Zefania 3:11 - Tshwa Bible

¹¹ A siku lego u nga lawa tingana hi zimaho za wena zontlhe lezi u nzi goheleko ha zena; hakuva nzi ta susa xikari ka wena lava va giyako hi matshanza, zonake wena u nga ta ha ti kukumuxa xitsungeni xa mina xa kubasa.

Zefania 3:11 Referans Kwoze

Isaya 54:4

U nga chavi, hakuva u nga ta wiswa tingana; U nga kanganyiseki, hakuva u nga ta su koyo tingana; U ta rivala a tingana ta wuswa ga wena, U nga ta ha alakanya a xiruko xa wunoni ga wena.

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 61:7

Wutshanwini ga tingana ta nwina mu ta aveliwa ha kambiri; Lava va nga nyenyiwa va ta tsakela xiavelo xabye. Hikwalaho lomu tikweni gabye va ta kuma leʼzi wuyetilweko ha kambiri, Va tava ni litsako la pinzukelwa.

1 Pedro 2:6

Hakuva a mutsalo wu ngalo: Langutani, nza veka le Zioni a ribye ga magumo, legi gi hlawulilweko, gi dzunzekako; Loyi a kholwako ka gona a nga ta wiswa tingana, Isa. 28:16

Va le Roma 9:33

khwatsi hi lezi ku tsalilweko, ku ngalo: Langutani, nza veka a ribye ga xikhunguvanyiso le Zioni, A ribye legi gi ta nga va wisa; Loyi a kholwako ka gona a nga tawa tingana. Tis. 118:22; Isa. 8:14; Mat. 21:42

Mateu 3:9

Mu nga alakanyi muku: Hi na Abrahama, a nga dadani wa hina; hakuva nza mu byela lezaku Nungungulu i na ni ntamu ku vuxela Abrahama a vanana hi maribye laya, Joh. 8:33, 39; Miti. 13:26; Rom. 4:1

Danieli 9:16

Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Jeremia 7:4

Mu nga tsumbi timhaka ta mawunwa, taku: Tempeli ya Jehova, tempeli ya Jehova, a tempeli ya Jehova hi yaleyi!

Isaya 45:17

Kanilezi Israeli i hanyisilwe hi Jehova hi kuhanyisa ka pinzukelwa; Mu nga tava ni tingana ni ku kanganyiseka kala kupinzuka.

Va le Roma 2:17

Wena u na nga ni vito gaku u muJuda, u tsumba nayo, u ti tlakusa hi Nungungulu; Mika 9:6; Joh. 8:41; Xip. 9:6

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Danieli 9:20

Laha na nza ha kombela, nzi wulela zionho za mina ni za vanhu va mina a va ka Israeli, nzi veka mukhongelo wa mina mahlweni ka Jehova a Nungungulu wa mina xungetano ni xitsunga xi basileko xa Nungungulu wa mina;

Ezekieli 24:21

Wulawula ka yindlu ya ka Israeli, uku: Hosi Jehova i ngalo: Langutani, Nzi ta nyenyezisa a yindlu ya mina ya kubasa, ku nga matshanza ya ntamu wa nwina, ni kunavela ka mahlo ya nwina, lezi a moya wa nwina wu zi ranzako; a vafana va nwina ni vanhanyana va nwina lava va mu siyeleko va ta dawa hi supado.

Tisimu 49:5

Nzi wa ta chava yini masikwini ya makhombo, Laha na nzi ranzelwa hi kubiha ka valala ke?

Mitsengo 16:3

Va lo tsombana va vukela Mosi na Aroni, vaku ka vona: Zi ringene, hakuva wontihe tlhangano wu basile, na Jehova i kona xikari ka wona! Hikuyini mu ti kukumukisa hehla ka tlhangano wa Jehova ke?

Tisimu 59:12

Loku ku huma gezu milonwini yabye, ku huma xionho; Ngha va phasiwa hi matshanza yabye, Hi kota ya tihlamba ni mawunwa lawa va ma wulako.

Tisimu 131:1

Jehova, a mbilu ya mina a yi kukumukangi, Ge ni mahlo ya mina, a ma tlakukangi; A nzi yangi timhakeni ta hombe, Leti ti nzi hlulako hi wukulu ga tona.

Isaya 2:12

Hakuva gi tava kona a siku ga Jehova wa tiyimpi, ga ku tsongahata ha gona laʼva matshanza ni laʼva ti kukumukisako, ni wihi loyi a tlakusilweko i ta reletwa. Isa. 40:4

Isaya 5:15

A vanhu va ta koramiswa, ni tinhenha ti tsongahatiwa, Ni mahlo ya lava va ti kukumukisako ma ta koramiswa.

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Jeremia 13:9

Jehova i ngalo: Nzi ta maha matshanza ya Juda ma bola kota lezi, ni matshanza ya hombe ya Jerusalema.

Ezekieli 20:40

Hakuva vontlhe va yindlu ya ka Israeli, vontlhe lava va nga lomu tikweni, va ta nzi khozela lomu xitsungeni xa mina xo basa, a xitsunga xo tlakuka xa ka Israeli, ku wula Hosi Jehova. Laho nzi ta va tsakela, nzi amukela kona a minyikelo ya nwina, ni milangelwa ya zinyikiwo za nwina, ni zontlhe lezi mu zi basiselako mina.