1 Samuele 13:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Yonatana wakashiha masalayi a Bena Peleshete akadi mu Geba; Bena Peleshete bakunvua lumu elu. Shaula wakelesha mpungi ku nseke yonso ya buloba, wamba ne, Bena Ebelu bonso, unvuai.

MUKANDA WA MYIDI MUKULU

³ Dituku dikuabu, Yonatane kushipa mfumu mukuabu wa bena Peleshete uvua musombele mu Ngeba. Bena Peleshete kumvua lumu lua bualu abu. Shawule kuelesha mpungi mu ditunga dijima, bualu uvua wela meji ne: “Mbimpe bua bena Ebrewu bamanye bualu ebu.”

1 Samuele 13:3 Referans Kwoze

1 Samuele 10:5

Hashishe bûdi nʼabu mbua kuya ku mukuna wa Nzambi, kudi masalayi a Bena Peleshete; hawafika ha buihi ne musoko, neusangile ne tshisumbu tshia baprofete bafume ku mutu kua mukuna badi ne lunzenze lua nshinga dikumi ne dizele ne lushiba ne tshisanji; bobo mene nebikale bamba dî dia Nzambi.

Balombodi 3:27

Hakahinganeye, yeye wakela mpungi ku mikuna ya mu Efelayima: ne Bena Isalele bakahueka nʼandi bafume ku mikuna, yeye wakaya ku mpala kuabo.

Balombodi 6:34

Kadi Nyuma wa Yehowa wakatuela Gideona; yeye wakela mpungi ne Bena Abiezê bonso bakadisangisha kudiye.

Zekâya 14:10

Buloba buonso nebukudimuke bu mpata, ku Geba tô ne ku Limona, ku luseke lua Sude lua Yelushalema. Musoko wa Yelushalema newikale ha mukuna, neushale mu muaba wau, ku tshibi tshia Benyamina tô ne ku muaba wa tshibi tshia diambedi, ku tshibi tshia ku ditumba ne ku tshibumba tshia Hananele tô ne ku bikaminu bia nvinyo bia mukelenge.

Yeshaya 10:29

Wakumana kuhitshila ku tshibuelelu tshia mu luhongo; badi bamba ne, Geba ntshitudilu tshietu tshia butuku. Ba mu Lama badi bazakala, ba mu Gibea wa Shaula badi banyema.

2 Samuele 23:14

Ku tshikondo atshi Davidi wakadi mu musoko wa lumbu, ne masalayi Bena Peleshete akadi mu Beteleheme.

2 Samuele 20:1

Muntu mubi wakadiku, dina diandi Sheba, muana wa Bikili, Muena Benyamina; yeye wakela mpungi, Wamba ne, Tuetu katuena ne tshituha kudi Davidi, katuena ne buhianyi kudi muana wa Yishai, nuenu Bena Isalele, muntu ne muntu ahingane ku ntenta wandi.

2 Samuele 2:28

Nunku Yoaba wakela mpungi ne bantu bonso bakimana talalâ, bakalekela kulonda Bena Isalele, kabakaluangana nʼabo kabidi.

1 Samuele 13:16

Shaula ne muanʼandi wa balume Yonatana ne bantu hakadibo nʼabo bakashala mu Geba wa mu buloba bua Benyamina; kadi Bena Peleshete bakasa tshitudilu tshiabo mu Mikemasha.

Yoshua 21:17

Mu tshisamba tshia Benyamina, Gibeona ne miaba ya ku matshika, ne Geba ne miaba ya ku matshika,

Yoshua 18:24

ne Kefâ-amonai ne Ofeni ne Geba; bimenga dikumi ne bibidi ne misoko yabi;