1 Bakalenga 17:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bikololo biakalua kudiye ne dinda ne bidia ne munyinyi, biakalua habi kabidi dilolo; wakanua mai a mu kasulu.

MUKANDA WA MYIDI MUKULU

⁶ Nyunyi ya bikololu ivua imutuadila mampa ne munyinyi matuku onsu dinda ne dilolu. Uvua unua anu mayi a musulu awu.

1 Bakalenga 17:6 Referans Kwoze

Luke 22:35

Yeye wakabambila ne, Hanakanutuma kanui ne mukaba ne tshibombo ne bisabata, nuakuhanga tshintu, anyi? Bakamba ne, Nasha.

Matayi 19:26

Yesu wakabajosha talalâ, wakabambila ne, Bantu kabena bamanye mua kuenza bualu ebu, kadi Nzambi udi mumanye mua kuenza malu onso.

Yirmeya 37:21

Hashishe, mukelenge Sedekiya wakela mukenji wandi ne bakabuesha Yelemiya mu tshiendelu tshia balami ba nsubu wa lukanu; bakamuha mutanda wa bidia bia ku musesu wa balambi ba bidia ku dituku ka dituku tô ne hakashika bidia bionso bia mu musoko. Nunku Yelemiya wakashala mu tshiendelu tshia balami ba nsubu wa lukanu.

Yeshaya 33:16

Yeye mene neashikame mu miaba idi kulu; tshinyemenu tshiandi netshikale muaha mukoleshibue ne mabue; nebamuhe bia kudia biandi, mai adiye unua kaena ahanga tshiendelele.

Misambu 37:19

Kabena bafuishibua bundu bikondo bia diakabi; mu matuku a tshiole nebukute.

Ebrewu 6:18

bua ku malu abidi adi kâi mua kukudimuka, adi Nzambi kai mumanye mua kushimamu, tuikale ne ditantamika dikole dia mutshima, tuetu mene bakanyema bua kulamata ditekemena diakatekabo ku mpala kuetu.

Misambu 37:3

Eyemena Yehowa ne enza malu mimpe; nunku neushikame mu buloba, neudie bia kudia mu dimueyemena diebe.

Balombodi 14:14

Yeye wakabambila ne, Bia kudia biakafuma kudi mudi, ne kushemakana kuakafuma ku tshintu tshikole. Hakahita matuku asatu, kabakamanya mua kujingulula dijimbu.

Dibadika 11:23

Yehowa wakambila Mose ne, Tshianza tshia Yehowa tshiakulua tshihi, anyi? Katataka wewe neutangile ne bualu bunakukuambila nebuenjibue anyi kabuena buenjibua.

Yirmeya 40:4

Mona, lelu eu ndi nkusulula nkanu ei idi ku bianza biebi. Biwamona ne, Mbimpe bua kuya nʼanyi ku Babulona, lua nʼanyi, ne meme nenkuenzele bimpe. Kadi biwamona ne, Kulua nʼanyi ku Babulona kakuena kuimpe, wanji kushala; tangila, buloba buonso budi ku mpala kuebe; udi mua kuya ku muaba wonso udi umueneka ku mesu kuebe bu muaba muimpe ne mukumbane.

Ekesode 16:35

Bena Isalele bakadia bidia abi tô bidimu makumi anai, tô ne hakaluabo mu buloba muakadi bantu, baka dia bidia abi tô ne hakaluabo ku matshika a buloba bua Kanâna.

1 Bakalenga 17:5

Nunku yeye wakaya, wakenza bu muakadi dî dia Yehowa; nunku wakaya, wakashikama ku kasulu ka Kelita kakadi ku mpala kua Yadene.

1 Bakalenga 17:7

Hakahita matuku makuabo, mai a mu kasulu akûma, bualu bua nvula kayakaloka ha buloba.

1 Bakalenga 13:28

Wakaya, wakasangana tshitalu tshiandi mu nshila ne mpunda ne nyama wa ntambue bimane ha buihi nʼatshi; nyama wa ntambue kakadia tshitalu tshiandi, kakahandulula mpunda.

1 Bakalenga 19:6

Wakatabala, wakamona mutanda wa bidia mulamba ha makala a kahia ne mulondo wa mai ku mutu kuandi. Wakadia, wakanua, wakalala kabidi.

1 Bakalenga 19:8

Wakajuka, wakadia, wakanua, wakaya mu bukole bua bidia abi tô minya ne matuku makumi anai tô ne ku Holeba, mukuna wa Nzambi.

Misambu 33:18

Monai, mesu a Yehowa adi kudi badi bamutshina, adi kudi badi ne ditekemena diabo mu luse luandi lujalame,