Zakaria 6:6 - Tshwa Bible

⁶ A kareta leyi yi kokiwako hi mahaxi ya ntima yi famba tikweni ga Nwalungu, lawa yo basa ma lanzela hi lenzhako; lawa ya matlhakatlhaka ma loya tikweni ga le Dzongeni.

Zakaria 6:6 Referans Kwoze

Ezekieli 1:4

Nzi lo cuwuka nzi wona a mheho ya xipupuri na yita hi Nwalungu, ni refu ga hombe gi nga hi ni nzilo wa hombe wu nga woninga matlhelo wontihe, ku huma hi lomu xikari ka wona a kungangamela ko fanana ni ka suku.

Jeremia 51:48

Zonake a tilo ni misava, ni zontlhe zi nga ka zona, zi ta yimbelela hi kutsaka ha Babuloni, hakuva a vahlaseli va tata kakwe hi le Nwalungu, ku wula Jehova. Kuv. 18:20

Jeremia 6:1

Nwina vanana va Benjamini, tsutsumani mu huma xikari ka Jerusalema, Banani mpunzu le Tekoa, Yimisani a xikombiso xa nzilo le Betakeremi; Hakuva a khombo gita hi le Nwalungu, Ni lobyiselelo wa hombe.

Jeremia 4:6

Gwimbani nghapa tlhelweni ga Zioni, Tsutsumani ni tihunzu ta nwina, mu nga yimi;. Hakuva nza mu nehela a khombo na gita hi le Nwalungu, Ni lobyiselelo wa hombe.

Danieli 11:40

A xikhatini xa magumo a hosi ya le Dzongeni yi talwa naye; a hosi ya le Nwalungu yi ta mu hlongolisa kota a xipupuri hi tikareta ta yimpi ni vakhileli va mahaxi ni mataru yo tala. I ta enghena lomu matikweni a kukuleta khwatsi i ntalo, a hunza.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Danieli 11:9

Kanilezi inaloyi i ta hloma yimpi a ku yalwa ni hosi ya le Dzongeni, kanilezi i ta tlhelela tikweni gakwe;

Jeremia 46:10

Hakuva i siku ga Hosi, Jehova wa tiyimpi, A siku ga ku photela, a ti photela valala vakwe. A supado yi taga yi xura, yi tlhela yi popiwa hi nkhata wabye. Hakuva Hosi Jehova wa tiyimpi i na ni muphahlelo tikweni ga le Nwalungu Le congweni wa Eufrate.

Kuvululelwa 6:5

Laha yi nga namula a xifungo xa wunharu, nzi lozwa a ximahwa xa wunharu, xiku: Tana! Nzi lo cuwuka nzi wona a haxi ga ntima, ni loyi a nga gi khilele i wa hi ni xikalo canjeni gakwe.

Isaya 43:6

Nzi taku ka Nwalungu: Humesa! Ni ka Dzonga: U nga alisi! Wuyisa a varisanyana va mina hi le kule, Ni vanhwana va mina hi le magemeta-musi ya misava;

Isaya 30:6

A xiprofeto xungetano hi zivanza za tiko ga Dzonga. Va rwexa a pfuno wabye ni titshomba tabye ka timbongola ni makameli, Vaya tsemakanya tikweni ga zikarato ni hlomulo, Laho ku tako ha kona a nghala ya pswele ni ya matsune, Zinwe ni phiri ni drako gi purumako, Kasi kuya tikweni legi gi nga zi kotiko ku va bhinzulela nchumu.