Zefania 3:2 - Tshwa Bible

² A wu ingisangi gezu ni ginwe, a wu amukelangi a ziluleko, a wu tsumbangi Jehova, a wu tshinelangi ka Nungungulu wa wona.

Zefania 3:2 Referans Kwoze

Jeremia 22:21

Nzi wulawulile ka wena kuvuvumeni ka wena, Kanilezi uku: Nzi nga ta ingisa. Hi wona a mahanyela ya wena kusukela wuhlangini, Yaku, u nga tazwa a gezu ga mina.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 32:33

Va nzi fularele, a va nzi langutangi; hambu lezi nzi nga va gonzisa kambe ni kambe, a va ingisangi lezaku va kawukiwa.

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Isaya 43:22

Kanilezi wena Jakobe a ku nzi kombelangi, A ku ti karatangi ha mina, wena Israeli!

Isaya 29:13

Hilezo Hosi yi te ngalo: Kota lezi a vanhu lava va tshinelako ka mina hi milomu yabye, Va nzi khesa hi milomu ntsena, A timbilu tabye na ti hi kule na mina, Lezaku a xichavo xabye ha mina hi zileletelo ntsena lezi va zi gonzileko; Mat. 15:8; Mar. 7:6

Mavingu 5:12

Uku: Hikuyini nzi nga ala ku layiwa? ikuyini nzi nga kanyisa laha na nzi kawukiwa;

Tisimu 78:22

Hakuva a va kholwangi ka Nungungulu, A va tsumbangi kuhanyiseni kakwe.

Tisimu 73:28

Kanilezi zi nzi sasekele a ku tshama kusuhi ni Nungungulu; Nzi mahile Hosi Jehova a kuva wuchavelo ga mina, Kasi nza fela ku tlhatlhambutela a mitiro ya wena yontlhe.

Tisimu 50:17

Wena loyi u nga ranziko ku layiwa, U hoxako a magezu ya mina lenzhako ka wena.

Tisimu 10:4

Hi matshanza yakwe a wakubiha aku: A nga zi khataleli. Na alakanya ku ngalo: A ku kona Nungungulu.

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Ezekieli 24:13

Kota lezi a chaka ga wena gi bihileko nguvu, ni kota lezi nzi nga ku hlaza kanilezi a ku basangi, hikwalaho a chaka ga wena gi nga ta hlaziwa kambe kala loku nzi rengisile a zanga ya mina hehla ka wena.

Jeremia 35:17

hikwalaho Jehova, a Nungungulu wa tiyimpi, i ngalo: Languta, nzi ta neha hehla ka Juda ni ka vontlhe a vaaki va Jerusalema, gontlhe a khombo nzi gi wulileko ha vona. Hakuva nzi wulawulile kabye, kanilezi a va nzi ingisangi; nzi va vitanile, kanilezi a va hlamulangi.

Jeremia 35:13

Jehova wa tiyimpi, a Nungungulu wa Israeli, i ngalo: Famba, u va byela a vanhu va ka Juda, ni vaaki va Jerusalema, uku: Xana cima mu nga ta amukela gonzo hi kuzwa a timhaka ta mina ke? ku wula Jehova.

Isaya 31:1

Khombo ka vona lava va relelako Gipite ku ya vuniwa, Lava va tsumbako mahaxi, Va tsumba tikareta hakuva tinyingi, Va tsumba vakhileli va mahaxi hakuva va nga ni ntamu, Kanilezi a va tsumbi Loyi a Basileko wa ka Israeli, Ge, hambu ku lava Jehova.

Isaya 1:5

Hi yini mu ta nga nonohisa mu biwa, hi ku anzisa a kuhluwuka ka nwina? A hloko yontlhe ya babya, a mbilu yontlhe yi bayiseka.

Mavingu 1:7

A ku chava Jehova hi masangulo ya wutivi: anilezi a zipumbu zi kanyisa wutlhari ni gonziselelo. Joba 28:28

2 Timote 3:16

Yontlhelele mitsalo yi pimisilweko vanhu hi Nungungulu ya vuna kugonziseni, ni kukawukeni, ni kululekeni, ni kulayeni hi za kululama; Lu. 1:70; 2 Ped. 1:20

Jeremia 13:25

Lexi hi xiavelo xa wena lexi u ringaniselweko hi mina, Ku wula Jehova; Hakuva u nzi rivele, u tsumba mawunwa.

Ezekieli 22:24

Nʼwana wa munhu, wula ka Jerusalema, uku: Wena u tiko leʼgi nga basiswangiko, legigi nga tsakiswangiko hi vula sikwini ga zanga.

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Zefania 1:6

Ni lava va tlhelelako nzhako va fularela Jehova; ni lava va nga hlotangiko Jehova, va nga mu wutisi nchumu.