1 Bakalenga 19:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Wakalukila, wakangata ngombe ya ku tshikokedi, wakayishiha, wakatumpa minyinyi yai ne mutshi wa tshikokedi, wakayila bantu bandi, bobo bakadia. Hashishe wakajuka, wakalonda Eliya, wakamukuatshila mudimu.

MUKANDA WA MYIDI MUKULU

²¹ Elisha kupingana ku budimi buende. Muaba awu, kuangataye ngombe yende ibidi, ivuaye ukuata nayi mudimu, kuyilambulaye. Kuangataye ditempu, kukuatshisha nadi kapia bua kulamba munyinyi. Bantu bavua muaba awu, kubapeshaye munyinyi awu, kudiabu. Pashishe, Elisha kulonda Eliya, kushala muena mudimu wende.

1 Bakalenga 19:21 Referans Kwoze

2 Samuele 24:22

Alauna wakambila Davidi ne, Mukelenge wanyi angate bintu bionso bidiye musue, abifile bu mulambu; tangila ngombe ya kuosha ha kahia kayiyi; wangate bintu bidibo bahehula nʼabi ne bikokedi bia ngombe bua nkunyi:

Ekesode 24:13

Mose wakabika ne Yoshua mukuatshishi wandi, Mose wakabanda mu mukuna wa Nzambi.

Filemone 1:13

Nakasua yeye ashale kundi, bua yeye angenzelenzele mudimu bua bualu buebe mu lukanu mundi bua lumu luimpe;

2 Timote 4:11

Anu Luka nkayandi udi nʼanyi. Wangata Mâko, ulue nʼandi, bua yeye udi mukumbane mua kunkuatshisha mu mudimu wa Nzambi.

Bienzedi 13:5

Hakadibo mu Salami, bakambila bantu dî dia Nzambi mu nsunagoga ya Bena Yuda. Bakadi ne Yone bu mubakuatshishi.

2 Bakalenga 3:11

Kadi Yehoshafata wakebesha ne, Kakuena muprofete wa Yehowa kunoko utudi mua kuebesha Yehowa dî mukana muandi, anyi? Umue wa bantu ba mukelenge wa Isalele wakamba ne, Elisha, muana wa Shafata, udiku, wakadi wela mai ha bianza bia Eliya.

2 Bakalenga 2:3

Bana balume ba baprofete bakadi ku Betele, bakalua kudi Elisha, bakamuebesha ne, Udi mumanye ne, Yehowa neumushe mukelenge webe ku mutu kuebe lelu, anyi? Yeye wakabambila ne, E, ndi mumanye, nuanji kuhuwa.

1 Bakalenga 18:43

Wakambila muntu wandi ne, Ya, utangile ku luseke lua ku mai manene. Wakaya, wakatangila, wakamba ne, Kakuena tshintu. Yeye wakamba ne, Ya kabidi misangu muanda mutekete.

1 Samuele 6:14

Dikalu diakalua mu budimi bua Yoshua, Muena Bete-shemeshe, diakimana ku dibue dinene; bobo bakahanda mabaya a dikalu, bakafila ngombe kudi Yehowa bu mulambu wa kuosha ha kahia.