1 Bakalenga 18:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bu mudi Yehowa, Nzambi webe, ne muoyo, kakuena tshisamba anyi bukelenge bidi mukelenge wanyi kayi utuma bantu bua kukukeba. Hakambabo ne, Yeye kena kunoko, yeye wakatshihisha ba mu bukelenge abu ne tshisamba atshi bua kuambabo ne, Katuena bamusangane.

MUKANDA WA MYIDI MUKULU

¹⁰ Bu mudi Maweja-Nangila Mvidi Mukulu webe ne muoyi, ndi nkujadikila ne: mfumuanyi Akabe mmutume bantu mu bisamba bionsu ne mu makalenga onsu bua kukukebabu. Pavua bamfumu ba matunga bamba ne: “Muambi Eliya kena kuetu to,” bavua ne bua kuditshipa bua kujadika ne: kabena bakumona to.

1 Bakalenga 18:10 Referans Kwoze

1 Bakalenga 17:1

Eliya, Muena Tishebe, wakadi usomba mu Gilada, wakambila Ahaba ne, Bu mudi Yehowa, Nzambi wa Isalele, ne muoyo, undi ngimana ku mpala kuandi, nansha mume nansha nvula kabiena bimueneka bidimu ebi anu ku dî dianyi.

Yowanane 8:59

Bua bualu ebu bakangula mabue bua kumuela; kadi Yesu wakasokoma, wakumuka mu ntempelo.

Yirmeya 36:26

Mukelenge wakela mukenji kudi Yelamele, muana wa mukelenge, ne kudi Selaya, muana wa Azaliele, ne kudi Shelemiya, muana wa Abedele, bua kukuatabo Baluka mufundi ne Yelemiya muprofete, kadi Yehowa wakabasokoka.

Misambu 91:1

Udi mushikame mu tshisokomenu tshia Nzambi Mutambe Bunene wa mulu neikale mu mundidimbi wa Nzambi wa Bukole Buonso.

Misambu 31:20

Wewe udi ubasokoka mu tshisokomenu tshiebe ku bifufu bidi bantu babelela. Udi ubalama mu musokoko mu tshitandatanda ku matandu adi ahatuka ku ndimi yabo.

Misambu 10:2

Muntu mubi mu kudisua kuandi udi wihata bantu bahele bikole; witabushe bua bantu babi bakuatshibue mu mateyi akuhangidishabo.

1 Bakalenga 18:15

Eliya wakamba ne, Bu mudi Yehowa wa misumba ne muoyo, undi ngimana ku mpala kuandi, bulelela, nendimueneshe kudiye lelu eu.

1 Bakalenga 17:12

Yeye wakamuambila ne, Bu mudi Yehowa, Nzambi webe, ne muoyo tshiena ne bidia, kadi ndi ne anu dianza tente dia bukula mu mulondo ne manyi tukese mu kasu; tangila, ndi ngangula tutshi tubidi bua meme kudilambila ne muana wanyi, hatuadia, netufue.

1 Bakalenga 17:9

Juka biebe, uye ku Salefata wa mu buloba bua Sidona, sombaku, bualu bua nakelela mukashi wa mu lufuila mukenji bua kukudisha kuinaku.

1 Bakalenga 17:5

Nunku yeye wakaya, wakenza bu muakadi dî dia Yehowa; nunku wakaya, wakashikama ku kasulu ka Kelita kakadi ku mpala kua Yadene.

1 Bakalenga 2:24

Nunku bu mudi Yehowa ne muoyo, wakunjadika, wakunshikika mu nkuasa wa bukelenge wa tatu wanyi Davidi, wakungenzela nsubu wanyi bu muakandayeye, bulelela, Adoniya neafue biandi lelu.

1 Bakalenga 1:29

Mukelenge wakaditshiha ne, Bu mudi Yehowa ne muoyo, wakuhikula muoyo wanyi mu makenga onso,

1 Samuele 29:6

Hashishe Akisha wakabikila Davidi, wakamuambila ne, Bu mudi Yehowa ne muoyo, wewe udi muakane: hawakendakana ku mesu kuanyi wakadi anu ne bienzedi bimpe, bualu bua meme tshiakasangana bualu bubi kûdi ku dituku diwakalua kundi tô ne katataka, kadi baminyampala aba kabena bakusue.

1 Bakalenga 18:9

Yeye wakamuebesha ne, Nakuenza bualu bubi kai, bua wewe udi ukeba kufila muntu webe mu tshianza tshia Ahaba bua yeye anshihe?

1 Bakalenga 18:11

Katataka wewe udi wamba ne, Ya, wambile mukelenge webe ne, Mona, Eliya udiku.

1 Bakalenga 22:14

Mibi ya wakamba ne. Bu mudi Yehowa ne muoyo, meme nemmuambile anu mei adi Yehowa ungambila.

Yirmeya 36:19

Hashishe, baminyampala bakambila Baluka ne, Ya biebe usokome, wewe ne Yelemiya kabidi, kanumanyishi muntu muaba unudi.

1 Samuele 23:23

Nunku yai bienu, numukebe mu miaba yonso misokome yakadiye musokome, nulue bienu, nungambile bimpe; hashishe nenye nʼenu, ne bikaleye mu buloba nemmukebulule munkatshi mua binunu bia meku a mu Yuda.