1 Yone 4:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Tudi tuangata mukenshi eu kudiye ne, Muntu udi unanga Nzambi anange muanʼabo kabidi.

MUKANDA WA MYIDI MUKULU

²¹ Mukenji uvua Kristu mutuambile udi nenku: muntu udi unanga Mvidi Mukulu, udi ne bua kunanga kabidi muanabu.

1 Yone 4:21 Referans Kwoze

Lewitiki 19:18

Kudisombuedi, kuikadi ne lukuna kudi bana ba bana benu, kadi sua mukuenu bu mûdi mudisue, meme ndi Yehowa.

1 Yone 3:11

Bua edi ndi dinuakunvua ku tshibangidilu bua tuetu tunangangane;

1 Tesalonike 4:9

Kadi bualu bua dinangangana dia bana babo ba mu Kilisto, kanuedi ne bualu bua muntu anufundile dî; bualu bua nuenu nudi bayishibue kudi Nzambi bua kunangangana.

1 Petro 3:8

Di dia kundekelu ne, Nuikale buonso buenu ne mutshima umue, nusambangane, nunangangane bu bana babo ba mu Kilisto, nuikale ne mitshima ya luse ne mitshima mihuekela;

Ngalate 5:14

Bualu bua mikenshi yonso idi misangisha mu dî dimue, ndî edi ne, Sua mukuenu bu mûdi mudisue.

Yowanane 15:12

Eu udi mukenshi wanyi ne, Nusuangane bu munakunusua.

1 Yone 3:23

Eu mukenshi wandi bua tuetu tuitabushe dina dia Muana wandi Yesu Kilisto, ne bua tuetu tunangaʼngane, bu muakatuheye mukenshi.

1 Yone 3:14

Tudi bamanye ne, Tuakumuka ku lufu, tuakubuela mu muoyo, bualu bua tudi tunanga bana betu. Yeye udi kai ne dinanga udi muikale mu lufu.

1 Petro 4:8

ku mutu kua malu onso nuikalangane ne dinanga dikole munkatshi muenu, bualu bua dinanga didi dibuikila malu mabi a bungi;

Luke 10:37

Yeye wakakudimuna di ne, Wakamufua luse. Yesu wakamuambila ne, Ya biebe wenze muomumue.

1 Yone 4:11

Bananga, bikata Nzambi mutunange nunku, tuetu kabidi, butudi nʼabu mbua kunangangana.

Ngalate 5:6

Bualu bua mu Kilisto Yesu, bikala muntu mutengula anyi bikaleye kai mutengula, kakuena bualu, kadi anu ditabusha didi dienza malu mu luse.

1 Yone 3:18

Bana bakese, katunanganganyi ku mei anyi ku ndimi; kadi tunangangane mu bienzedi ne mu bulelela.

Matayi 5:43

Nuakunyua dî diakambabo ne, Sua mukuenu, ikala ne udi nʼebe lukuna tshishi;

1 Yone 2:7

Bananga, tshiena nufundila mukenshi muhia-muhia, kadi mukenshi mukulukulu unuakadi nʼau ku tshibangidilu, mukenshi eu mukulukulu udi dî dinuakunvua.