengu, nansha muena buloshi,

Lewitiki 20:2

Wambile Bena Isalele kabidi ne, Muntu yonso wa Bena Isalele anyi wa benyi ba munkatshi mua Bena Isalele udi ufila muana wandi kudi Moleke neashihibue bulelela, bena buloba nebamukume ne mabue.

2 Bakalenga 17:8

bakenda mu mikenji ya bisamba bikuabo biakihata Yehowa ku mesu kua Bena Isalele, ne mu mikenji ya bakelenge ba Bena Isalele yakenzabo.

2 Bakalenga 17:19

Bena Yuda kabidi kabakatumikila mikenji ya Yehowa, Nzambi wabo, kadi bakenda mu mikenji ya Bena Isalele yakenzabo.

Mika 6:7

Yehowa neasanke bua binunu bia bimpanga, ne binunu dikumi bia misulu ya manyi, anyi? Nfile muanʼa bute wanyi bua malu mabi anyi, diminu dia mubidi wanyi bua bubi bua mutshima wanyi, anyi?

2 Bakalenga 17:16

Bakabenga mikenji yonso yakabambila Yehowa, Nzambi wabo, bakadienzela mpingu ya tshiamu tshiakafulabo, tuana tua ngombe tubidi mene mene; bakadienzela Bashela, bakatendelela bintu bionso bia mu diulu, bakakuatshila Bâla mudimu kabidi.

2 Bakalenga 21:9

Kadi bobo kabakangunvuila; Manashe wakabenzesha malu mabi akahita a bisamba biakabutula Yehowa ku mesu kua Bena Isalele bubi.

Yeshaya 57:5

Nuenu badi badisonsuela lukuka lua masandi munkatshi mua mitshi ya telebinta, ne muinshi mua mutshi wonso udi ne muoyo; badi bashiha bana mu bibanda muinshi mua mitanta ya mabue.