1 Timote 6:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bonso badi bahika munshi mua mutshi wa tshikokedi babale banfumu babo ne mbakanyine buneme buonso; bua dina dia Nzambi ne diyisha dia buala buandi kabihendibu.

MUKANDA WA MYIDI MUKULU

¹ Bapika bonsu badi ne bua kunemeka bamfumu babu ne muoyi mujima, bua muntu nansha umue kajanyi dina dia Mvidi Mukulu, nansha di longesha dietu.

1 Timote 6:1 Referans Kwoze

Tite 2:5

bua kuikala ne meshi mahuekele; bua kuikala kabai ne meshi a tshiendenda; bua kusala mudimu wa mu nsubu yabo; bua kuikala bimpe; kukokela babayabo, bualu bua dî dia Nzambi kadihendibu.

Rome 2:24

Bualu bua dina dia Nzambi didi dihendibua bualu buenu munkatshi mua bisamba bia bende, bu muakafundabo.

1 Petro 3:16

Nuikale ne muoyomukese muimpe, bua, mu bualu budibo banusonguela, bobo badi bahenda bienzedi bienu bimpe binudi nʼabi mu Kilisto bafuishibue bundu.

1 Petro 2:12

nuikale ne bienzedi bienu bimpe munkatshi mua bisamba bia bende, bualu bua, mu mianda idibo banusonguela nuenu bu benji ba malu mabi, bobo batumbishe Nzambi mu dituku dialueye, bua midimu yenu mimpe idibo bamona.

Ngalate 5:1

Kilisto wakatuhikula bua tuetu tuikale ne budishikaminyi; nunku nudijadike, kanudibueshi munshi mua tshikokedi tshia buhika kabidi.

Bienzedi 15:10

Katataka nudi nutetshila Nzambi munda tshinyi, bua nudi basue kuteka tshikokedi ha nshingu ya bayidi tshiakadi bankambua betu kabai bamanye mua kutshituala ne tuetu kabidi?

Bienzedi 10:22

Bakamba ne, Kônelio, kapitene ka masalayi lukama, udi muntu muakane udi utshina Nzambi, lumu luandi ludi luimpe ku tshisamba tshionso tshia Bena Yuda; Nzambi wakamudimusha kudi muanjelo wa tshijila bua kukubikileye ulue mu nsubu muandi ne bua kunvueye mei ebe.

Bienzedi 10:7

Hakumuka muanjelo wakadi wakula nʼandi, wakabikila bena mudimu bandi babidi ba mu nsubu ne disalayi dimpe dia bakadi bamukuatshila mudimu matuku onso;

Luke 17:1

Yeye wakambila bayidi bandi ne, Malu adi alenduisha bantu kêna ahanga kulua, kadi mulau ulualua kudi udi wavuisha.

Matayi 11:30

Bualu bua mutshi wanyi wa tshikokedi udi muakane ne bujitu buanyi budi buhehele.

Malaki 1:6

Muana wa balume udi unemeka tatuʼandi, muhika udi unemeka nfumu wandi; kadi bingikala tatu, kunemekibua kuanyi kudi hanyi? Bingikala mukelenge, dintshina didi hanyi! Edi ndikonka dia Yehowa wa misumba kunudi, nuenu bakuidi, badi balengulula dina dianyi. Kadi nudi nunkonka ne, Tuakulengulula dina diebe munyi?

1 Timote 5:14

Nunku ndi musue bansongakashi ba mu lufuila baye ku dibaka, balele bana, bakokeshe ba mu nsubu yabo, kabaheshi muhumbishi kaba ka kubendeye bena ekelesia;

1 Korente 10:32

Kanuikadi balenduishi anyi kudi Bena Yuda anyi kudi Bena Gelika anyi kudi ekelesia wa Nzambi;

Matayi 11:9

Kadi nuakuyila tshinyi? Bua kutangila muprofete, anyi? E, ndi nuambila ne, Yeye udi mutambe muprofete.

Yezekiyele 36:23

Mukelenge Yehowa udi wamba ne, Nenjidile dina dianyi dinene diakanyangabo munkatshi mua bisamba bia bantu, dinuakanyanga bienu mene munkatshi muabo; ne ba mu bisamba abi nebamanye ne, Meme ndi Yehowa, hanadimuenesha bu Wa Tshijila ku mpala kuabo ku bienzedi bindi nnuenzela.

Yezekiyele 36:20

Hakafikabo munkatshi mua bisamba abi kuakayabo, bakanyanga dina dianyi dia tshijila; bualu bua bantu bakuabo bakamba bua bualu buabo ne, Aba mbantu ba Yehowa, bakaluhuka mu buloba buandi.

Yeshaya 58:6

Eku kakuena kujila kua bia kudia kunakusungula, anyi? Mbua kusulula nkanu ya malu mabi, mbua kusulula majita adi asuika mutshi wa tshikokedi, mbua kulekela bakengeshibue, ne mbua kutshibula mutshi wa tshikokedi wonso.

Yeshaya 52:5

Nunku mpindiu Yehowa udi ukonka ne, Ndi mmona tshinyi kunoko, bualu bua bakuya ne bantu banyi mu buhika tshianana? Yehowa udi wamba ne, Badi babakokesha badi bela bibingu, ne dina dianyi ditu diahendibua dinda tô ne dilolo.

Yeshaya 47:6

Nakadi ne bantu banyi tshiji, nakanyanga buhianyi buanyi, nakabafila mu tshianza tshiebe; wewe kuakabafuila luse; wakuteka mutshi webe wa tshikokedi ha nshingu ya bantu banunu, wakubanemeshila bujitu.

Nehemya 9:5

Hashishe Bena Lewi, Yeshua ne Kadamiele ne Bani ne Hashabeneya ne Shelebaya ne Hodiya ne Shebanya ne Petehiya, bakamba ne, Jukai bienu, nuvudishile Yehowa Nzambi wenu disanka ku tshibangidilu tô ne kunshikidilu. Bavudishile dina diebe dia butumbi disanka, didi ditumbishibue ha mutu ha masanka onso ne butumbi buonso.

2 Bakalenga 5:13

Hashishe bantu bandi bakasemena ha buihi nʼandi, bakamukonka ne, Tatu wetu, bu muprofete mukuambile bua wewe kuenza bualu bunene, kuakadi kubuenza, anyi? Bualu budi butamba kukutonda muakuambeye ne, Wowe mai, wikale muakane, munyi?

2 Samuele 12:14

Kadi bua bualu ebu bubi buwakenza wewe wakavuishila bena lukuna ba Yehowa tshikondo tshia kumuhendabo, nunku muana uwakalela neafue biandi bulelela.

Dielulula 28:48

nunku nenukuatshile badi nʼenu lukuna mudimu badi Yehowa unutumina, ne nzala ne nyota ne butaka ne kuhanga kua bintu bionso. Bobo nebanuteke tshikokedi tshia tshiamu ha nshingu yenu tô ne hanuajimishibua kudibo.

Genese 24:27

Yeye wakamba ne, Yehowa, Nzambi wa mukelenge wanyi Abalahama, atumbishibue, yeye kakumushila mukelenge wanyi luse luandi ne bulelela buandi, hanakadi mu nshila Yehowa wakandombola ku nsubu wa bana babo ne mukelenge wanyi.

Genese 24:12

Yeye wakamba ne, Yehowa, Nzambi wa mukelenge wanyi Abalahama, ndi nkulomba ne, Ungendeshe dikasa dimpe lelu, ufuile mukelenge wanyi Abalahama luse.

Genese 24:2

Abalahama wakambila muhika wandi mukulu, wakadi mulami wa bintu biandi bionso ne, Ndi nkutendekena ne, Uteke tshianza tshiebe muinshi mua tshibelu tshianyi,

Genese 16:9

Muanjelo wa Yehowa wakamuambila ne, Hingana kudi mukelenge webe mukashi, udikokeshe mu tshianza tshiandi.