1 Timote 3:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi bikala muntu kai mumanye mua kukokesha ba mu nsubu wandi, nealame ekelesia wa Nzambi munyi?

MUKANDA WA MYIDI MUKULU

⁵ Bualu padi muntu kayi mumanye mua kulombola nzubu wende, udi mua kuludika Tshisumbu tshia bena ditaba munyi?

1 Timote 3:5 Referans Kwoze

1 Samuele 3:13

Bualu bua nakamana kumuambila ne, Nendumbuluishe ba mu nsubu webe tshiendelele, bua malu mabi abo akadiye mumanye: bualu bua bana bandi balume bakadiela mulau, ne yeye kakabakanyina.

Efeze 5:24

Kadi bu mudi ekelesia ukokela Kilisto, nunku bakashi bakokele babayabo mu malu onso.

Efeze 5:32

Bualu ebu busokoka budi bunene; kadi ndi ngamba bualu bua Kilisto ne ekelesia.

1 Timote 3:15

kadi binashala musangu mule, udi nkufundila mukanda eu bua wewe umanye bu mudibo ne bua kuenza mu nsubu wa Nzambi, udi muaba wa tshijila wa ekelesia wa Nzambi udi ne muoyo, udi bu dikunshi ne tshishindamenu bia malu malelela.

Efeze 1:22

Wakavuisha bintu bionso munshi mua makasa andi, wakamuha bua kuikaleye mutu wa malu onso a mu ekelesia,

Bienzedi 20:28

Nuditangile bienu bimpe, ne tshisumbu tshionso tshiakanutekelabo batangidi kudi Nyuma Muimpe, nudishe ekelesia wa Mukelenge wakasumbeye ku mashi andi.

1 Korente 10:32

Kanuikadi balenduishi anyi kudi Bena Yuda anyi kudi Bena Gelika anyi kudi ekelesia wa Nzambi;