2 Bakalenga 10:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Hakatshiabu, yeye wakaluhuka, wakimana, wakambila bantu bonso ne, Nuenu nudi bakane; meme nakelela mukelenge wanyi tshifufu, nakamushiha; kadi wakashiha bonso aba nganyi?

MUKANDA WA MYIDI MUKULU

⁹ Butshia, dinda, Yehu kupatuka mu tshimenga, kuimana muaba uvua bantu bonsu. Kubambilaye ne: — Nuenu kanuena ne bualu to! Meme ke uvua muelele mukalenga Yorame tshifufu. Meme ke udi mumushipe. Kadi, bantu bonsu aba, udi mubashipe nnganyi?

2 Bakalenga 10:9 Referans Kwoze

Osheya 1:4

Yehowa wakamuambila ne, Umuidike dina ne, Yizelele; bualu bua hahita musangu muihi, nensombuele mashi a Yizelele akadibo bamatshisha hanshi kudi ba mu tshiota tshia Yehu, nengumushe bukelenge kudi Bena Isalele.

Yeshaya 5:3

Nunku, nuenu badi bashikame mu Yelushalema, ne bantu ba mu Yuda, ndi nnusengelela ne, Nulumbulule tshilumbu tshidi hankatshi hanyi ne budimi buanyi.

1 Samuele 12:3

Ndiku: numpishe ku mesu kua Yehowa ne ku mesu kua wandi wakedibua manyi: Meme nakunyenga ngombe wa nganyi? Nakunyenga nyama wa mpunda wa nganyi? Nakuiba bintu bia nganyi? Nakukengesha muntu kai tshianana? Nakuitabusha bintu bia mbueshilu kudi nganyi bua meme kubuikila mesu anyi kudiye? Nungambile, ne meme nemuhingishilebi.

2 Bakalenga 10:6

Hashishe yeye wakabandila mukanda musangu muibidi, wakabambila ne, Binuikala ku luseke luanyi, binuasua kunvua dî dianyi, hashishe nutule mitu ya bana balume ba mukelenge wenu, nulue n ai kundi ku Yizelele makelela ha diba edi. Ku tshikondo atshi bana balume ba mukelenge makumi muanda mutekete bakadi ne bantu banene ba mu musoko bakadi babadiundisha.

2 Bakalenga 10:8

Messager wakafika kudiye, wakamuambila ne, Bakalua ne mitu ya bana balume ba mukelenge. Yeye wakamba ne, Bayiteke bisumbu bibidi ku tshibi tshia ku musoko tô ne dinda.

2 Bakalenga 12:21

Bualu bua Yozakâ, muana wa Shimeta, ne Yehozabada, muana wa Shomê, bantu bandi bakamutaha mputa; wakafua. Bakamujika ne bankambua bandi mu musoko wa Davidi; Amasaya, muanʼandi, wakakokesha mu muaba wandi.