1 Samuele 2:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye nealame makasa a bantu bandi ba tshijila, kadi neahuwishe bantu babi mu mîdima: bualu bua muntu kena utamba ku bukole buandi.

MUKANDA WA MYIDI MUKULU

⁹ Maweja-Nangila udi mulame bantu badi bamunemeka. Kadi badi bamubenga nebafue mu midima. Bualu muntu kena mua kutshimuna ku bukole buende nkayende to.

1 Samuele 2:9 Referans Kwoze

Misambu 121:3

Yeye kena witabusha bua dikasa diebe diselemuke; utu wakinama kena ulala tulu.

1 Petro 1:5

nuenu mbadi balamibua ku bukole bua Nzambi bua ditabusha tô ne ku luhandu tulongolola bubuluibua mu tshikondo tshia kunshikidilu.

Zekâya 4:6

Nunku yeye wakitaba, wakangambila ne, Edi ndî dia Yehowa kudi Zelubabela ne, Kabiena bua bungi bua masalayi, anyi bua bukole, kadi mbua Nyuma wanyi; Yehowa wa misumba udi wamba nunku.

Misambu 97:10

Nuenu badi bunanga Yehowa, nuikale ne malu mabi lukuna. Yeye udi ulama mioyo ya bansanto bandi, udi ubahandisha mu bianza bia bantu babi.

Misambu 94:18

Hanakamba ne, Dikasa dianyi didi diselemuka, luse luebe lujalame, Yehowa, luakangimanyika.

Misambu 37:28

Bualu bua Yehowa udi unanga kulumbulula kuakane, kena ulekela bansanto bandi. Bantu bakane nebalamibue tshiendelele, kadi bana ba bantu babi nebajimishibue.

Yobe 5:24

Neumanye ne, Ntenta wanyi udi ne diakalengele, ne hawaya kutangila luhangu luebe lua bimuna, kuena usangana tshintu tshimue tshijimine.

Dielulula 33:3

Bulelela, yeye udi unanga bantu bonso, bantu bandi bonso ba tshijila hadi mu tshianza tshiebe: bobo bakashikama hanshi ku makasa ebe, bua kunvua mei ebe.

Nsumuinu 16:9

Mutshima wa muntu udi uhangidisha bua kuya ku luendu, kadi Yehowa udi ulombola makasa andi.

Misambu 121:8

Yehowa neakulame hawahatuka ne hawabuela, ku dituku edi tô ne tshiendelele.

2 Petro 2:17

Aba badi mishimi kayi ne mai; badi bu dibungi dihata kudi tshihehele tshikole; kudibo babatekela bufike bua mîdima.

Matayi 8:12

kadi nebimashe bana ba mu bukelenge ha bula mu mîdima; muadi newikalemu ne kusumakana menu.

Sefanya 1:15

Dituku adi ndituku dia njiya, ndituku dia ntatu ne kanyinganyinga, ndituku dia kunyanguka ne kubutuka, ndituku dia mîdima ne mufitu, ndituku dia matutu ne mîdima mikole,

Muambi 9:11

Nakatangila kabidi muinshi mua diba ne, Bena lubilu lukole kabena bahita hakuaho mu kutumbila lubilu misangu yonso, nansha bena bukitu kabena bahitahita bakuabo bukole mu nvita; bena meji kabalu baheta bia kudia bionso; bena lungenyi kabatu baheta bubanji buonso; badi ne ngenzelu muimpe kabatu baheta diakalengele dionso; kadi buonso buabo badi ne bikondo bidi malu abatulukila.

Nsumuinu 3:26

Bualu bua Yehowa neikale tshieyemenu tshiebe, nealame dikasa diebe bua kadikuatshibu mu buteyi.

Muambi 5:17

matuku andi onso akadi mu midima, mu kanyinganyinga, ntatu, masama ne mu tshiji tshikole.

Nsumuinu 2:8

bua yeye alame nshila ya kulu mbulula kuakane, bua alengeshe nshila wa bansanto bandi.

Misambu 121:5

Yehowa udi mulami webe; Yehowa udi dileshi diebe ku tshianza tshiebe tshia balume.

Yuda 1:13

badi mavuala makole a mu mai manene adi enza ntutu ya malu abo mine a bundu; badi mitoto idi yendakana mulu, yakatekelabo bufike bua mîdima tshiendelele.

Yuda 1:3

Bananga, hanakadi ndienzesha ne disuminyina dionso bua kunufundila bua luhandu luolumue lutudi nʼalu, bualu buakunkuata kunufundila bua kukolesha mitshima yenu, bua nuenu nutshinte bikole bua ditabusha diakahabo basanto musangu umue tshiendelele.

Yuda 1:1

Yuda, muhika wa Yesu Kilisto, ne muanʼabo ne Yakobo, kudi bantu badi babikidibue, bananga mu Nzambi Tatu, ne balamibue bua Yesu Kilisto;

Rome 3:19

Tudi bamanye ne, Mei onso adi mikenshi yamba, idi yâmbila badi munshi mua mikenshi, bua kubuikila mukana muonso, ne bua ba ha buloba bonso babueshibue munshi mua dilumbuluisha dia Nzambi.

Yirmeya 9:23

Yehowa udi wamba ne, Muena meji katumbidi mu meji andi, muena bukitu katumbidi mu bukole buandi, muntu mubanji katumbidi mu bubanji buandi;

Yirmeya 8:14

Tudi bashikame hanshi bua tshinyi? Tudisankishe hamue, tubuele mu misoko idi ne ngumbu, tufuilemu; bualu bua Yehowa Nzambi wetu wakutuhisha bua tuetu kufua, wakutunuisha mai adi ne lulengu bua tuetu kunua, bualu bua tuakuenzela Yehowa bibi.

Yobe 5:16

Nunku bahele badi ne diteke mena, ne bubi budi bubuikila mukana muabu.

Dibadika 6:24

Yehowa anusankishe, anulame.

Misambu 31:17

Yehowa, kuitabushi bua meme kufuishibua bundu, bualu bua ndi nkubikila. Bantu babi bafuishibue bundu, bahueke, babuwe talalâ, mu Muaba wa Bafue.

Yeshaya 27:3

Meme Yehowa ndi mulami wabu; nembumiamine mai diba dionso. Bua muntu kabanyangi, nembulame butuku ne munya.

1 Samuele 25:26

Mukelenge wanyi, bu mudi Yehowa ne muoyo ne bu mudi mutshima webe ne muoyo, bualu bua Yehowa wakakukanda bua wewe kumatshishi mashi hanshi ne bua wewe kudisombuedi ne tshianza tshiebe, nunku badi nʼebe lukuna ne badi bakeba kuenzela mukelenge wanyi bibi, bikale bu Nabala.

Yobe 18:18

Nebamuihate mu munya bua kuyeye mu mîdima, nebamuihate ha buloba.

Yobe 40:13

Ubajike hohamue mu dinfuenkenya dia buloba, jingila mpala yabo mu miaba misokome.

Misambu 1:6

Bualu bua Yehowa udi mumanye nshila wa bantu bakane, kadi nshila wa bantu babi neajimine.

Misambu 105:37

Ka yeye wakaluhula Bena Isalele batuala biabo biamu bia argent ne or; kakuakadi muntu umue munkatshi mua bisamba biabo wakalenduka.

Misambu 145:20

Yehowa udi ulama bonso badi bamunanga, kadi neabutule bantu babi bonso.

Yeshaya 47:5

Ushikame muhuwe, buela mu midima, wewe muana mukashi wa Bena Kasada; bualu bua kabena bakubikila kabidi ne, Mukelenge mukashi wa makelenge.

Nahume 1:8

Kadi yeye neabutule muaba wa badi nʼandi lukuna ku bungi bua mai adi ahasalala, neihate badi nʼandi lukuna tô ne mu mîdima.