1 Bakalenga 8:48 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁸ biahinganabo kûdi ne mitshima yabo yonso ne mioyo yabo yonso, mu buloba bua bena lukuna babo bakababuesha mu buhika, biakutendelelabo ne mesu abo matangile ku buloba buabo buwakaha bankambua babo, ne ku musoko eu uwakusungula, ne ku nsubu eu unakuashila dina diebe;

MUKANDA WA MYIDI MUKULU

⁴⁸ Padi bena Izrayele bakulomba ne muoyi mujima bua wewe kubafuila luse mu ditunga dia baluishi babu mudibu babakuata ku bupika, padibu bakudimuka batangila ku ditunga diuvua mumane kupesha bankambua babu, kabidi batangila ku tshimenga etshi tshia Yerushalayime tshiuvua musungule, ne ku nzubu ewu undi mukuibakile, padibu bakutendelela,

1 Bakalenga 8:48 Referans Kwoze

Danyele 6:10

Hakamanya Danyele ne mukelenge wakamana kufunda dina diandi ha mukanda udi ne mukenji, wakabuela mu nsubu wandi wa mulu wakadi ne madidishi matangile ku luseke lua Yelushalema. Wakadi utua binu biandi hanshi misangu isatu ku dituku ku dituku, ulomba Nzambi wandi, umusakidila bu muakadiye wenza diambedi.

Dielulula 4:29

Kadi kuaka nenukebe Yehowa, Nzambi wenu, nenusangakene nʼandi hanuamukeba ne mitshima yenu yonso ne mioyo yenu yonso.

Yona 2:4

Nakuamba ne, Bakungihata ku mesu kuebe, kadi nentangishe mesu anyi kabidi ku ntempelo webe wa tshijila.

Nehemya 1:9

kadi binuakudimuna mitshima yenu kundi, binuatumikila mikenji yanyi bua kuyenza, binuikala bamuangalashibue kunfudilu kua diulu, nennusangisheku, nennuhingashe ku muaba unakusungula bua kujadikaku dina dianyi.

Rome 10:10

Bualu bua bantu badi bitabusha ne mutshima bua kuheta buakane, badi bajukula ne mukana bua kuheta luhandu.

Bienzedi 8:36

Hakadibo baya mu nshila, bakajika ku mai; muntu mutungula wakamba ne, Ahu ka mai â tshidi tshimpumbisha bua kubatijibua ntshinyi? [

Danyele 9:13

Dikenga edi diakutukuata, bu muakafundabo mu mikenji ya Mose; katuena banze kulomba luse kudi Yehowa Nzambi wetu; katuena banze kulekela malu mabi etu ne katuakutumikila mei ebe a bushuwa.

Yirmeya 24:7

Nembahe mitshima ya kummanya ne, Meme ndi Yehowa; bobo nebikale bantu banyi, ne meme nengikale Nzambi wabo; bualu bua nebahingane kundi ne mitshima yabo mijima.

Yirmeya 3:10

Yehowa udi wamba ne, Malu â onso akamueneka, kadi muanʼabo mukashi Yuda, muena dikamakama, kakahingana kundi ne mutshima wandi mujima, kadi wakashala ne lubombo.

Nsumuinu 23:26

Muanʼanyi, Umpe mutshima webe, mesu ebe atangile nshila yanyi.

Misambu 119:145

Ndi nkubikila ne mutshima wanyi mujima; witabe kundi, Yehowa. Nendame mikenji yebe mifunda.

Misambu 119:10

Nenkukebe ne mutshima wanyi mujima; kuitabushi bua meme kusesuka ku mikenji yebe.

Misambu 119:2

Disanka didi kudi badi banemeka mei andi, badi bamukeba ne mitshima yabo mijima.

1 Bakalenga 8:49

unvue kulomba kuabo ne kutendekena kuabo mu diulu kûdi ushikama, ujadike bualu buabo.

Danyele 9:5

tuakuenza malu mabi, tuakuhambuka mu nshila wa buakane, tuakuenza bibi, tuakutomboka, tuakusesuka ku mikenji yebe ne mei ebe.

Zekâya 10:9

Nansha bingikala mubatangalashe munkatshi mua bisamba bia bantu, nebanvuluke mu miaba ya kule; nebakoleshe bana bakalelabo, nebahingane.

Lewitiki 26:40

Bobo nebatonde mibi yabo, nebatonde mitu ya batatuʼabo kabidi disambuka diabo dia mikenji ne kumpidia kuabo,

1 Bakalenga 8:33

Biahita bena lukuna bantu bebe Bena Isalele bukole bualu bua bobo bakukuenzela bibi, biakudimunabo mitshima yabo kûdi bua kuitabusha dina diebe ne bua kukutendelela ne bua kukutendekena mu nsubu eu,

2 Bakalenga 23:25

Kakuakadi mukelenge mukuabo ku mpala kuandi wakakudimuna mutshima wandi ne muoyo wandi ne bukole buandi kudi Yehowa bua kutumikileye mikenji yonso ya Mose bu muakenzeye; kakuakadi mukelenge mukuabo wakalonda ku nyima kuandi bu yeye.

Danyele 6:11

Hashishe, bantu aba bakadisangisha, bakasangana Danyele utendelela ne ulomba malu ku mpala kua Nzambi wandi.