1 Samuele 26:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Yehowa neafute muntu yonso bu mudi buimpe buandi ne lulamatu luandi lua ku bushuwa; bualu bua Yehowa wakakufila mu tshianza tshianyi lelu ne meme tshiakitabusha bua kulenga muntu wakela Yehowa manyi ha mutu tshianza.

MUKANDA WA MYIDI MUKULU

²³ Maweja-Nangila enzela muntu yonsu wa kutudi, bilondeshile buakane buende, ne mushindu udiye mulamate Maweja-Nangila. Lelu, Maweja-Nangila uvua mukufile mu bianza bianyi. Kadi tshiena musue kukushipa to. Bualu wewe udi mukalenga musungula kudi Maweja-Nangila.

1 Samuele 26:23 Referans Kwoze

Misambu 62:12

ne kudi wewe kabidi, Mukelenge, kudi luse lujalame. Bualu bua udi ufuta muntu yonso difutu bu mudi mudimu wandi.

Nehemya 13:14

Nzambi wanyi, unvuluke mu bualu ebu; kujimishi bienzedi bianyi bimpe binakenza bua nsubu wa Nzambi wanyi bua mudimu wandi ku mesu kuebe.

1 Bakalenga 8:32

unvue biebe mu diulu bua kulumbuluila bantu bebe; uhishe muntu mubi bua kuhingisha bualu buandi ha mutu nʼandi; uhingishe muntu udi kayi ne bualu, bua kumuhita ku buimpe buandi.

1 Samuele 26:11

Yehowa ankande bua tshilengi muntu wakela Yehowa manyi ha mutu tshianza; kadi ndi nkusengelela ne, Wangate difuma didi ku mutu wandi ne mulondo wandi wa mai, tuye.

1 Samuele 26:9

Davidi wakambila Abishai ne, Kumushihi nansha; udi mua kulenga muntu wakela Yehowa manyi ha mutu ne kubinga nganyi?

1 Samuele 24:12

Yehowa atulumbuluishe hankatshi hetu nʼebe, Yehowa ansombuele bualu buebe, kadi tshianza tshianyi katshiena tshikala kudi.

1 Samuele 24:18

Wewe wakungambila bu muwakungenzela bimpe lelu, bualu bua hakuila Yehowa mu tshianza tshiebe, kuakunshiha nansha.

1 Samuele 24:19

Basangana mundi muena lukuna wandi, neumulekele aye, anyi? Nunku Yehowa akufute bimpe bua bualu buwakungenzela lelu.

1 Samuele 26:22

Davidi wakamba ne, Mukelenge, tangila difuma; umue wa bantu bebe alue bua kudiangata.

2 Samuele 22:21

Yehowa wakanfuta ku buimpe buanyi; wakampingishila bintu ku butoke bua bianza bianyi.

1 Samuele 24:11

Bualu bukuabo, tatu wanyi, tangila ne tshihesa tshia tshikowelu tshiebe tshidi mu tshianza tshianyi; bualu bua meme nakukosa tshikowelu tshiebe, tshiakukushiha, nunku umanye biebe ne, Kakuena bualu bubi mu tshianza tshianyi: tshiakukuenzela bibi, kadi wewe ngûdi ukeba muoyo wanyi bua kûnyenga.

2 Samuele 22:25

Nunku Yehowa wakanfuta ku buimpe buanyi, ne ku butoke kunakadi nʼabu ku mesu kuandi.

Yobe 34:11

Bualu bua Nzambi neafute muntu bu mudi bienzedi biandi, yeye neavuishile muntu yonso bualu bu muakenzenzeye.