Zakaria 4:2 - Tshwa Bible

² Yiku ka mina: Xini u xi wonako? Nzi hlamula nziku: Nzi wona a meza ya tikandiya yo mahiwa hi nzalama basi; le hehla ka yona ku hi ni xibya xo chela kona mafura, na yi hi ni ntlhanu wa tikandiya ni timbiri; ku na ni ntlhanu wa mipuva ni mimbiri yi yako ka tikandiya ti nga hehla ka yona.

Zakaria 4:2 Referans Kwoze

Kuvululelwa 4:5

Laha xitshanwini xa wuhosi ku lo huma kuhatima ni magezu ni kudzinza. Ku wa hi ni ntlhanu wa minwenge ni mimbiri yi nga vura mahlweni ka xitshamu xa wuhosi, leyi yi nga mimoya ya ntlhanu ni mimbiri ya Nungungulu Ekso. 37:23; Ezek. 1:13; Zak. 4:2

Kuvululelwa 1:12

Nzi lo hunzuluka a kuva nzi wona loyi nzi zwileko gezu gakwe na gi wulawula ka mina; na nzi hunzulukile nzi lo wona a ntlhanu ni timbiri a timeza ta nzalama to veka tikandiya. Zak. 4:2

Zakaria 5:2

A ngelosi yiku ka mina: Xini u xi wonako? Nziku ka yona: Nzi wona a papilo gi hahako, ga 20 wa mikono kuleha ka gona, ni 10 wa mikono kuanama.

Jeremia 52:19

A nduna ya vanyakasani yi lo teka ni mingelo ya tibani, a timbita, ni timeza ta tikandiya, a mikombe, ni magombe: zontlhe lezi zi nga wa mahilwe hi nzalama ni siliva.

Kuvululelwa 1:20

A fihlakalo wa tinyeleti ta ntlhanu ni timbiri leti u nga ti wona canjeni ga mina ga xinene, ni timeza ta nzalama ta ntlhanu ni timbiri to veka tikandiya hi lowu: A tinyeleti ta ntlhanu ni timbiri hi tingelosi ta ntlhanu wa mabandla ni mambiri, ni timeza leti ta ntlhanu ni timbiri to veka tikandiya hi mabandla lawa ya ntlhanu ni mambiri. Zak. 4:2; Mat. 5:15

2 Kronekele 13:11

Wontihe masiku, mixo ni gambo, va maha ka Jehova a munyikelo wa kuhiswa ni tibani to nuhela, va veka ni zibaba za xikombiso laha mezeni yi basileko, va lumeka tikandiya lomu timezeni ta tona ta nzalama wontihe masiku laha gambyeni, hakuva hina hi hlayisa a nayo wa Jehova Nungungulu wa hina; kanilezi nwina mu mu fularele.

2 Kronekele 4:7

I lo maha a 10 wa timeza ta tikandiya ta nzalama hi nayo wa tona, a ti veka lomu tempeleni, a ntlhanu wa tona hi tlhelo ga xinene, a tinwani ta ntlhanu hi tlhelo ga xibhabha.

1 Kronekele 28:15

ni kutika ka timeza ta tikandiya ta nzalama, ni tikandiya ta kona ta nzalama; ni kutika ka meza yinwe ni yinwani, ni tikandiya ta kona; ni kutika ka timeza ta tikandiya ta siliva, ni kutika ka meza yinwe ni yinwani, ni tikandiya ta kona, kota ntiro wa meza ya kandiya yinwe ni yinwani.

Mutshawuteli 12:6

hi mahlweni a lingoti la siliva na li nga se ku pewuka, ni mukelo wa nzalama na wu nga se nga fayeka, kutani a guwana na gi nga se ku fayeka le hlobyeni, ni nghonghola na yi nga se ku tshoveka lomu nkeleni,

Jeremia 24:3

Jehova i te ngalo ka mina: U wona yini Jeremia? Nzi lo hlamula, nziku: Nza wona makuwu; a makuwu yo saseka, ma nene nguvu; a ya ku biha ma bihile nguvu, a ma na ku giwa, hakuva ma bihile nguvu.

Amosi 7:8

Jehova aku ka mina: Amosi, xini u xi wonako? Mina nziku: Lingoti la xiringaniso. Zonake a Hosi yiku: Languta, nzi ta hayeka a lingoti la xiringaniso xikari ka vanhu va mina va ka Israeli; nzi nga ta ha va tsetselela kambe.