1 Bakalenga 2:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Wenze bu mudi lungenyi luebe; kuitabushi bua mutu wandi udi ne nsuki mitoke tô ubuele mu Muaba wa Bafue ne ditalala.

MUKANDA WA MYIDI MUKULU

⁶ Nanku udimuke. Kuanyishi bua Yowabe akulakaje mu ditalala to. Umushipe.

1 Bakalenga 2:6 Referans Kwoze

1 Bakalenga 2:9

Kadi kumubadi bu muntu udi kayi ne bualu, bualu bua wewe udi muena lungenyi; neumanye bualu bûdi nʼabu mbua kumuenzela: wewe neutume mutu wandi udi ne nsuki mitoke tô mu Muaba wa Bafue ne mashi.

Yeshaya 57:21

Nzambi wanyi udi wamba ne, Kakuena ditalala kudi bantu babi.

Yeshaya 48:22

Yehowa udi wamba ne, Kakuena ditalala dia bantu babi kuikala nʼadi.

Muambi 8:11

Bualu bua kabena bakengesha benji ba malu mabi lukasa, mitshima ya bana ba bantu idi ikoleshibua bua kuenza malu mabi.

Nsumuinu 28:17

Muntu udibo bahisha bualu bua mashi a munga muntu adi hamʼbidi handi aye mu dijimba; muntu kamukuatshisha nansha.

Nsumuinu 20:26

Mukelenge udi ne meji udi usungula bantu babi, udi ubungulusha dikalu dia kushihula nʼadi hamʼbidi habo.

Misambu 37:37

Tangila muntu udi ne mutshima mutoke bimpe, mona muntu udi muakane; bualu bua tunkanunuma netuikale kudi muena ditalala.

Yeshaya 65:20

Kakuena kuikalamu kabidi muana mutekete udi ushala ne muoyo anu matuku manya-manya, anyi muntu mununu udi kayi muanze kushikisha matuku andi makumbane; bualu bua muana neafue hakumbana bidimu lukama kudiye, ne muntu mubi udi ufika ku bidimu lukama nêdibue mulau.

Yeshaya 57:2

udi ubuela biandi mu ditalala; badi bikisha mu malalu abo, muntu ne muntu mene udi wenda mu buakane buandi.

2 Bakalenga 22:20

Nunku nenkusangishe ne bankambua bebe, wewe neubuele mu lukita luebe talalâ; mesu ebe kaena atangila malu mabi onso andi ngenzela muaba eu. Bakamanyisha mukelenge mei au.

Dibadika 35:33

Nunku kanuena nuona buloba bunudi nushikamamu, bualu bua mashi adi ona buloba, kabena bamanye mua kuhikula buloba hakamata mashi, anu ku mashi a muntu wakamatshisha mashi.

Genese 42:38

Yakoba wakamba ne Muan anyi kena uya nʼenu, mukuluʼandi udi mufue ne anu yeye umuehele udi mushale, biamukuata bualu bubi mu nshila unuaya, hashishe, nenuvuishe nsuki yanyi mitoke to ne kanyinganyinga mu Muaba wa Bafue.

Genese 9:6

Muntu yonso udi umatshisha mashi a munga muntu hanshi, nebamatshishe mashi andi hanshi, bualu bua Nzambi wakafuka bantu mu tshifuanyikishi tshiandi.

1 Bakalenga 2:7

Kadi uleshe bana balume ba Bâzilai, Muena Gilada, luse: bobo bikale munkatshi mua badi badia ku mesa ebe; bualu bua bobo bakankuatshisha hanakanyema ku mpala kua muanʼenu Abashaloma.

Genese 9:5

Numanye kabidi ne, Nendombe bulami bua mashi enu, nembulombe kudi nyama yonso ne kudi muntu yonso, nendombe bulami bua muoyo wa muntu hankatshi ha muntu ne muntu

2 Samuele 3:39

Ndi mukelenge muedibue manyi ha mutu kadi bualu ebu budi buntekesha lelu; bantu aba, bana ba Seluya, badi bampite bukole; Yehowa afute muenji wa malu mabi bu mudi bubi buandi.

1 Bakalenga 3:12

ka nakenza bu mudi dî diebe: nakukuha mutshima muakane wa lungenyi, nunku kakuakadi muntu bu wewe diambedi ne mukuabo kena ulonda ku nyima kuebe bu wewe.