2 Bakalenga 10:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hakumukeye ku muaba au, wakasangila ne Yehonadaba, muana wa Lekaba, wakadi ulua kusangakena nʼandi. Yeye wakamuela muoyo, wakamuebesha ne, Mutshima webe udi muakanangane ne mutshima wanyi bu mudi mutshima wanyi muakanangane ne mutshima webe, anyi? Yehonadaba wakamukudimuna ne, E, budi nunku. Bikalau bu nunku, unkuate ku tshianza. Yeye wakamukuata ku tshianza tshiandi, wakamubuesha mu dikalu diandi.

MUKANDA WA MYIDI MUKULU

¹⁵ Yehu umuka muaba uvuaye awu, uye mutantshi, kusambakenaye ne Yonadabe, muana wa Rekabe, umuvuila. Yehu kumuela muoyi, umukonka ne: — Wewe udi wanyi bu mundi meme webe anyi? Yonadabe kuandamuna ne: — Eyowa. Yehu kumuambila ne: — Nanku, tuelangane muoyi ku bianza! Bobu bamane kuelangana muoyi ku bianza, Yehu kuambula Yonadabe mu ditempu diende.

2 Bakalenga 10:15 Referans Kwoze

Yezekiyele 17:18

Bualu bua yeye wakahetula mutshihu wandi hakashiheye tshihungidi; wakakuatangana bianza ne mukelenge bua kuditshiha kudiye, kadi wakenza malu â onso; kena mua kuhanduka.

Ezela 10:19

Bakabisha bianza biabo bua kuditshiha ne, Tuetu netûmushe bakashi betu; bakafila tshimpanga tshia mu bisumbu biabo bua dihila diabo.

1 Kulondolola 2:55

Au mmeku a bafundi akashikama mu Yabesa: Bena Tila ne Bena Shimeata ne Bena Sukata. Aba mBena Kene bakafuma kudi Hamata, tatu wa ba mu nsubu wa Lekaba.

Ngalate 4:12

Bana betu, ndi nusengelela bua nuenu nulue bu meme, bualu bua meme nakulua bu nuenu. Kanuakangenzela bibi;

Ngalate 2:9

ne hakamonabo ngasa wakumpabo kudi Nzambi, Yakobo ne Kefa ne Yone bakadi bu makunshi mu ekelesia, bakatuha meme ne Bânaba tshianza tshia, bukole tshia buobumue buetu mu Kilisto, bua tuetu tuye kudi bisamba bia bende, ne bua bobo baye kudi batengula.

Bienzedi 8:31

Yeye wakamukudimuna ne, Ndi mua kujingulula munyi, bikala muntu kai mundeshe? Yeye wakasengelela Filipo bua kubandeye ne bua kushikameye nʼandi.

2 Bakalenga 10:13

Yehu wakasangila ne bana babo ne Ahazaya, mukelenge wa Yuda, wakabebesha ne, Nudi banganyi? Bakamuitaba ne, Tudi bana babo ne Ahazaya, tuyaya bua kuela bana ba mukelenge ne bana ba mukelenge mukashi muoyo.

2 Bakalenga 9:21

Yolama wakamba ne, Balongolole dikalu. Bakalongolola dikalu diandi. Yolama, mukelenge wa Isalele, ne Ahazaya, mukelenge wa Yuda, bakaluhuka, muntu mu dikalu diandi muntu mu dikalu diandi, bua kusangakenabo ne Yehu. Bakamusangana mu budimi bua Nabota, Muena Yizelele.

Genese 47:10

Yakoba wakavudishila Palo disanka, wakumuka ku mesu kua Palo.

Genese 47:7

Yosefe wakalua ne Yakoba, tatuʼandi, wakamuteka ku mpala kua Palô, ne Yakoba wakavudishila Palo disanka.

Genese 31:55

Labana wakabika hatshiatshia, wakatuangana mishiku ne bana bandi ba balume ne bana bandi ba bakashi, wakabavudishila disanka Labana wakahingana ku muaba wandi.

2 Bakalenga 10:14

Yeye wakamba ne, Bakuatai ne muoyo. Bakabakuata ne muoyo, bakabashiha ku dina dia mai dia mu nsubu wa bakoshi ba miosa, bu bantu makumi anai ne babidi. Kabakashiya umue wabo.

Yirmeya 35:2

Ya ku nsubu wa Bena Lekaba, uyikile nʼabo, ulue nʼabo mu nsubu mukuabo wa mu nsubu wa Yehowa, ubaheshe maluvu a nvinyo bua kunuabo.

1 Bakalenga 20:33

Bantu aba bakateleja matshu abo bimpe bua kujingululabo mei akambeye; nunku bakambilangana ne, E, muanʼenu, Bene-hadada. Hashishe yeye wakabambila ne, Yai, numubikile. Hashishe Bene-hadada wakalubuka kudiye; yeye wakamushikika mu dikalu diandi.

Nehemya 3:14

Malakiya, muana wa Lekaba, mukokeshi wa luseke lua Bete-hakeleme, wakalongolola mushiku wa mbelu wa ku luseke lua ku diala; wakawasa, wakateka bibi ne milonda ne biamu biau.

Misambu 94:16

Wajuka bua bualu buanyi bua kutantamena bantu babi nganyi? wadimanyika bua bualu buanyi bua kutantamena benji ba malu mabi nganyi?