1 Bakalenga 19:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Hakunvua Eliya dî adi, wakavunga tshikowelu tshiandi ku mpala kuandi, wakaluhuka, wakimana ku mushiku wa nyongolo. Dî diakalua kudiye, diakamukonka ne, Eliya, udi wenza tshinyi kunoko?

MUKANDA WA MYIDI MUKULU

¹³ Anu muambi Eliya umvua tshiona atshi, kudibuikilaye tshinkutu tshiende. Kupatukaye mu lubuebue, kuimana mu mbelu. Kumvuaye kabidi diyi dimukonka ne: — Eliya, muaba ewu udi wenza tshinyi?

1 Bakalenga 19:13 Referans Kwoze

1 Bakalenga 19:9

Wakabuela mu nyongolo, wakalalamu; dî dia Yehowa diakalua kudiye, diakamukonka ne, Eliya, udi wenza tshinyi kunoko?

Yeshaya 6:5

Ka meme nakamba ne, Mulau wakunkuata! Bualu bua ndi mujimine; bualu bua ndi muntu udi ne mishiku idi kayiyi miakane, ne ndi mushikame munkatshi mua bantu badi ne mishiku idi kayiyi miakane; bualu bua mesu anyi akumona Mukelenge, Yehowa wa misumba mene!

Yeshaya 6:2

Ha mutu handi hakimana baselafima; muselafima ne muselafima wakadi ne mahuahua asambombo. Wakabuikila mesu andi ne mahuahua abidi, wakabuikila makasa andi ne abidi, ne wakahahala ne abidi makuabo.

1 Bakalenga 18:42

Nunku Ahaba wakaya bua kudia ne kunua. Eliya wakabanda ha mutu ha Kâmele; wakinama hanshi, wakateka mpala wandi hankatshi ha binu biandi.

Ekesode 33:23

Hashishe nengumushe tshianza tshianyi, ne wewe neumone nyima wanyi; kadi kuena mua kumona mpala wanyi.

Genese 16:8

Yeye wakebesha Hagâ, mukashi muena mudimu wa Salai, ne, Wakufuma kudi kunyi? Uyaya kudi kunyi? Yeye wakamuandamuna dî ne, Ndi munyeme ku mesu kua mukelenge wanyi mukashi Salai.

Ebrewu 11:37

Bakakumibua mabue, bakakoshibua hankatshi ne nsele, bakateyibua, bakashihibua ne muele wa nvita, bakendakana baluate biseba bia mikoko ne biseba bia mbushi, bakengela bintu, bakengeshibua, benjibue bibi,

2 Bakalenga 2:8

Eliya wakakohola tshikowelu tshiandi, wakatshivunga wakatula ha mai, ne mai akahanduluka eku ne eku; bubidi buabo bakasabuka ha buloba bûme.

Yona 4:5

Hashishe, Yona wakahatuka mu musoko, wakashikama mu muaba wakadi mutangilangane ne musoko ku luseke lua esete ne wakadibakilaku tshitandatanda, wakadi mushikame muinshi mua dileshi diatshi bua kumoneye ne malu kai akuata musoko.