1 Bakalenga 13:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Bualu bua mei a Yehowa akambeye bua tshioshelu tshia mu Betele ne bitendelelu bionso bidi ku mikuna ne mu misoko ya Samalea, bulelela, nênjibue.

MUKANDA WA MYIDI MUKULU

³² Bualu muambi ewu uvua muambe malu malelela mu dina dia Maweja-Nangila. Uvua mubenge tshilambuilu tshia mu Betele. Uvua mubenge kabidi nzubu yonsu ya kutendelela, idibu base mu bimenga bia Samariya. Nanku, bionsu bivua-ye muambe abi nebienzeke bulelela.

1 Bakalenga 13:32 Referans Kwoze

1 Bakalenga 16:24

Wakasumba mukuna wa Samalea kudi Sheme ku ntalanta ibidi ya argent; wakasa musoko wa lumbu ha mutu ha mukuna, wakawidika Samalea bu dina dia muena mukuna Shemê.

1 Bakalenga 13:2

Yeye wakela dî diakamuambila Yehowa ku tshioshelu atshi, wamba ne, Tshioshelu, tshioshelu, Yehowa udi wamba ne, Muana wa balume nealedibue mu nsubu wa Davidi, dina diandi Yoshiya: yeye neafile bakuidi badi bosha musenga wa manananshi ha mutu hebe bu mulambu wa kuosha; neboshe mifuba ya bantu ha mutu hebe.

1 Bakalenga 12:31

Wakasa bitendelelu ha mutu ha mikuna, wakasungula bakuidi munkatshi mua bantu bonso, bakadi kabayi bana ba Bena Lewi.

Lewitiki 26:30

Meme nenshimbule bitendelelu bienu bidi ku mutu kua mikuna, nenkose mpingu inudi nutendelela nʼai diba, nengele bitalu bienu ha mutu ha mpingu yenu, mutshima wanyi neunulengulule.

Ezela 4:10

ne bisamba bikuabo bia bantu biakalua nʼabi Osenapâ, muntu munene wa butumbi, wakabateka mu musoko wa Samalea ne mu dishiya dia muamua dia musulu wa Pelata.

2 Kulondolola 25:13

Kadi bantu aba bakahingisha Amasaya bua bobo kabayi nʼandi mu nvita, bakaluangana ne ba mu misoko ya Bena Yuda ku Samalea tô ne ku Bete-holona, bakashiha bantu binunu bisatu, bakanyenga bintu bia bungi.

1 Bakalenga 12:29

Wakateka kamue mu Betele ne kakuabo mu Dana.

Bienzedi 8:14

Hakunvua bapostolo bakadi mu Yelushalema ne, Bena Samalea bakuitabusha dî dia Nzambi, bakabatumina Petelo ne Yone.

2 Bakalenga 17:29

Kadi bantu ba mu tshisamba ne tshisamba bakadienzela nzambi yabo, bakayiteka mu nsubu yakibaka Bena Samalea ha mutu ha mikuna; bakenza nunku kudi tshisamba ne tshisamba mu misoko yonso yakadibo bashikama.