1 Timote 6:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kadi wewe, muntu wa Nzambi, nyema malu â; londa malu makane ne a buimpe bua Nzambi ne ditabusha ne dinanga ne ditantamana ne kalolo.

MUKANDA WA MYIDI MUKULU

¹¹ Kadi wewe, muntu wa Mvidi Mukulu, epuka ku bionsu abi. Enza tshidi Mvidi Mukulu musue, umulamate, ulonde amu njila wa ditaba, wa dinanga, wa lutulu ne wa bupole.

1 Timote 6:11 Referans Kwoze

2 Timote 2:22

Kadi unyeme nkuka ya bansongalume; londa ku nyima kua buakane, ditabusha, dinanga, ditalala, hohamue ne badi babikila dinu dia Mukelenge ne mitshima mitoke.

2 Timote 3:17

bua muntu wa Nzambi ikale mukumbashibue, mulongolola tshishiki bua midimu yonso mimpe.

1 Timote 4:12

Muntu kakulenguludi bua bunsongalume buebe; kadi wikale tshileshilu kudi bena ditabusha mu mei ne mu tshikadilu tshiebe ne mu dinanga ne mu ditabusha ne mu butoke bua mutshima.

Ebrewu 12:14

Nukebe kuheta ditalala ne bantu bonso, ne kujidibua kudi muntu kai nʼaku kena mumanye mua kutangila Mukelenge.

1 Korente 10:14

Nunku, bananga banyi, nyemai kutendelela kua mpingu.

1 Petro 3:11

Adimuke biandi ku malu mabi. Enze malu mimpe; Akebe biandi ditalala, adiunde.

1 Korente 6:18

Nyemai masandi. Bubi buonso budi muntu wenza kabuena bua mu mubidi, kadi udi wenda masandi udi wenzela mubidi wandi mene bibi.

Misambu 34:14

Umuka ku malu mabi, enza malu mimpe; ukebe ditalala, udilonde.

1 Timote 5:10

udi ne lumu luimpe lua bienzedi biandi bimpe, bikaleye mudiundishe bana bandi, bikaleye musangele benyi, bikaleye mume makasa a basanto, bikaleye mukuatshishe bena makenga, bikaleye munanukile kulonda midimu mimpe yonso.

1 Korente 14:1

Nulonde luse, nanukilai kukeba bihedi bia Nyuma, kadi nulambe kubikeba bua nuenu mimanye mua kuambila bantu dî dia Nzambi.

Rome 14:19

Nunku tulonde bietu malu adi avuisha ditalala ne malu atudi mua kudiundishangana nʼau.

Yeshaya 51:1

Telejai matshu enu kundi, nuenu badi balonda buakane, nuenu badi bakeba Yehowa. Tangilai ku dibue kuakanuhandabo, ne ku tshina tshia mabue kuakanumbulabo.

Misambu 38:20

Badi bampingashila malu mabi ku malu mimpe badi nʼanyi lukuna, bualu bua ndi ndonda muanda udi muimpe.

2 Bakalenga 5:20

Kadi Gehazi, muena mudimu wa Elisha, muntu wa Nzambi, wakamba ne, Mukelenge wanyi wakafuka Nâmana, Muena Sulia, luse, hakabengeye kuangata bintu biakalueye nʼabi; bu mudi Yehowa ne muoyo, nemmulonde, nengangate bintu kudiye.

1 Timote 6:20

Wewe Timote, ulame tshiakakuhebua; ehuka ku biakulakula bia hatuhu ne ku mpata ya bantu badi ne lungenyi ludibo batuhakana ne, Ndulelela;

Yirmeya 35:4

Nakalua nʼabo ku nsubu wa Yehowa, mu nsubu mua bana balume ba Hanana, muana mulume wa Yigedalaya, muntu wa Nzambi, wakadi ha buihi ne nsubu wa baminyampala, wakadi ha mutu ha nsubu wa Maseya, muana wa Shaluma, mulami wa ku mbelu kua nsubu.

2 Kulondolola 8:14

Yeye wakasungula milongo ya bakuidi mu midimu yabo, ne Bena Lewi mu midimu yabo bu muakadi mikenji ya Davidi, bua kuimbabo misambu, ne bua kuenzabo midimu ya bakuidi buatshia-buatshia; ne balami ba bibi ku milongo yabo ku tshibi ne ku tshibi; bualu bua Davidi, muntu wa Nzambi, wakela mikenji nunku.

2 Bakalenga 23:17

Hashishe wakebesha ne, Atshi ntshivulukidi tshia nganyi tshindi ntangila? Bena musoko bakamuambila ne, Alu ndukita lua muntu wa Nzambi wakafuma mu Yuda, wakamba malu awakenzela tshioshelu etshi tshia mu Betele.

2 Bakalenga 1:13

Wakatuma kapitene kakuabo ne bantu bandi makumi atanu. Kapitene kisatu kakaya ne bantu bandi makumi atanu, kakatua binu biandi hanshi ku mpala kua Eliya, kakamusengelela ne, Wewe, muntu wa Nzambi, ndi nkusengelela ne, Witabushe bua muoyo wanyi ne mioyo ya bantu aba, bena mudimu bebe, makumi atanu ikale ya mushinga mukole ku mesu kuebe.

2 Bakalenga 1:9

Hashishe mukelenge wakamutumina kapitene ka masalayi ne bantu bandi makumi atanu. Kakaya kudiye, kakamusangana mushikame ha mutu ha mukuna. Kakamuambila ne, Wewe, muntu wa Nzambi, mukelenge udi wamba ne, Uhueke biebe.

1 Bakalenga 20:28

Muntu wa Nzambi wakasemena ha buihi, wakambila mukulenge wa Isalele ne, Yehowa udi wamba ne, Bualu bua Bena Sulia bakamba ne, Yehowa udi nzambi wa ku mikuna, kadi kena nzambi wa mu bibanda, ka meme nenfile tshisumbu etshi tshionso tshinene mu bianza biebe, ne wewe neumanye ne, Meme ndi Yehowa.

1 Bakalenga 17:18

Mukashi wakakonka Eliya ne, Ndi nʼebe bualu kai, wewe muntu wa Nzambi? Wewe wakuluila bua kunvuluisha bua bubi buanyi ne bua kushiha muanʼanyi!

1 Samuele 2:27

Muntu wa Nzambi wakalua kudi Eli, wakamba ne, Yehowa udi ukukonka ne, Tshiakadimuenesha kudi ba mu nsubu wa tatu webe hakadibo mu Ejipitu mu nsubu wa Palo, anyi?

1 Bakalenga 13:26

Hakunvua muprofete wakamu hingishila mu nshila lumu elu, yeye wakamba ne, Au mmuntu wa Nzambi wakahidia dî dia mukana mua Yehowa: nunku Yehowa wakamutua kudi nyama wa ntambue, yeye wakamuhandulula, wakamushiha bu mu dî dia Yehowa diakamuambileye.

1 Bakalenga 13:1

Muntu wa Nzambi wakafuma mu Yuda, wakafika ku Betele bu mu dî dia Yehowa. Yalobama wakadi muimane ku tshioshelu bua kuosheye musenga wa manananshi.

1 Samuele 9:6

Yeye wakamuambila ne, Mona, mu musoko eu mudi muntu wa Nzambi, bantu bonso badi bamutumbisha; malu onso adiye wamba adi alua malelela; tuye bietu kudiye, yeye atujinguluile ku luendu kutuyaya.

Dielulula 33:1

 mmasanka akavudishila Mose, muntu wa Nzambi, Bena Isalele, diambedi yeye kayi muanze kufua.

Dielulula 16:20

Nulonde anu dilumbuluisha didi diakane, nunku nenuikale ne muoyo, nenuhiane buloba budi Yehowa, Nzambi wenu, unuha.

Nehemya 12:36

ne bana babo Shemaya ne Azalele ne Milalai ne Gilalai ne Mai ne Netanele ne Yuda ne Hanani bakabalonda ku nyima ne bintu bia kuimba nʼabi misambu bia Davidi muntu wa Nzambi; Ezela mufundi wakadi ku mpala kuabo.

Nehemya 12:24

Bena Lewi banene bakadi Hashebeya ne Shelebaya ne Yeshua, muana wa Kadamiele, ne bana babo bakadi nʼabo bua kutumbishabo ne bua kusakidilabo Nzambi bu muakadi mukenji wa Davidi, muntu wa Nzambi, muntu mu muaba wandi muntu mu muaba wandi.

1 Kulondolola 23:14

Kadi bualu bua Mose, muntu wa Nzambi, bana bandi bakadi babadibue munkatshi mua tshisamba tshia Lewi.

1 Bakalenga 17:24

Mukashi wakambila Eliya ne, Katataka ndi mumanye ne, Wewe udi muntu wa Nzambi ne dî dia Yehowa didi mukana muebe didi dilelela.

Nsumuinu 15:9

Bienzedi bia muntu mubi bidi bitondesha Yehowa, kadi yeye udi unanga muntu udi ulonda buakane.

1 Timote 1:14

ne ngasa wa Mukelenge wetu wakatamba kuvulangana diatshimue ne ditabusha ne dinanga dia mu Kilisto Yesu.

2 Timote 2:21

Nunku biumusha muntu malu mabi â munda muandi, yeye neikale bu tshitekelu tshiteka bua buneme, tshia tshijila, tshikumbane mudimu wa mukelenge, tshilongolola bua mudimu muimpe wonso.

2 Timote 3:10

Kadi wewe wakalonda diyisha dianyi, bienzedi bianyi, bualu bunakahangidisha, ditabusha dianyi, lutulu luanyi, dinanga dianyi, kutantamana kuanyi,