1 Samuele 20:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Yehowa atambe kuenzela Yonatana bibi biamba tatu wanyi kukuenzela wewe bibi ne meme tshiyi nkuambila, tshiyi nkutuma ha bula bua wewe uye ne ditalala; Yehowa ikale nʼebe bu muakadiye ne tatu wanyi.

MUKANDA WA MYIDI MUKULU

¹³ Kadi, pikalaye musue kukuenzela bibi, pangikala tshiyi mukumanyishe, Maweja-Nangila annyoke ne dinyoka dikole. Diba adi nenganyishe bua wewe kuya. Neuye bimpe kabayi bakuatshisha to. Ndi njinga ne: Maweja-Nangila ikale nebe muvuaye ne tatu wanyi Shawule.

1 Samuele 20:13 Referans Kwoze

1 Kulondolola 22:16

ya or ne ya argent ne ya tshiamu tshia mitaku ne ya tshiamu tshifike, bidi kabiyi mua kubadibua. Juka, ubange mudimu eu; Yehowa ikale nʼebe.

1 Kulondolola 22:11

Katataka, muanʼanyi, Yehowa ikale nʼebe; wikale ne diakalengele, wibakile Yehowa, Nzambi webe, nsubu bu muakuambeye bualu buebe.

1 Samuele 17:37

Davidi wakamba ne, Yehowa, nguakansungila ku dikama dia nyama wa ntambue ne dia nkashama, neansungile mu tshianza tshia Muena Peleshete eu. Shaula wakambila Davidi ne, Ya biebe, Yehowa ikale nʼebe.

Rute 1:17

nenfue kuwafua, nenjikibuehu kabidi, bialua tshintu tshikuabo hankatshi hetu bua kutuhandulula, anu lufu nkayalu, Yehowa angenzele muonso muenzeye tô ne ha mutu.

Yoshua 1:5

Kakuena muntu udi mua kuimana ku mpala kuebe tô matuku onso autshidi ne muoyo; nengikale nʼebe bu munakadi ne Mose; tshiena ukulekela, tshiena nkushiya nkayebe.

1 Samuele 3:17

Yeye wakamukonka ne, Bualu kai buakakuambila Yehowa? Ndi nkusengelela ne, Kubusokoki. Nzambi akuenzele wewe malu au onso ne makuabo ha mutu biwasokoka bunga bualu bua malu onso akakuambileye.

Filipe 4:9

Malu â kabidi anuakayila ne anuakangata ne anuakunvua ne anuakatangila kundi, nuikale nuenze malu â; ne Nzambi wa ditalala neikale nʼenu.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

1 Bakalenga 20:10

Bene-hadada wakamuambila ne, Nzambi ya hatuhu itambe kungenzela malu onso bikala manza a dinfuenkenya dia buloba dia mu Samalea akumbana bu bungi bua bantu badi bandonda,

1 Bakalenga 19:2

Hashishe Izebele wakatuma mukenji kudi Eliya ne, Nzambi yonso bambe kungenzela malu mabi onso binahanga kuvuisha muoyo webe bu muoyo wa umue wabo makelela ha diba edi.

2 Samuele 19:13

Nuenu nukonke Amasa kabidi ne, Wewe kuena mufuba wa mu mifuba yanyi ne musunyi wa mu misunyi yanyi, anyi? Nzambi angenzele malu onso adiye musue, binahanga kukuhingishila kapitene ka masalayi mu muaba wa Yoaba.

2 Samuele 7:15

luse luanyi lujalame kaluena lumuka kudiye, bu munakalûmusha kudi Shaula, unakumusha ku mpala kuebe.

2 Samuele 3:35

Hashishe bantu bonso bakalua kudi Davidi bua adie biandi, diba ditshidi mulu; kadi Davidi wakaditshiha ne, Nzambi atambe kungela mulau binalabula bidia anyi bintu bikuabo diambedi diba kadiyi dianze kubuela.

1 Samuele 25:22

Nzambi atambe kuela bena lukuna ba Davidi mulau binashila muntu au muana mulume umue wa bintu bionso bidiye nʼabi tô ne muatshiabu.

1 Samuele 18:12

Shaula wakadi utshina Davidi bualu bua Yehowa wakadi nʼandi, ne wakadi mumuke kudi Shaula.

1 Samuele 14:47

Hakabuela Shaula mu bukelenge bua Isalele, yeye wakaluangana nvita ne bena lukuna bandi bonso ba ku nseke yonso: wakaluangana ne Bena Moaba ne Bena Amona ne Bena Edome ne bakalenge ba mu Seba ne Bena Peleshete; ku miaba yonso yakayeye, yeye wakabahita bukole.

1 Samuele 10:7

Hashishe, halua bimanyinu ebi bionso kûdi, enza muonso mûdi mua kuenza, bualu bua Nzambi udi nʼebe.

1 Samuele 19:3

ne meme nenye kuimana ha buihi ne tatu wanyi mu budimi bûdi; meme nenyikile ne tatu wanyi bualu buebe; binamona bualu nenkuambile.

1 Samuele 20:12

Yonatana wakambila Davidi ne, Yehowa, Nzambi wa Isalele, ikale bu mumanyi wa bualu: banabuela tatu wanyi munda bua bualu ebu ha diba edi nansha makelela nansha dia ha nyima; mona, biambeye bualu buimpe bua Davidi, tshiena nkutumina dî bua kukumanyisha bualu ebu, anyi?

1 Samuele 20:14

Wewe kabidi, kuhanga kundesha kalolo ka Yehowa hantshidi ne muoyo, bua meme tshihi nansha;

1 Bakalenga 1:37

Bu muakadi Yehowa ne mukelenge wanyi, ikale kabidi ne Solomo bua nkuasa wandi wa bukelenge ahite wa mukelenge Davidi bunene.