1 Bakalenga 1:48 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁸ Mukelenge wakamba kabidi ne, Nunku disanka dinene dikale kudi Yehowa, Nzambi wa Isalele, wakumpa umue bua kushikameye mu nkuasa wanyi wa bukelenge lelu, mesu anyi atangile bualu ebu.

MUKANDA WA MYIDI MUKULU

⁴⁸ utendelela wamba ne: “Ndi ngela Maweja-Nangila Mvidi Mukulu wa bena Izrayele tuasakidila. Yeye ke udi mumpeshe lelu muntu udi mua kumpingana mu bukalenga. Kabidi Maweja-Nangila ke udi mungambuluishe bua meme kumona bionsu ebi.”

1 Bakalenga 1:48 Referans Kwoze

1 Bakalenga 3:6

Solomo wakamba ne, Wewe wakalesha muntu webe Davidi, tatu wanyi, luse lunene lujalame, bu muakendeye ku mesu kuebe mu bushuwa ne buakane ne mu butoke bua mutshima kûdi; wewe wakumulamina luse elu lunene lujalame bualu bua wewe wakamuha muana mulume bua kushikameye mu nkuasa wandi wa bukelenge: bualu ebu buakuenjibua lelu.

1 Petro 1:3

Batumbishe Nzambi udi kabidi Tatu wa Mukelenge wetu Yesu Kilisto, nyeye wakatulela tshiakabidi bu mudi luse luandi lunene, bua kutuheye ditekemena didi ne muoyo bua dibika dia Yesu Kilisto dia ku bafue;

Efeze 1:3

Nzambi, Tatu wa Mukelenge wetu Yesu Kilisto atumbishibue, wakatuvuidishila masanka onso a Nyuma mu miaba ya mu diulu mu Kilisto;

Danyele 4:34

Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.

Nsumuinu 17:6

Bikulu badi tshifulu tshia butumbi tshia bantu banunu; butumbi bua bana mbatatu babo.

Misambu 145:2

Nenkuvudishile disanka ku dituku ku dituku, nentumbishe dina diebe tô ne tshiendelele.

Misambu 41:13

Yehowa, Nzambi wa Isalele, avudishibue disanka ku tshibangidilu tô ne kunshikidilu! Amen! Amen!

Misambu 34:1

Nenvudishile Yehowa disanka bikondo bionso, kumutumbisha kuanyi nekuikale mukana muanyi misangu yonso.

Nehemya 9:5

Hashishe Bena Lewi, Yeshua ne Kadamiele ne Bani ne Hashabeneya ne Shelebaya ne Hodiya ne Shebanya ne Petehiya, bakamba ne, Jukai bienu, nuvudishile Yehowa Nzambi wenu disanka ku tshibangidilu tô ne kunshikidilu. Bavudishile dina diebe dia butumbi disanka, didi ditumbishibue ha mutu ha masanka onso ne butumbi buonso.

1 Kulondolola 29:20

Davidi wakambila bantu bonso ne, Tuvudishilai Yehowa Nzambi wetu disanka. Bantu bonso bakavu-dishila Yehowa, Nzambi wa bankambua babo, disanka, bakinama mitu yabo, bakatendelela Yehowa, bakakukuata mukelenge.

1 Kulondolola 29:10

Nunku Davidi wakavudishila Yehowa disanka ku mpala kua bantu bonso; Davidi wakamba ne, Yehowa, Nzambi wa Isalele tatu wetu, wikale ne disanka tshiendelele.

1 Kulondolola 17:17

Nzambi, bualu ebu buakadi bukese ku mpala kuebe; kadi wewe wakuamba bua nsubu wa mundi webe musangu mule, wewe wakuntumbisha bu muntu munene, wewe Yehowa Nzambi.

2 Samuele 24:3

Yoaba wakambila mukelenge ne, Yehowa, Nzambi webe, akumbashe bantu bu mudiye musue, nansha misangu lukama lukama, mesu a mukelenge wanyi atangile bualu ebu; kadi mukelenge wanyi udi ukeba disanka ku bualu ebu bua tshinyi?

2 Samuele 7:12

Hakumbana matuku ebe, hawalala tulu ne bankambua bebe, nensungile muana webe udi uluhuka munda muebe, nenjadike bukelenge buandi.

Genese 14:20

ne Nzambi Mutambe Bunene wa mu Diulu, wakafua bena lukuna bebe mu tshianza tshiebe, atumbishibue Abalama wakamuha tshia dikumi tshia bintu bionso.

1 Samuele 25:32

Davidi wakambila Abigayila ne, Yehowa, Nzambi wa Isalele, wakukutuma kundi lelu, asankishibue.

1 Bakalenga 1:49

Bantu bonso bakadi ne Adoniya bakatshina, bakabika, bakaya muntu nshila wandi muntu nshila wandi.

1 Bakalenga 2:4

bua Yehowa kujadikeye di diandi diakangambileye ne, Bikala bana bebe badimuke mu nshila yabo, benda ku mpala kuanyi mu bulelela ne mitshima yabo yonso ne mioyo yabo yonso, hashishe, wewe kuena uhanga muntu wa kushikama mu nkuasa wa bukelenge wa Isalele tshiendelele.

1 Bakalenga 8:20

Yehowa wakamana kujadika dî diandi diakambeye: bualu bua meme nakahingana mu muaba wa tatu wanyi Davidi bua kushikama mu nkuasa wa bukelenge wa Isalele bu muakatulaya Yehowa; nakamana kuashila dina dia Yehowa, Nzambi wa Isalele, nsubu.