Zefania 1:14 - Tshwa Bible

¹⁴ A siku ga hombe ga Jehova gi kusuhani, ga tshinela hi xihatla. Hi nga zwani, a siku ga Jehova hi legi! A tinhenha ta rila ti tsikwila!

Zefania 1:14 Referans Kwoze

Malaki 4:5

Langutani, nzi ta mu rumela muprofeti Elija hi mahlweni na gi nga se kuta a siku ga Jehova, leʼga hombe gi chavisekako. Mat. 11:14; Mar. 9:11; Lu. 1:17

Ezekieli 30:3

Hakuva a siku gi tshinele, gona a siku ga Hosi gi laha kusuhani, a siku ga madzuvi: xikhati xa vamatiko. Joeli 2:1; Zef. 1:14

Zefania 1:7

Rutiseni mahlweni ka Hosi Jehova, hakuva a siku ga Jehova gi tshinele! Hakuva Jehova i longisile a muphahlo, i basisile lava a va rambileko. 1 Sam. 16:5; Jer. 46:10; Zak. 2:13

Joeli 2:11

Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?

1 Va le Tesalonika 4:16

Hakuva yona Hosi wutsumbu yi ta relela hi le tilweni hi huwa yi leletelako, ku zwala a gezu ga ngelosi ya hombe ni mpunzu wa Nungungulu; lava va fileko ka Kristu va ta vuka kuranga. Mat. 24:30; Miti. 1:11; 2 Tes. 1:7

Ezekieli 7:12

A xikhati xi chikele, a siku ga tshinela. Loyi a xavako a nga tsaki, ni loyi a xavisako a nga tsanwi; hakuva a zanga yi hehla ka xidlemo xontlhe xa kona.

Isaya 33:7

Langutani, a tinhenha tabye ta kanyuluka lahandle, Ni mitsukano ya kurula ya rila hi kubayiseka.

Isaya 15:4

Hexboni na Eleale va rila, A magezu yabye ma zwala ni le Jahaza. Hikwalaho a tinhenha ta Moabi ta rila, A moya wakwe wu rurumela nzeni kakwe. Mitse. 21:23, 26 Jer. 48:34

Jakobe 5:9

Vamakabye, mu nga konyelaneni, lezaku mu nga lamulwi; langutani, a mulamuli i yimile laha nyangweni. Mat. 24:33; 1 Kor. 4:5

Mitiro 2:20

A gambo gi ta pfhupeliswa, A hweti yi hunzuka yi maha nkhata, Na gi nga se nga chikela a siku ga Hosi, Legi ga hombe ni gi dumileko. Mat. 24:29

Joeli 1:15

Yowe, a siku legi! hakuva a siku ga Jehova gi tshinele, gita kota lobyiselelo hi ka Nyamintamu.

2 Pedro 2:3

Hi ku navela kufuma, va ta bhinzula ha nwina hi magezu ya kukanganyisa; kanilezi a kukoneka kabye ka kale a ku hlweli, ni kulobyiswa kabye a ku etleli. Deut. 32:35; Tit. 1:11; Juda 4, 15

Amosi 8:2

Yena aku ka mina: Amosi, xini u xi wonako? Mina nziku: Xirunzu xo tala hi mihanzu yi buvileko. Zonake Jehova aku ka mina: A kugumelwa ka vanhu va mina va Israeli ku chikele. Nzi nga ta ha va tsetselela kambe. Am. 7:8

Joeli 2:31

A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.

Zefania 1:10

Hi siku lego, ku wula Jehova, ku ta zwala xirilo lomu Nyangweni ya Zidluwani, ni hlomulo hi tlhelo ga xipanze xiswa xa muti, ni guwa ga hombe hi le xitsungeni. 2 Tih. 22:14; Neh. 3:3

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Joeli 2:1

Banani mpunzu le Zioni, banani tinyandayeyo xitsungeni xa mina xa kubasa! A va rurumele vontlhe vaaki va tiko, hakuva a siku ga Jehova gata, gi laha kusuhani. Isa. 13:9

Ezekieli 12:23

Hikwalaho va byele, uku: Hosi Jehova i ngalo: Nzi ta fuvisa a vingu legi, va nga ha ta gi tirisa lomu tikweni ga ka Israeli. Kanilezi va byele uku: A masiku ma tshinele, a ziprofeto zontlhe zi ta tatiseka.

Jeremia 48:41

Keriote i hlulilwe, a makhokhola ma enghenilwe, ni timbilu ta tinhenha ta Moabi hi siku lego ti ta fanana ni mbilu ya wasati loyi a lunwako.

Jeremia 30:7

Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. Joeli 2:11; Am. 5:18; Zef. 1:15

Jeremia 25:36

Hi nga zwani a kurila ka varisi, Ni kubuwelela ka vahombe va ntlhambi! Hakuva Jehova wa onha a wuriselo gabye,

Isaya 66:6

Ku zwala huwa le mutini, a gezu gi huma tempeleni! I gezu ga Jehova loyi a ti photelako ka valala vakwe.

Maheberu 12:26

loyi a gezu gakwe gi nga tsekatsekisa a misava a ka xikhati lexo; kanilezi makunu i tsumbisile, aku: Nza ha ta tsekatsekisa misava kanwe kambe, na ku nga hi yona yoce kanilezi ni tilo kambe. Ekso. 19:18; Hag. 2:6

Va le Filipi 4:5

Ngha na wunene ga nwina gi tibyiwa hi vanhu vontlhe. A Hosi yi le kusuhi. Maheb. 10:25; Jak. 5:8, 9; 1 Ped. 4:7; 2 Ped. 3:8

Isaya 8:22

Va ta cuwuka hehla, va tlhela va cuwuka misaveni; kanilezi ku kona lomu a hlomulo, ni munyama, ni kuphuma ka kutsikwila; zonake va ta susumetelwa munyameni.

Ezekieli 7:16

Kanilezi lava va pfowoleko, loku va pona va ta tshama lomu zitsungeni ku fanana ni matuva ya mikova, munwe ni munwani i ta tlhava nkosi hi kota ya kugoha kakwe.

Joeli 3:14

Hi nga zwani a zidlemo zi tsombanako nkoveni wa kulamula! hakuva a siku ga Jehova gi tshinele le nkoveni wa kulamula.

Jeremia 46:5

Hikuyini nzi va wonako na va rurumela, va tlhelela nzhako? A tinhenha tabye ti hluliwa, Ti tsutsuma ti nga cuwuki nzhako; Matlhelo wontihe ku kona kuchava, ku wula Jehova.