1 Bakalenga 20:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Muprofete wakalua hehi ne mukelenge wa Isalele, wakamuambila ne, Ya biebe, udikoleshe, udimuke kabidi bua malu audi wenza; bualu bua halua tshidimu tshikuabo, mukelenge wa Sulia neahingane bua kuluangana nʼebe.

MUKANDA WA MYIDI MUKULU

²² Ke muambi kuya kudi Akabe, mukalenga wa bena Izrayele, umuambila ne: — Kolesha muoyi, wela meji bimpe ku tshiudi mua kuenza. Bualu, tshidimu tshidi kumpala etshi, anu tshikondu tshitudi etshi, mukalenga wa bena Siriya neafike kabidi bua kukuluisha.

1 Bakalenga 20:22 Referans Kwoze

1 Bakalenga 20:26

Hakahita tshidimu tshikuabo, Bene-hadada wakasangisha Bena Sulia, bakaya ku Afeke bua kuluanganabo ne Bena Isalele.

2 Samuele 11:1

Ku tshibangidilu tshia tshidimu tshikuabo hakadi bakelenge baluhuka bua kuluanganabo, Davidi wakatuma Yoaba ne bantu bandi bakadi nʼandi ne Bena Isalele bonso, bakahaula bintu bia Bena Amona; bakatshintshimika musoko wa Laba. Kadi Davidi wakashala mu Yelushalema.

1 Bakalenga 20:13

Muprofete wakalua kudi Ahaba, mukelenge wa Isalele, wamba ne, Yehowa udi ukonka ne, Wewe wakatangila tshisumbu etshi tshia bantu tshinene, anyi? Mona, nentshifile mu bianza biebe lelu, wewe neumanye ne, Meme ndi Yehowa.

1 Kulondolola 20:1

Hashishe mu tshikondo tshidi bakelenge baluhuka bua kuluanganabo, Yoaba wakaya ne masalayi andi, wakahaula buloba bua Bena Amona, wakatshintshimika musoko wa Laba. Kadi Davidi wakashala mu Yelushalema. Yoaba wakahita Laba bukole, wakahaula musoko.

Yeshaya 42:8

Meme ndi Yehowa, adi ndina dianyi; tshiena mpa mukuabo butumbi buanyi, anyi kutendelela kuanyi kudi mpingu misonga.

Yeshaya 26:11

Yehowa, tshianza tshiebe tshidi tshibishibua kulu, kadi kabena batshimona; kedi bamone lukunukunu lûdi nʼalu bua bantu bebe, bafue bundu; bushuwa, kahia nekoshe badi nʼebe lukuna!

Yeshaya 8:9

Tshibukai bituha bituha, nuenu bantu, nukuatshike buowa; telejai matshu enu, nuenu ba mu maloba adi kule; nudiluatshishe bielelu bia nvita, nukuatshike buowa; nudiluatshishe bielelu bia nvita, nukuatshike buowa.

Nsumuinu 20:18

Malu adi bantu bahangidisha adi ajadikibua ku kuhunga kua dî; hakuhabo lungenyi lua kuenza, luangana nvita.

Nsumuinu 18:10

Dina dia Yehowa didi tshibumba tshikole; mundi muakane udi unyemenaku, udi uhanduka.

Misambu 27:14

Windile Yehowa; wikale ne bukole, ne mutshima webe wikale ne dikima; e, windile biebe Yehowa!

2 Kulondolola 25:11

Amasaya wakakolesha mutshima wandi, wakaya ne bantu bandi ku Tshibanda tshia Luehu, wakashiha Bena Seî binunu dikumi.

2 Kulondolola 25:8

Kadi biwaya, wikale ne mutshima mukole bua kuluangana; bualu bua Nzambi neakuhoneshe ku mpala kua bena lukuna; bualu bua Nzambi udi ne bukole bua kukukuatshisha ne bua kukuhonesha nʼabu.

2 Bakalenga 6:12

Umue wa bantu bandi wakamuambila ne, Mukelenge wetu, kakuena muntu; kadi Elisha, muprofete wa mu Isalele, udi wamhila mukelenge wa Isalele mei audi wamba mu nsubu webe wa bulalu.

1 Bakalenga 22:8

Mukelenge wa Isalele wakambila Yehoshafata ne, Muntu mukuabo udiku utudi mua kuebesha Yehowa mukana muandi, dina diandi Mikaya, muana wa Yimela; kadi ndi nʼandi tshiji bualu bua yeye katu wangambila malu mimpe, utu wangambila anu malu mabi, Yehoshafata wakamba ne, Mukelenge kambi nunku nansha.

1 Bakalenga 20:38

Nunku muprofete au wakumuka, wakalamina mukelenge mu nshila, wakasuika tshilulu ku mesu andi, wakadifuanyikisha bu muntu mukuabo.

1 Bakalenga 19:10

Yeye wakitaba ne, Nakadi ne lukunukunu lua bungi bualu bua Yehowa, Nzambi wa misumba; bualu bua Bena Isalele bakashiha tshihungidi tshiebe, bakela bioshelu biebe hanshi, bakashiha baprofete bebe ku miele ya nvita; anu meme nkayanyi ndi mushale, ne badi bakeba muoyo wanyi bua kûnyenga.

Efeze 6:10

Ku ndekelu, nudikoleshe mu Mukelenge ne mu bukole buandi bunene.

1 Bakalenga 20:21

Mukelenge wa Isalele wakaluhuka, wakashiha tubalu ne makalu ne Bena Sulia ne kushiha kukole.