1 Bakalenga 17:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Mukashi wakakonka Eliya ne, Ndi nʼebe bualu kai, wewe muntu wa Nzambi? Wewe wakuluila bua kunvuluisha bua bubi buanyi ne bua kushiha muanʼanyi!

MUKANDA WA MYIDI MUKULU

¹⁸ Mamuende wa muana kukonka muambi Eliya ne: — Muambi wa Mvidi Mukulu, udi mungenzele nenku bua tshinyi? Udi mufike muaba ewu bua wewe kuvuluija Maweja-Nangila buenzayi bundi muenze, bua Maweja-Nangila kushipa muananyi anyi?

1 Bakalenga 17:18 Referans Kwoze

Luke 5:8

Hakamona Simona Petelo bualu ebu, wakadihonena hanshi ku binu bia Yesu, wakamba ne, Mukelenge, Umuka kundi, bualu bua meme ndi muntu bubi.

Luke 4:34

Ei! Wewe Yesu, Muena Nazaleta, tudi nʼebe bualu kai? Wewe wakulua bua kutushiha, anyi? Ndi mukumanye, wewe udi Wa Tshijila wa Nzambi.

2 Bakalenga 3:13

Elisha wakebesha mukelenge wa Isalele ne, Ndi nʼebe bualu kai? Ya biebe kudi baprofete ba tatuʼebe ne ba mamuʼebe. Mukelenge wa Isalele wakamukudimuna ne, Nansha, bualu bua Yehowa wakabikila bakelenge aba basatu hohamue bua kubafila mu bianza bia Bena Moaba.

Yowanane 2:4

Yesu wakamuambila ne, Mukashi, ndi nʼebe bualu kai? Diba dianyi kadiena dianze kulua.

2 Samuele 16:10

Mukelenge wakamuebesha ne, Nuenu bana balume ba Seluya, ndi nʼenu bualu kai? Biampendeye bualu bua Yehowa wakamutuma ne, Uhende Davidi, udi nganyi bua kumuebesha ne, Udi wenza nunku bualu kai?

Luke 8:28

Hakamoneye Yesu, wakela dî diandi bikole, wakadihonena ku mpala kuandi, wakela dî diandi bikole ne, Ndi nʼebe bualu kai, wewe Yesu, Muana wa Nzambi Mutambe Bunene wa mu diulu? Ndi nkutendekena ne, Kunkengeshi;

Marke 6:16

Kadî Helode, hakunvueye lumu luandi, wakamba ne, Yone unakukosa mutu wakubika ku lufu.

Marke 5:7

wakela dî diandi bikole ne, Wewe, Yesu, Muana wa Nzambi Mutambe Bunene wa mu diulu, ndi nʼebe bualu kai? Ndi nkutshihisha mu dina dia Nzambi ne, Kunkengeshi;

Yobe 13:26

Bualu bua wewe udi ufunda malu makole bua kumbanda nʼau, ne udi umpingishila makenga bua malu mabi anakadi nʼau ku bunsongalume buanyi.

Yobe 13:23

Mibi yanyi ne malu mabi anyi bidi bungi munyi? Ummanyishe ditomboka dianyi ne bualu bubi buanyi.

2 Kulondolola 35:21

Kadi yeye wakamutumina miloho yamba ne, Ndi nʼebe bualu kai, wewe mukelenge wa Yuda? Tshiakuluila bua kuluangana nʼebe lelu eu, kadi ndi nduangana ne badi nʼanyi lukuna; Nzambi wakungambila kahidi ne, Uye lukasa; nunku kudibuesha mu malu a Nzambi udi nʼanyi, bua yeye kakushihi.

1 Bakalenga 18:9

Yeye wakamuebesha ne, Nakuenza bualu bubi kai, bua wewe udi ukeba kufila muntu webe mu tshianza tshia Ahaba bua yeye anshihe?

1 Bakalenga 13:1

Muntu wa Nzambi wakafuma mu Yuda, wakafika ku Betele bu mu dî dia Yehowa. Yalobama wakadi muimane ku tshioshelu bua kuosheye musenga wa manananshi.

2 Samuele 19:22

Davidi wakamba ne, Nuenu bana ba Seluya, nakanuenzela bualu kai bua nuenu nuikale bena lukuna kundi lelu? Nebashihe muntu mu Isalele lelu, anyi? Meme tshiena mumanye ne, Ndi mukelenge wa ku mutu kua Bena Isalele lelu, anyi?

1 Samuele 16:4

Samuele wakenza muakamba Yehowa, wakaya ku Beteleheme. Bakulu ba musoko bakalua kumuakidila, benda bazakala, bakakonka ne, Ulualua ne ditalala, anyi?

Genese 50:17

Nuenu nuambile Yosefe ne, Ulekelele bana benu mibi yabo ne malu mabi akakuenzelabo Hashishe tuetu tudi tukusengelela ne, Utubuikidile matomboka a bena mudimu ba Nzambi wa tatu webe Yosefe wdkadila hakamuambilabo mei a.

Genese 50:15

Hakatangila bana babo ne Yosefe ne, Tatu wetu wakafua bakambilangana ne, Hashishe Yosefe neikale nʼetu lukuna, neatusombuele bua malu mabi onso atua kamuenzela.

Matayi 8:29

Bakela dî bikole ne, Wewe Muana wa Nzambi, tudi nʼebe bualu kai? Wewe wakulua kutukengesha diambedi dituku dia dikenga dietu kadî dianze kulua, anyi?

Dibadika 5:15

hashishe mulume alue biandi ne mukashi wandi kudi muakuidi, nealue ne mulambu wandi, tshituha tshia dikumi tshia tshihiminu tshia bukula bua orge, kedihu nansha manyi, katekihu nansha musenga wa manananshi, bualu bua eu udi mulambu wa mukau, mulambu wa bukula wa tshivulukidi, bua kuvuluishangana bualu bubi.

1 Bakalenga 12:22

Kadi dî dia Nzambi diakalua kudi Shemaya, muntu wa Nzambi, ne,

1 Bakalenga 17:17

Ku nyima kua malu â, muana wa balume wa mukashi eu, muena nsubu, wakasama; disama edi diakamuhita bukole, kakadi ne muhuya munda muandi kabidi.

1 Bakalenga 17:19

Yeye wakamuambila ne, Umpe muanʼebe mulume. Yeye wakamuangata mu tshiadi tshia mamu wandi, wakaya nʼandi mu nsubu muakadiye mulale, wakamuladika ha bulalu buandi.

1 Bakalenga 20:28

Muntu wa Nzambi wakasemena ha buihi, wakambila mukulenge wa Isalele ne, Yehowa udi wamba ne, Bualu bua Bena Sulia bakamba ne, Yehowa udi nzambi wa ku mikuna, kadi kena nzambi wa mu bibanda, ka meme nenfile tshisumbu etshi tshionso tshinene mu bianza biebe, ne wewe neumanye ne, Meme ndi Yehowa.

Genese 44:16

Yuda wakamba ne, Netuandamune mukelenge wetu dî manyi? Netuambe tshinyi? Netudibingishe munyi? Nzambi wakasokolola bubi bua bantu bebe, tangila, buonso buetu tudi bahika bebe, ne tuetu ne muntu wakasanganabo ne luhanza.

Balombodi 13:6

Hashishe mukashi wakalua, wakambila bayandi ne, Muntu wa Nzambi wakalua kundi, mpala wandi wakadi mufuane mpala wa muanjelo wa Nzambi, wakuntshinyisha; meme tshiakumuebesha kuakafumeye ne yeye kakungambila dina diandi;

2 Bakalenga 1:9

Hashishe mukelenge wakamutumina kapitene ka masalayi ne bantu bandi makumi atanu. Kakaya kudiye, kakamusangana mushikame ha mutu ha mukuna. Kakamuambila ne, Wewe, muntu wa Nzambi, mukelenge udi wamba ne, Uhueke biebe.