Zakaria 7:9 - Tshwa Bible

⁹ Jehova wa tiyimpi i ngalo: Lamulani hi nongameto, a munwe ni munwani a zwela wuxinji ni ku hawukela a nakulobye.

Zakaria 7:9 Referans Kwoze

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Mavingu 21:3

A ku maha kululama ni nongameto, a amukeleka ka Jehova ku hunza muphahlo. 1 Sam. 15:22; Isa. 1:11; Hos. 6:6

Jeremia 7:5

Hakuva loku mu chukhwatisa a mahanyela ya nwina ni mitiro ya nwina, loku mu lamula hi kululama xikari ka munhu ni muakelwani wakwe,

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Johani 7:51

Xana a nayo wa hina wa kona munhu na va nga rangangi hi ku mu hlola, ni ku tiva lezi a zi mahileko ke? Deut. 1:17; 17:8; 19:15

Luka 11:42

Kanilezi khombo a give ka nwina vaFarisi; hakuva mu nyikela a za wukhume ka minte ni rue ni khubyanyi wontihe, kasi mu tsika nongameto ni kuranza ka Nungungulu; kanilezi mu wa fanele ku maha lezi, na mu nga tsikangi ku humesa leʼzo ranga. Mat. 23:23

Mateu 23:23

Khombo a give ka nwina vatsali ni vaFarisi, nwina vaxengeteli! Hakuva mu nyikela a za wukhume a minte ni anase ni kumine, kasi mu tsikile a tshinya ga nayo, gi nga nongameto, ni wuxinji, ni kukholeka; kanilezi mu wa fanelwe hi ku maha lezi zo ranga, mu nga tsiki zinwani. 1 Sam. 15:2; Xip. 9:13; Lu. 11:42

Zakaria 7:7

Kasi a mu tivi a timhaka leti Jehova a nga ti wulawula hi vaprofeti va kale, a xikhatini lexi a vaaki va Jerusalema va nga vuvuma zinwe ni miti leyi yi gi ranzeleko, a tlhelo ga Dzonga ni le mikoveni na ka ha akilwe ke?

Amosi 5:24

Kanilezi nongameto a wu khulunge khwatsi i mati, ni kululama kukotisa congo wu nga pswhiko.

Ezekieli 45:9

Hosi Jehova i ngalo; Nwina tihosana ta ka Israeli, zi ringene! Tsikani tihanyi ni kuphanga, mu maha nongameto ni kululama, mu nga ha hlongoli vanhu va mina tindlwini tabye, ku wula Hosi Jehova. Levi 19:35

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Levi 19:15

Mu nga hambanyisi nongameto laha kulamuleni ka nwina; u nga cuwuki a nghohe ya xisiwana, hambu ku yimela a wahombe; kanilezi lamula muakelani wa wena hi nongameto.

Johani 7:24

Mu nga lamuli hi kota ya lezi zi wonekako, kanilezi lamulani hi nongameto. Deut. 1:16; Mav. 24:23

Deuteronome 22:1

Loku u wona a homu ya nakuloni kutani i yivu yakwe na yi lahlekile, u nga yi tsiki; kanilezi yi helekete ka nakuloni. Ekso. 23:4

2 Samueli 9:7

Davida aku kakwe: U nga chavi, hakuva nzi lava ku ku mahela tipswalo hi kota ya raru wa wena Jonatani. Nzi ku tlhelisela a sava gontlhe ga Saule a raru wa wena; kasike masiku wontihe wena u taga laha mezeni na mina.

Joba 6:14

Loyi a hlokiswako i zwelwa wusiwana hi maxaka yakwe; Hakuva a nga tsika ku chava Nyamintamu.

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Ezekieli 18:8

loyi a nga pembisiko hi ku bhinzula, loyi a canja gakwe gi nga enghenangiko kubiheni, a lamulako xikari ka vanhu hi nongameto;

Zakaria 7:8

A mhaka ya Jehova yi lota ka Zakaria, yiku:

Joba 31:20

Loku a xiwunu xakwe xi nga nzi katekisangi, Ni loku a nga kufumetiwangi hi woya ga tiyivu ta mina;

Hosea 12:7

Kanani i na ni xikalu xa kukhohlisa mandleni yakwe, wa ranza ku kalavela.