Zakaria 7:11 - Tshwa Bible

¹¹ Kanilezi va lo ala ku ingisa, va tshukwama makatla, va vala tindleve tabye, aku kasi va ngazwi.

Zakaria 7:11 Referans Kwoze

Nehemia 9:29

u va khongotela lezaku va tlhelela milayweni ya wena. Kanilezi vona va lo ti alisa, va nga ingisi zileletelo za wena, va huma zineneni za wena, lezi loku a munhu a zi maha, i ta hanya ha zona, va nonohisa tinhamu tabye, va ala ku ingisa. Ezek. 20:11; Rom. 10:5; Gal. 3:12

Hosea 4:16

Hakuva Israeli i na ni kanu khwatsi i thokazi ka xitlalu; makunu Jehova i ta va risa khwatsi i tiyivana wutshanwini gi anamileko.

Jeremia 8:5

Hikuyini lava vanhu va Jerusalema va hluwuka hi kusimamisilweko ke? Va tiyile kukhohlakaleni, va ala ku wuya.

Mitiro 7:57

Kanilezi vona va lo kanyuluka, vaba huwa, va ti siva tindleve, va wela khatiginwe hehla kakwe;

Zakaria 1:4

Mu nge khwatsi hi vadadani va nwina, lava a vaprofeti va kale va nga kanyukelana kabye, vaku: Jehova wa tiyimpi i ngalo: Humani tindleleni ta nwina to biha, mu tsika a zimaho za nwina za hava! Kanilezi a va zwangi, hambu ku nzi ingisa, ku wula Jehova.

Ezekieli 3:7

Kanilezi a yindlu ya ka Israeli yi nga ta ku ingisa, hakuva a va ranzi ku nzi ingisa; yontlhe a yindlu ya ka Israeli mbanhu va tihloko to nonoha ni timbilu to sihalala.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Zefania 3:2

A wu ingisangi gezu ni ginwe, a wu amukelangi a ziluleko, a wu tsumbangi Jehova, a wu tshinelangi ka Nungungulu wa wona.

Danieli 9:5

hi onhile, hi hambunyetile, hi gohile, ni ku hluwuka, hi fularele a zilayelo za wena, ni zileletelo za wena.

Jeremia 44:16

vaku; Xungetano ni mhaka leyi u nga hi byela yona vitweni ga Jehova, hi nga ta ku ingisa. Isa. 42:20; Jer. 6:16

Jeremia 36:31

Nzi ta mu tsayisa yena ni pswalo wakwe ni malanza yakwe, hi kota ya kubiha kabye; nzi ta neha hehla kabye ni hehla ka vaaki va Jerusalema ni hehla ka vanhu va ka Juda, a makhombo wontihe lawa nzi wulileko hehla kabye, kanilezi a va ingisangi.

Jeremia 17:23

Vona a va ingisangi, hambu ku phuhunha tindleve tabye; kanilezi va lo nonohisa a tinhamu tabye, kasi va ngazwi, ni ku nga amukeli kulayiwa.

Jeremia 13:10

A tiko legi go biha, legi gi nga vumeliko a kuzwa a magezu ya mina, legi gi fambako hi kunonoha ka mbilu ya gona, gi lanzela vanungungulu vanwani, gi va tirela ni ku va khozela, gi ta fanana ni bhandi legi gi nga vuniko nchumu.

Jeremia 11:10

Va tlhelele zigohweni za vakoko vabye, lava va nga ala ku ingisa timhaka ta mina. Va lanzele vanwani vanungungulu, va va khozela. A yindlu ya ka Israeli ni yindlu ya ka Juda ti tshovile a xivumelwano xa mina lexi nzi xi mahileko ni vararu vabye.

Jeremia 7:24

Kanilezi a va ingisangi, hambu ku riya tindleve; kanilezi va lo famba lomu makungweni yabye ni lomu ka kunonoha ka timbilu tabye ta kubiha, va lo tlhelela nzhako, a va yangi mahlweni.

Isaya 6:10

Nonohisa a timbilu ta vanhu la va, U vala tindleve tabye, u tsunya mahlo yabye, Va ngazwi hi tindleve tabye, va nga pimi hi timbilu tabye, Kasi va nga hunzuluki va hanyiswa. Deut. 29:3; Rom. 11:8

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

2 Kronekele 33:10

Jehova i lo wulawula ka Manasa zinwe ni vanhu vakwe, kanilezi cima a va ingisangi.

Eksodusi 10:3

Zonake Mosi na Aroni va loya ka Faro va yaku ngalo kakwe: Jehova, Nungungulu wa maHeberu, i ngalo: U ta ala kala rini a ku ti koramisa mahlweni ka mina? Tlhatlha a vanhu va mina va ya nzi khozela.

Mateu 13:15

Hakuva a timbilu ta lava vanhu ti nonohile, A tindleve tabye a ti hatlisi ku ingisa, Ni mahlo yabye ma tsimbile; Ku nga taku va wona hi mahlo yabye, Vazwa hi tindleve tabye, Va pima hi timbilu tabye, Va hunzuluka, nzi va hanyisa. Maheb. 5:11

Isaya 46:12

Nzi ingiseni nwina va timbilu to nonoha, Nwina valala va kululama.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 5:21

Ingisani makunu, nwina vanhu va hungukileko, mu nga hiko ha kupima; mu nga ni mahlo ma nga woniko, na mu hi ni tindleve ti nga zwiko.

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Jeremia 17:27

Kanilezi loku mu nga nzi ingisi, mu nga basisi a siku ga sabado, kanilezi mu rwala a minzhwalo ni ku enghena nayo hi tinyangwa ta Jerusalema hi siku ga sabado; zonake nzi ta dzivela a nzilo tinyangweni ta wona, wu hisa tiyindlu ta wuhosi ta lomu Jerusalema, a nzilo lowu wu nga ta timiwa. Ezek. 20:47; Hos. 8:14

Jeremia 42:21

Nzi mu byelile-ke nyamutlha, kanilezi a mu ingisangi a gezu ga Jehova a Nungungulu wa nwina ni ka xihi xilo lexi a nga nzi ruma xona ka nwina.

Ezekieli 5:6

I hambunyetile zileletelo za mina a maha kubiha ku hunza a matiko, ni milayo ya mina ku hunza a matiko lawa ma mu ranzeleko; hakuva va alile a zileletelo za mina, ni milayo ya mina a va na nga famba ha yona.

Isaya 28:12

Lava a nga va byela, aku: A humulo hi gwalegi, Tsikani vakareleko va humula; Laha ku kona kurula, kanilezi a va layangi kuzwa. Jer. 6:16; Mat. 11:28; 23:37

Isaya 65:12

Nzi ta mu nyikela ka supado, Mu ta korama nwentlhe mu tlhabyiwa, Hakuva laha nzi nga vitana a mu hlamulangi; Laha nzi nga wulawula a mu ingisangi; Kanilezi mu mahile kubiha mahlweni ka mina, Mu ti hlawutela lezi zi nga nzi tsakisiko.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Ezekieli 14:5

kasi nza fela ku phasa a yindlu ya ka Israeli hi timbilu tabye, hakuva va nzi fularele hi kota ya zifananiso zabye.