Zakaria 9:8 - Tshwa Bible

⁸ Nzi ta ranzela yindlu ya mina hi wugovelo, kasi ku yi vikela ka tiyimpi ti hunzako hambu ku tlhelela kona; ni muxanisi a nga ta ha hunza xikari kabye, hakuva makunu nzi yimile nzi langutela.

Zakaria 9:8 Referans Kwoze

Isaya 54:14

U ta bhiyelwa hi kululama, U tava kule ni kutsimbeketwa, U nga ta chava nchumu, Ni lobyiselelo wu nga ta ha tshinela ka wena.

Isaya 60:18

A tihanyi ti nga ta ha zwiwa lo mu tikweni ga wena, A kuhahlulwa ni kulobyiswa zi nga tava kona tikweni ga wena, Kanilezi u ta vitana a tigingisi ta wena lezaku Kuhanyiswa, Ni tinyangwa ta wena lezaku Kudumisa.

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Amosi 9:15

Nzi ta va byala tikweni gabye, cima va nga ta ha tsuwulwa kambe a tikweni legi nzi va nyikileko gona, ku wula Jehova a Nungungulu wa wena.

Ezekieli 39:29

ge hambu ku va fihlela a nghohe ya mina kambe; hakuva nzi chulule a Moya wa mina hehla ka yindlu ya ka Israeli, ku wula Hosi Jehova. Joeli 2:28; Miti. 2:17

Isaya 52:12

Hakuva mu nga ta famba hi ku hatlisa, Ge hambu ku suka hi ku tsutsuma; Hakuva Jehova i ta mu rangela, Na Nungungulu wa ka Israeli i ta mu vikela lenzhako. Ekso. 12:33; 13:21; Deut. 16:3

Isaya 31:5

Khwatsi tinyanyani ti tshambulutako tipapa, Zinghaho Jehova wa tiyimpi i ta fenengeta Jerusalema, I ta gi yimela, a gi tlhatlhisa, a gi hanyisa. Deut. 32:11; Tis. 91:4; Mat. 23:37

Tisimu 72:4

I ta yimela a vaxaniseki va tiko, A ponisa a vana Va vavumali, Ni ku pswandlasa a mutsimbeketi.

Tisimu 34:7

A ngelosi ya Jehova yi gova yi ranzela lava va mu chavako, Yi va tlhatlhisa. Gen. 32:1; 2 Tih. 6:17

2 Samueli 16:12

Kutani Jehova i ta cuwuka kuxaniseka ka mina, zonake a nzi nyika kurula hi kota ya kurukatela kakwe ka nyamutlha.

Eksodusi 3:9

Makunu a kurila ka vanana va ka Israeli ku chikele ka mina; nzi wonile a kuxaniseka loku a vaGipite va va xanisako ha koha.

Kuvululelwa 20:9

Va makanya livaleni la misava, va ranzela a wugovelo ga vobasa, ni muti lowu wu ranzekileko; kanilezi kuwa nzilo hi le tilweni wu va khadamula. Ezek. 38:9, 16

Mitiro 7:34

Hakunene nzi wonile a kuxaniseka ka vanhu va mina lava va nga le Gipite, nzi zwile a kuketa kabye, nzi relele ku ta va ponisa. Ngone makunu, nzi ta ku rumela Gipite.

Zakaria 14:11

A vanhu va ta aka lomo, ku nga tava na nzhukano kambe; Jerusalema gi ta tshama hi kurula.

Zakaria 12:8

Hi siku lego Jehova i ta vikela a vaaki va la Jerusalema; hi siku lego loye wa gome i ta ku khwatsi hi Davida, ni yindlu ya Davida yi ta ku khwatsi hi Nungungulu, yi ku khwatsi i ngelosi ya Jehova mahlweni kabye. 1 Sam. 17:50; 18:7; 2 Sam. 17:8

Jeremia 46:13

A mhaka leyi Jehova a nga yi wula ka muprofeti Jeremia, xungetano ni lezi Nebukadrezzare a hosi ya le Babuloni a ta nga tisa zona a ta hlasela a tiko ga Gipite.

Jeremia 46:2

Xungetano ni Gipite, hi yimpi ya Faro-Neko a hosi ya Gipite, leyi yi nga hi kusuhani ni congo wa Eufrate le Karkemixe, leyi Nebukadrezzare a hosi ya le Babuloni a nga yi hlula hi lembe ga wumune ga kufuma ka Jehoiakimu a nʼwana Josia, hosi ya ka Juda. 2 Tih. 24:7; Isa. 19:1; Ezek. 29:2

Isaya 26:1

A ka siku lego va ta yimbelela lisimu leli tikweni ga ka Juda: Hi na ni muti wa ntamu; I ta yimisa kuhanyisa a kuva khurisi ni lihlavu.

Isaya 4:5

Hehla ka gontlhe a wuakelo ga xitsunga xa Zioni, ni hehla ka gotsovanyano wakwe, Jehova i ta vanga a refu ni musi laha hlikanhini, ni langavi ga nzilo laha wusikwini, hakuva hehla ka kungangamela kontlhe ku ta andlaliwa a xikhubhunyeto.

2 Tihosi 24:1

Masikwini yakwe Nebukadnezzare a hosi ya le Babuloni i lo hloma yimpi, Jehoiakimu a maha nanza gakwe malembe manharu; zonake i lo mu hluwuka.

2 Tihosi 23:29

Xikhatini xwalexo xakwe, Faro-Neko a hosi ya le Gipite i lo kanziha a ku yalwa ni hosi ya le Asiria, le Congweni wa Eufrate; yenawu hosi Josia i lo huma ku mu tlhangaveta. Zonake laha Faro-Neko a nga mu wona, i lo mu daya le Megido.

Eksodusi 3:7

Jehova aku: Nzi wonile kuxaniseka ka vanhu va mina le Gipite, nzi zwile kurila kabye hi kota ya lava va va xanisako; nza tiva a hlomulo wabye.

Zakaria 9:7

Nzi ta susa zakuga za nkhata nonwini wakwe, ni manyalataniso xikari ka meno yakwe; yenawu i tava a salela wa Nungungulu wa hina. I ta ku khwatsi i hosi xikari ka Juda, na Ekroni a ku khwatsi mu Jebusi, 1 Sam. 14:32

2 Tihosi 19:34

Nzi ta wu vikela, nzi wu hlayisela vito ga mina, hi kota ya nanza ga mina Davida.

Mavingu 3:25

U nga dzukiswi hi chawo wa xitshuketi, e hambu kuhlokiswa ka vakubiha laha ku ta ngata.

Zakaria 12:4

Hi siku lego, ku wula Jehova, nzi ta dzukisa a mahaxi wontlhe, nziba a vakhileli va wona hi lihlanyi. Kanilezi nzi ta cuwuka a yindlu ya ka Juda hi mahlo ya mina, nzi maha mahaxi wontlhe ya matiko kuva zikhumu.