1 Samuele 26:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe Abishai wakambila Davidi ne, Nzambi wakafila muena lukuna webe mu tshianza tshiebe lelu; ndi nkusengelela ne, Witabushe bua meme kumudia ne difuma diandi, dimusompoke kabidi anu tshikondo tshimue, tshiena mmutua tshikondo tshibidi.

MUKANDA WA MYIDI MUKULU

⁸ Abishayi kuambila Davide ne: — Butuku ebu, Mvidi Mukulu mmufile Shawule, muluishi webe mu bianza biebe. Itaba, meme nenye kumutua difuma diende, dipatuka ditua ne mu buloba. Ndi mmutua difuma anu musangu umue. Tshiakumutua musangu muibidi to.

1 Samuele 26:8 Referans Kwoze

1 Samuele 24:4

Bantu ba Davidi bakamuambila ne, Mona, dituku diakakuambila Yehowa ne, Mona neufile muena lukuna webe mu tshianza tshiebe, diakufika; wewe umuenzele bu mûdi umona ne mbimpe. Hashishe Davidi wakajuka, wakakosa tshihesa tshia tshikowelu tshia Shaula mu musokoko.

1 Samuele 26:23

Yehowa neafute muntu yonso bu mudi buimpe buandi ne lulamatu luandi lua ku bushuwa; bualu bua Yehowa wakakufila mu tshianza tshianyi lelu ne meme tshiakitabusha bua kulenga muntu wakela Yehowa manyi ha mutu tshianza.

1 Samuele 23:14

Davidi wakashikama mu tshihela mu misoko ya ngumbu; wakashala mu mikuna mu tshihela tshia Zifa. Shaula wakamukeba ku dituku ku dituku, kadi Nzambi kakamufila mu tshianza tshiandi.

Balombodi 1:4

Bena Yuda bakaya, ne Yehowa wakafila Bena Kanâna ne Bena Pelizi mu bianza biabo; bakashiha binunu dikumi bia bantu mu Bezeke.

Yoshua 21:44

Yehowa wakabaha dikisha ku nseke yonso bu muakalayeye bankambua babo; kakuakadi umue wa bena lukuna babo bonso wakamanya mua kubatantamena; Yehowa wakafua bena lukuna babo bonso mu bianza biabo.

Dielulula 32:30

Muntu umue wakadi kumanya mua kuihata tshinunu tshia bantu, ne bantu babidi bakadi kumanya mua kuihata binunu dikumi bia bantu munyi, bikala Dibue kadiyi dibahane, ne Yehowa kayi mubafile kudibo?

Rome 11:32

Bua Nzambi wakinshidila bantu bonso mu buhidia, bua kulesha bantu bonso luse.

Nahume 1:9

Nudi nuelela Yehowa tshifufu kai? Yeye udi wamba kubabutula kabutu, kena udisombuela kudibo musangu muibidi.

Misambu 31:8

ne kuakunfila mu bianza bia udi nʼanyi lukuna; wakujadika makasa anyi mu muaba munene.

1 Samuele 26:7

Nunku Davidi ne Abishai bakafika kudi bantu ba Shaula butuku; monai, Shaula wakadi mulale tulu munkatshi mua makalu ne difuma diandi dishimika hanshi ku mutu wandi; Abinê ne bantu bonso bakadi balala, bamunyunguluka.

1 Samuele 26:9

Davidi wakambila Abishai ne, Kumushihi nansha; udi mua kulenga muntu wakela Yehowa manyi ha mutu ne kubinga nganyi?

2 Samuele 16:9

Hashishe Abishai, muana wa Seluya, wakakonka mukelenge ne, Mbua eu mufue udi ne bua kuhenda mukelenge wanyi nunku bua tshinyi? Ndi nkusengelela ne, Witabushe bua meme kuya kudiye bua kukosa mutu wandi.

Yirmeya 40:15

Nunku Yohanana, muana wa Kalea, wakambila Gedaliya ku Misepa mu musokoko ne, Ndi nkusengelela ne, Witabushe bua meme nye kushiha Yishemaele, muana wa Netanya, muntu kabumanyi. Bualu kai yeye udi ukeba kukushiha, bua Bena Yuda badi badisangisha kudi batangadishibue, ne bua ba mu Yuda badi bashala bafue?

1 Samuele 24:5

Ku nyima mutshima wa Davidi wakanyingalala bualu bua yeye wakakosa tshihesa tshia tshikowelu tshia Shaula.