1 Yone 3:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bana bakese, muntu kanuhambuishi; muntu utu wenza malu makane udi muakane bu mudiye Yeye muakane;

MUKANDA WA MYIDI MUKULU

⁷ Bana banyi, muntu kanushimi! Muntu udi wenza malu makane, udi muakane, mudi Yezu Kristu muakane.

1 Yone 3:7 Referans Kwoze

1 Yone 2:29

Binuamanya ne, Yeye udi muakane, nudi bamanye ne, Muntu yonso kabidi utu wenza malu makane wakuledibua kudiye.

Rome 2:13

Badi bakane ku mesu kua Nzambi kembunvu ba mikenshi, kadi benji ba mikenshi nebabingishibue.

1 Yone 3:3

Muntu yonso udi ne ditekemena edi kudiye udi udilengesha bu mudiye mulengele.

1 Yone 2:26

Nakunufundila malu â bua bobo badi basue kunuhambuisha.

1 Yone 2:1

Bana banyi bakese, ndi nufundila malu â bua nuenu kanuenji bibi. Bienza muntu mukuabo bibi, tudi ne Muakuidi kudi Tatu, Yesu Kilisto udi muakane;

Misambu 45:7

Udi unanga malu makane ne udi ne malu mabi lukuna. Bua bualu ebu Nzambi, Nzambi webe mene, wakukuna manyi a disanka ha mutu hebe ne diela dia manyi ditamba diakeleye bakuebe.

Bienzedi 10:35

kadi yeye udi witabusha wa mu tshisamba tshionso udi umutshina, udi wenza malu makane.

Efeze 5:9

(mamuma a munya adi malu mimpe onso ne malu makane ne malu malelela),

Misambu 106:3

Disanka didi kudi badi balonda kulumbulula kuakane, ne badi benza malu makane misangu yonso.

1 Petro 2:24

Yeye muine wakututuadila malu mabi etu mu mubidi wandi ku mutshi mutshiamakane, bua tuetu, bamane kufua ku malu mabi, tuikale ne muoyo wa ku buakane; kunuakuondahibua ku mibundabunda yandi.

1 Korente 6:9

Kanuena bamanye ne, Bantu babi kabena bahiana bukelenge bua Nzambi, anyi? Kanudingibu; bena tshiendenda, anyi bena mpingu, anyi bena masandi, anyi badileshi bu bakashi, anyi balume badi benzelangana malu a bundu,

Luke 1:75

Nenutendelele mu buimpe ne mu Buakane ku mpala kuanyi matuku enu onso, kanui ntshina.

Yakobe 2:19

Wewe udi witabusha ne, Nzambi udi umue; udi wenza bimpe; bademon badi bitabusha kabidi, badi bazakala.

Filipe 1:11

ne bua nuenu nûshibue tente ne mamuma a buakane adi afuma kudi Yesu Kilisto bua butumbi ne kutumbishibua bia Nzambi.

Matayi 5:20

Ndi nuambila ne, Bikala buakane buenu kabui butambe bua bafundi ne bua Bafalese, kanuena nubuela mu bukelenge bua mu diulu.

Yakobe 1:22

Kadi nuikale benji ba di, kanuikadi anu bunvui badi, bua nunku nudi nudidinga.

Ebrewu 7:2

Kudiye kabidi, Abalahama wakabanyangana nʼandi tshia dikumi tshia bintu bionso (diambedi muikale mukudimuna dina ne, Mukelenge wa buakane; hashishe kabidi, udi biandi Mukelenge wa Salema, kuamba ne, Mukelenge wa ditalala;

Ebrewu 1:8

Kadi bua Muana yeye adi wamba ne, Nzambi, nkuasa webe wa bukelenge udiku tô bikondo ne bikondo, Ne dikombo dia buakane ndikombo dia bukelenge buebe.

Efeze 5:6

Muntu kanudingi ne mei a hatuhu; bualu bua malu â tshishi tshia Nzambi tshilualua kudi bana ba buhidia.

1 Yone 3:18

Bana bakese, katunanganganyi ku mei anyi ku ndimi; kadi tunangangane mu bienzedi ne mu bulelela.

1 Yone 4:17

Mu muanda eu dinanga diakukumbashibua kutudi tshishiki, bua tuetu tuikale ne dikima halua dituku dia dilumbulula; bualu bua bu mudiye emu, tuetu tudi emu kabidi ha buloba ebu.