1 Yone 4:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Tuetu tudi bana ba kudi Nzambi, udi mumanye Nzambi udi utunvuila; udi kai wa kudi Nzambi kena utunvuila. Mu bualu ebu tudi bamanye nyuma wa bulelela, ne nyuma wa mashimi.

MUKANDA WA MYIDI MUKULU

⁶ Kadi tuetu tudi bantu ba Mvidi Mukulu. Muntu udi kayi wa Mvidi Mukulu, kena ututeleja to. Muntu udi mumanye Mvidi Mukulu, udi ututeleja. Ke mutudi mua kusunguluja Mueyelu wa bulelela ne mueyelu wa ntupakanyi.

1 Yone 4:6 Referans Kwoze

Yowanane 14:17

Nyuma wa bulelela mene udi ba ha buloba kabai bamanye mua kuangata, bua bobo kabena bamumona, kabena bamumanye; nuenu nudi bamumanye bua yeye utu wikala nʼenu, neikale munda muenu.

Yowanane 10:27

Mikoko yanyi idi yunvua dî dianyi, ndi muimanye, idi indonda;

Yowanane 15:26

Kadi halua Musambi unanutumina, Nyuma wa bulelela mene mene, wafuma kudi Tatu, yeye neangambe;

1 Yone 4:1

Bananga, kanuitabushi nyuma yonso, kadi nutete nyuma ne, Idi ya Nzambi, anyi; bualu bua baprofete ba bungi ba mashimi bakamuangalaka ha buloba.

1 Yone 4:4

Bana bakese, nudi ba Nzambi, nuakubahita bukole; bualu bua yeye udi munda muenu udi uhita yeye udi wa mu buloba bunene.

Yowanane 18:37

Pilato wakamukonka ne, Ahu wewe mukelenge, anyi? Yesu wakamba ne, Bûdi Wamba mbulelela, ndi Mukelenge. Nakuledibua bua bualu ebu, nakuluila ha buloba bualu ebu, ne bua kuamba malu malelela. Muntu yonso wa bulelela udi unvua dî dianyi.

1 Korente 14:37

Biela muntu meshi ne, Meme ndi muprofete, anyi, Meme ndi muena bihedi bia Nyuma, amanye mei andi nufundila ne, Adi mukenshi wa Mukelenge.

2 Tesalonike 1:8

Neadisombuele kudi bantu badi kabai bamanye Nzambi ne kudi badi kabai batumikila lumu luimpe lua Mukelenge wetu Yesu;

Yowanane 16:13

Kadi halua Nyuma wa bulelela, yeye neanulombole mu malu malelela onso; bua yeye kena udiambila, kadi neambe anu malu ûnvueye, neanuambile malu alualua.

Mika 3:8

Kadi meme hanyi, ndi mule tente ne bukole bua kudi Nyuma wa Yehowa, ne dijingulula dia malu makane, ne bukole bua mutshima, bua kulesha Bena Yakoba malu mabi abo ne Bena Isalele bubi buabo.

1 Yone 4:8

Muntu udi kai ne dinanga kena muanze kumanya Nzambi; bualu bua Nzambi udi dinanga.

1 Timote 4:1

Kadi Nyuma udi wamba batoke ne, Halua bikondo bia kunshikidilu ha buihi, bantu bakuabo nebalekele ditabusha diabo, balamata ku nyuma idi ihambuisha ne ku mayisha a bademon;

Yowanane 13:20

Bulelela, bulelela, ndi nuambila ne, Witabusha unatuma neangitabushe meme; wangitabusha meme neitabushe wakuntuma.

Yowanane 8:19

Bakamukonka ne, Tatu webe udi hanyi? Yesu wakandamuna ne, Kanuena banmanye, kanuena bamanye Tatu wanyi; bu nuenu banmanye meme, nuakadi kumanya Tatu wanyi kabidi.

Luke 10:22

Tatu wanyi wakufila bintu bionso mu bianza bianyi; kakuena muntu udi mumanye Muana, anu Tatu; kakuena muntu udi mumanye Tatu, anu Muana ne udi Muana musue kulesha Tatu.

Osheya 4:12

Bantu banyi badi balomba lungenyi ku tshibasa tshia mutshi, ne tshibangu tshiabo tshidi tshibatempela; bualu bua mutshima wa masandi wakubahambuisha, ne bakulonda malu a masandi, batombokela Nzambi wabo.

Yeshaya 29:10

Bualu bua Yehowa wakatshihisha nyuma udi ne tulu tukole hamʼbidi henu; wakubuikila mesu enu, mbaprofete mene, wakubuikila mitu yenu, mbamonyi ba bikena kumona mene.

Yeshaya 8:20

Tuye ku diyisha dia mikenji ne ku tshimanyishilu tshia dî dia Nzambi! Bikala bantu kabayi bambe dî didi diakanangane ne dî adi, bulelela, butuku kabuena buanze kubatshila.

Yuda 1:17

Kadi nuenu, bananga, nutuhike mei akadianjilabo kuamba kudi bapostolo ba Mukelenge wetu Yesu Kilisto;

2 Petro 3:2

bua nuenu kuvuluka mei akambibua diambedi kudi baprofete ba tshijila, ne mukenshi wa Mukelenge ne Musungidi wakanuambileye kudi bapostolo benu;

2 Korente 10:7

Nuenu nutu nuatangila bintu bidi ku mesu kuenu. Biaditekemena muntu ne, Ndi wa Kilisto, yeye ajingulule bualu ebu kabidi munda muandi ne, Bingikala wa Kilisto, tuetu kabidi tudi ba Kilisto.

Rome 11:8

Mbu muakafundabo ne, Nzambi wakabaha nyuma wa kubabungisha tulu, mesu bua kâmonyi, ne matshu bua kâunvu, tô ne ku dituku edi mene.

Rome 1:1

Paulo, muhika wa Yesu Kilisto, wakabikidibua bua bakola mupostolo; wakafidibua ku lumu luimpe lua Nzambi,

Yowanane 20:21

Yesu wakabambila kabidi ne, Ditalala dikale kunudi; bu muakantuma Tatu, nunku mundi nutuma.

Yowanane 10:16

Ndi ne mikoko mikuabo idi kayi ya mu luhangu elu; bundi nʼabu mbua kulua nʼai, neyunvue dî dianyi; neilue tshisumbu tshimue, ne mulami umue.

Mika 2:11

Bianudinga muntu ne mei a mashimi, wamba ne, Nennuambile mei bua nvinyo ne maluvu makole, yeye neikale muprofete wa bantu aba.

Yowanane 8:23

Yeye wakabambila ne, Nuenu nuakufuma hanshi, meme nakufuma mulu; nuenu nudi ba ha buloba ebu, meme tshiena wa ha buloba ebu.

Yowanane 10:3

Mulami wa ku mbelu udi umunzuluila; mikoko idi yunvua dî diandi; udi Ubikila mikoko yandi ku mena ai, udi uhatuka wilombola.

1 Yone 5:19

Tudi bamanye ne, Tuetu tudi ba Nzambi, ne ba ha buloba bonso badi balala mu bubi.

2 Kulondolola 18:21

Yeye wakamuitaba ne, Nenye, nenteke nyuma wa mashimi mukana mua baprofete bandi bonso. Yeye wakamba ne, Wewe neumudinge, neumuhite bukole; ya, wenze biebe nunku.