2 Bakalenga 1:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ahazaya wakakuluka mu tusoso tua mabaya a madidishi a ku nsubu wandi wa kulu wa mu Samalea, wakasama; wakabikila ba-messager bandi, wakabambila ne, Yai bienu kudi Bâla-zebuba, nzambi wa mu Ekelona, numuebeshe ne, Meme nensangale ku disama edi, anyi?

MUKANDA WA MYIDI MUKULU

² Dituku dikuabu, mukalenga Akaziya uvua mu tshibambalu tshia nzubu wende wa bukalenga wa tshilalakulu, uvua mu tshimenga tshia Samariya, kukulukaye pa dididishi, kudishinda, kutapikaye bikole. Bualu bua njiwu ayi, mukalenga Akaziya kutuma bantu mu tshimenga tshia Ekrone, bua kukonkamu mvidie Baale Zebube ne: nengumvue bimpe anyi?

2 Bakalenga 1:2 Referans Kwoze

2 Bakalenga 1:16

Yeye wakamuambila ne, Yehowa udi wamba ne, Wewe wakatuma ba-messager bua kuebesha Bâla-zebuba, nzambi wa Ekelona, dî bualu bua kakuena Nzambi mu Isalele bua wewe kumuebesha dî, anyi? Nunku wewe kuena ujuka ha bulalu bûdi mulale, kadi neufue bulelela.

Marke 3:22

Bafalese bakadi bafume ku Yelushalema bakamba ne, Yeye udi ne Belezebula, udi umusha bademon mu dina dia mukelenge wa bademon.

Matayi 10:25

Mbimpe bia muyidi ikale bu mudi muyishi wandi, ne muhika ikale bu mudi nfumu waudi. Bikalabo babikile muena nsubu ne, Belezebula, nebatambe kubikila ba mu nsubu muandi muomumue.

Yeshaya 37:19

bakela nzambi yabo mu kahia, bualu bua kayakadi nzambi mene, kadi yakadi bintu bienza ku bianza bia bantu mene, bia mitshi ne bia mabue; nunku bakayibutula.

Luke 11:15

Kadi bakuabo bakamba ne, Yeye udi umusha bademon mu dina dia Belezebula, mukelenge wa bademon.

Yeshaya 37:12

Nzambi ya bisamba bia bantu biakubutula batatu banyi, Bena Gozana ne Bena Halana ne Bena Lesefe ne Bena Edene bakadi mu Telasâ, yakabasungila, anyi?

2 Bakalenga 1:6

Bakamuambila ne, Muntu wakasangila nʼetu, wakatuambila ne, Alukilai, nuhingane kudi mukelenge wakanutuma, numuambile ne, Yehowa udi ukonka ne, Nudi nuyila kuebesha Bâla-zebuba, nzambi wa Ekelona, bualu, bualu bua kakuena Nzambi mu Isalele, anyi? Nunku wewe kuena ujuka ha bulalu bûdi mulale, kadi neufue bulelela.

2 Bakalenga 1:3

Kadi muanjelo wa Yehowa wakambila Eliya, Muena Tishebe, ne, Juka, uye kusangila ne ba-messager ba mukelenge wa Samalea, uheheshe ne, Nudi nuyila kuebesha Bâla-zebuba, nzambi wa Ekelona, bualu, bualu bua kakuena Nzambi mu Isalele, anyi?

1 Bakalenga 11:33

bualu bua bobo bakundekela, bakutendelela Bashetoleta, nzambi mukashi wa Bena Sidona, ne Kemosha, nzambi wa Bena Moaba, ne Milekoma, nzambi wa Bena Amona; kabakuenda mu nshila yanyi, bua kuenzabo malu adi mimpe ku mesu kuanyi ne bua kutumikilabo mei anyi ne mikenji yanyi bu muakenza Davidi tatu wandi.

Bienzedi 20:9

Nsongalume, dina diandi Eutuko, wakadi mushikamine ha madidishi, wakadi ubunga tulu; bualu bua Paulo wakadi wakula musangu mule, tulu tukole tuakamukuata, wakahona hanshi mu nsubu muisatu mulungakasha, bakamuambula mufue.

Musambu wa Solomo 2:9

Wanyi munanga udi bu ngulungu anyi bu lukungulu lua ntole. Monai, yeye udi muimane ku nyima kua tshimanu tshietu, udi utangidila ha madidishi a nsubu, udi ukenzakana ha masoso a madidishi.

Yobe 31:3

Kabuena dikenga kudi bantu babi, anyi? Kabuena dibutuka kudi benji ba malu mabi, anyi?

1 Bakalenga 22:34

Kadi muntu mukuabo wakela buta buandi ku mpukahuka, wakasa mukelenge wa Isalele hakadi biamu bia nvita bituilangane. Yeye wakambila muendeshi wa dikalu diandi ne, Wahuke, umuke nʼanyi munkatshi mua masalayi bualu bua ndi mutaha mputa mukole.

1 Bakalenga 14:3

Uye ne mitanda ya bidia dikumi, ne mikata ne mulondo wa buitshi; yeye neakuambile mualua muana eu.

1 Samuele 5:10

Nunku bobo bakatuma mushete wa Nzambi ku Ekelona. Hakaluabo ne mushete wa Nzambi ku Ekelona, Bena Ekelona bakadila ne, Bakalua ne mushete wa Nzambi wa Isalele kutudi bua kutubutuisha ne bana betu kabidi.

Balombodi 11:24

Kuena ukokesha buloba buakakuha Kamoshe, nzambi webe, bua kukokesha, anyi? Nunku bantu bonso badi Yehowa, Nzambi wetu, Wihata ku mpala kuetu, netubakokeshe mene.

Balombodi 5:28

Mamu wa Sisela wakadi mutangile ha disoso dia nsubu, udidila ha masoso akadi ha madidishi ne, Dikalu diandi didi dijanguluka musangu mule nunku bualu kai? Nkata ya makalu andi adi ajanguluka bualu kai?

Yeshaya 2:6

Bualu bua wewe, Yehowa, wakulekela bantu bebe, ba mu tshiota tshia Yakoba, bualu bua badi batamba kulonda batempi ba mbuku ba ku luseke lua esete, bakatua batempi ba mbuku bu mudi Bena Peleshete, ne badi batutakashangana bianza ne bana ba bisamba bia bende.

Yoshua 15:11

mukalu wakayila ku luseke lua Ekelona lua ku nôde; mukalu wakayila tô ne ku Shikelona, wakaya tô ne ku mukuna wa Bâla, wakahatuka ku Yabenêle; kunshikidilu kua mukalu kuakadi kukala kua mai manene.

1 Bakalenga 22:40

Ahaba wakalala tulu ne bankambua bandi. Ahazaya, muanʼandi, wakakokesha mu muaba wandi.

2 Bakalenga 17:16

Bakabenga mikenji yonso yakabambila Yehowa, Nzambi wabo, bakadienzela mpingu ya tshiamu tshiakafulabo, tuana tua ngombe tubidi mene mene; bakadienzela Bashela, bakatendelela bintu bionso bia mu diulu, bakakuatshila Bâla mudimu kabidi.

Yeshaya 19:3

Nyuma wa ba mu buloba bua Ejipitu neahange munda muabo, ne nentuhakashe meji adibo nʼau; nebaye kudi mpingu bua kudikebela lungenyi, ne kudi batempi ba mbuku, kudi bena mbuku ya mibangu, ne kudi bena muhongo.