1 Bakalenga 22:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Mukelenge wa Isalele wakambila Yehoshafata ne, Muntu mukuabo udiku utudi mua kuebesha Yehowa mukana muandi, dina diandi Mikaya, muana wa Yimela; kadi ndi nʼandi tshiji bualu bua yeye katu wangambila malu mimpe, utu wangambila anu malu mabi, Yehoshafata wakamba ne, Mukelenge kambi nunku nansha.

MUKANDA WA MYIDI MUKULU

⁸ Akabe, mukalenga wa bena Izrayele, kuandamuna ne: — Muambi mukuabu umue udi munemu. Dina diende Mika, muana wa Imla. Kadi tshiena mumunange to. Bualu misangu yonsu udi ummanyisha amu malu mabi. Katshia, kena muanji kungambilaku bualu buimpe to. Mukalenga Yosafate kukema ne: — Kuangatshi muambi bibi nanku to!

1 Bakalenga 22:8 Referans Kwoze

Yowanane 17:14

Nakubaha dî diebe, ba ha buloba badi nʼabo lukuna, bualu bua bobo kabena ba ha buloba, bu mundi meme tshî wa ba buloba.

Yowanane 7:7

Ba ha buloba kabena bamanye mua kuikala nʼenu lukuna; kadi badi nʼanyi lukuna, bualu bua ndi mbamba ne, Malu adibo benza nmabi.

Amosa 5:10

Badi ne muntu udi ubabela ku tshibuelelu tshia musoko lukuna, badi bahetula muntu udi wamba mei malelela.

Ngalate 4:16

Nunku nakulua muena lukuna wenu bualu bua ndi nuambila bualu bulelela, anyi?

Mika 2:7

Nebamanye mua kunukonka, nuenu Bena Yakoba, ne, Nyuma wa Nzambi kena ne lutulu, anyi? Ebi mbienzedi biandi, anyi? Mei andi kaena alengesha muntu udi wenda mu buakane, anyi?

Yirmeya 38:4

Hashishe baminyampala bakambila mukelenge ne, Tudi tukusengelela bua bashihe muntu eu, bualu bua udi utekesha maboko a bena nvita badi bashala mu musoko eu, ne maboko a bantu bakuabo bonso, habambileye mei a nunku; bualu bua muntu eu kena ukebela bantu diakalengele, kadi udi ubakebela dikenga.

Matayi 10:22

Bantu bonso nebikale nʼenu lukuna bua dina dianyi; kadi wananukila tô ne kunshikidilu neasungidibue.

Zekâya 11:8

Nakashiha balami basatu mu ngondo umue bualu bua mutshima wanyi wakabanga kuikala nʼabo lutulu, ne mitshima yabo yakandengulula.

Mika 2:11

Bianudinga muntu ne mei a mashimi, wamba ne, Nennuambile mei bua nvinyo ne maluvu makole, yeye neikale muprofete wa bantu aba.

Yirmeya 20:10

Bualu bua nakunvua kusonguela kua bantu ba bungi, buowa ku nseke yonso ne, Numunyoke, ne tuetu netumunyoke, mbu mudibo bamba kudi balunda banyi badi bansue, badi bakeba kumona kudishinda kuanyi; bumue yeye neitabushishibue, nênzeshibue ku bukole, netumuhite bukole, netudisombuele kudiye.

Yirmeya 18:18

Mu diba adi bakamba ne, Luai, tuelele Yelemiya tshifufu; bualu bua mikenji kayena yumuka kudi muakuidi, meji kaena umuka kudi bena meji, ne dî kadiena diumuka kudi muprofete. Luai, tumutahe ne ludimi, katuteleji matshu etu ku mei andi kabidi.

Yeshaya 49:7

Yehowa, Muhikudi wa Isalele ne Wa Tshijila wandi, udi wambila muntu udibo bahetula kudi bantu, udibo bakenuka kudi bantu, udi muhika wa bakokeshi babi, ne, Bakelenge nebamone butumbi buebe, nebajuke; bana ba bakelenge nebajuke kabidi, nebakukukuile hanshi; bualu bua Yehowa utudi mua kueyemena, Wa Tshijila wa Isalele, wakukusungula.

Yeshaya 30:10

Badi bambila bamonyi ba bikena kumona ne, Kanubimonyi; badi bambila baprofete ne, Kanutuambidi mei a malu makane, nutuambile mei mashemakane, nutuambile malu adi mua kufu dinga!

Yeshaya 3:11

Mulau wikale kudi muntu mubi! Neafute dikasa dibi; bualu bua nebamuenzele yeye bienzedi biakuenzeye ne bianza biandi.

Nsumuinu 15:12

Mubuidi kena musue bantu bamubele; kena uya kudi bena meji nansha.

Nsumuinu 9:8

Kubedi mubuidi, bua yeye kakukinyi; biwabela muena meji, yeye neakunange.

Misambu 34:21

Malu mabi neashihe muntu mubi; badi ne bantu bakane lukuna nebahishibue.

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

2 Bakalenga 9:22

Hakatangila Yolama Yehu, yeye wakamuebesha ne, Yehu, ulualua talalâ, anyi? Yeye wakamukudimuna ne, Tudi ne ditalala kudi kunyi hatshidi malu a masandi a mamu webe ne mbuku yandi bikumbane bia bungi?

1 Bakalenga 22:27

nubambile ne, Mukelenge udi wamba ne, Nubueshe muntu eu mu nsubu wa lukanu, numudishe bia kudia bia badi mu dikenga, numunuishe mai a badi mu dikenga tô ne hanahingana talalâ.

1 Bakalenga 22:13

Messager wakaya kubikila Mikaya, wakamuambila ne, Mona, baprofete bonso badi bambila mukelenge mei mimpe bu mukana mumue; nunku ndi nkusengelela ne, Dî diebe difuanangane ne mei abo, bua kumuambila mei mimpe kabidi.

1 Bakalenga 21:20

Ahaba wakakonka Eliya ne, Wewe, muena lukuna wanyi, wakusangana, anyi? Yeye wakamukudimuna ne, Nakukusangana bualu bua wewe wakadihanyisha bua kuenza malu mabi ku mesu kua Yehowa.

1 Bakalenga 19:14

Yeye wakamba ne, Nakadi ne lukunukunu lua bungi bualu bua Yehowa, Nzambi wa misumba; bualu bua Bena Isalele bakashiha tshihungidi tshiebe, bakela bioshelu biebe hanshi, bakashiha baprofete bebe ku miele ya nvita, anu meme nkayanyi ndi mushale, badi bakeba muoyo wanyi bua kûnyenga.

1 Bakalenga 19:10

Yeye wakitaba ne, Nakadi ne lukunukunu lua bungi bualu bua Yehowa, Nzambi wa misumba; bualu bua Bena Isalele bakashiha tshihungidi tshiebe, bakela bioshelu biebe hanshi, bakashiha baprofete bebe ku miele ya nvita; anu meme nkayanyi ndi mushale, ne badi bakeba muoyo wanyi bua kûnyenga.

1 Bakalenga 18:4

bualu bua hakakeba Izebele kushiha baprofete ba Yehowa, Obadaya wakangata lukama lua baprofete, wakasokoka makumi atanu mu nyongolo makumi atanu mu nyongolo, wakabadisha bidia, wakabanuisha mai.

Genese 37:8

Bana babo bakamuambila ne, Wewe newikale mukelenge wetu, anyi? Neutukokeshe, anyi? Bakatamba kuikala nʼandi lukuna bualu bua bilota biandi ne bua mei andi.

1 Bakalenga 22:7

Kadi Yehoshafata wakakonka ne, Kakuena muprofete wa Yehowa mukuabo kunoko utudi mua kuebesha, anyi?

1 Bakalenga 22:9

Hashishe mukelenge wa Isalele wakabikila kahita, wakamuambila ne, Lua ne Mikaya, muana wa Yimela, lubilu.

1 Bakalenga 22:18

Mukelenge wa Isalele wakambila Yehoshafata ne, Tshiakukuambila ne, Yeye kena ungambila malu mimpe, kadi anu malu mabi, anyi?

Yirmeya 36:23

Hakabala Yehudi mabeshi asatu anyi anai, mukelenge wakâkosa ne kele, wakaela mu kahia kakadi muiku tô ne hakahia mukanda mujima mu kahia kakadi muiku.

Nsumuinu 29:10

Badi bakeba kumatshisha mashi badi bakina muntu muakane; kadi bantu bakane badi balama muoyo wandi.