Zakaria 2:4 - Tshwa Bible

⁴ yiku ka yona: Tsutsuma u ya byela a jaha legiya, uku: Jerusalema gi ta akiwa khwatsi hi miti leyi yi nga hiko na tigingisi, hi kota ya kutala ka vanhu ni zifuyo lezi zi ta ngava lomo.

Zakaria 2:4 Referans Kwoze

Zakaria 1:17

Kanela kambe, uku: Jehova Wa tiyimpi i ngalo: A makatekwa ma ha ta enzeleka mitini ya mina, Jehova i ta tangalisa Zioni, a hlawula Jerusalema.

Mika 7:11

Hi siku ga kuaketwa ka makhurisi ya wena a mimbhingano ya wena yi ta tshinetwa kule.

Ezekieli 38:11

u taku: Nzi ta kanziha nziya tikweni ga miti yi nga bhiyelwangiko. Nzi taya ka vona lava va nga su cucululu, lava va tshamisekako, a miti yabye yi nga hiko na makhurisi, yi nga hiko na tibhingo hambu ni tinyangwa.

Jeremia 33:22

Khwatsi hi yimpi ya tilo yi nga hlayiwiko, ni seke ga bimbi gi nga hiko na ku pimiwa, zakunghahi nzi ta anzisa a pswalo wa Davida a nanza ga mina, ni vaLevi lava va nzi tirelako.

Zakaria 12:6

Hi siku lego nzi ta maha a tihosana ta ka Juda ti ku khwatsi i mbawula ya nzilo xikari ka tihunyi, khwatsi xihlahle xa nzilo xikari ka tinyanza. Ti ta lovisa matiko ya le kusuhi hi tlhelo ga xinene ni ga xibhabha; a Jerusalema gi tava wutshanwini ga gona, kwa le Jerusalema.

Jeremia 31:27

Langutani, a masiku ma hata, ku wula Jehova, lawa nzi to byaleta a tiko ga ka Israeli ni tiko ga ka Juda hi mbewu ya vanhu ni mbewu ya zihari.

Isaya 49:20

A vana va wena lava va nga belekiwa xikhatini xa kufelwa ka wena, Va taku tindleveni ta wena: A tiko a gi hi ringani; Hihe tiko kasi ha fela ku aka ka gona.

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Jeremia 31:24

A va ka Juda ni va miti yontlhe va ta aka lomo khatiginwe; a varimi ni varisi va mitlhambi.

Isaya 33:20

Languta Zioni, a muti wa mibuzo ya hina! A mahlo ya wena ma ta wona Jerusalema, wuakelo ga kurula; A tenda legi gi to kala gi nga susiwi, Legi a timhingu ta gona ti to kala ti nga kunulwi, Ni tingoti ta gona ti nga ta phewuka, ne ni yinwe.

1 Timote 4:12

Ngha a nga hi kona loyi a ku kanyisako hilezi u nga jaha, kanilezi ngha u hi xiwonelo ka makholwa hi kuwulawula, ni mahanyela, ni liranzo, ni kukholwa ni kuhlazeka. Tit. 2:15

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Jeremia 1:6

Nzi lo hlamula, nziku: Oho, Hosi Jehova! Cuwuka, a nzi zi tivi ku wulawula, hakuva nza hi nwanana. Ekso. 4:10; 6:12

Estere 9:19

Hikwalaho a vaJuda lava va akileko lomu mitini yi nga bhiywangiko, a siku ga 14 ga hweti ya Adare va maha mibuzo va tsaka, giva ximuse, va rumelana zinyikiwo ha gona.

Danieli 1:4

ma nga hi majaha ya timbhuri ti nga hiko na vala, a titlhari, va yileko mahlweni hi gonziselelo ni wutivi, lava va fanelweko hi ku enghena ntirweni wa yindlu ya hosi, kasi wa va gonzisa a matsaiela ni lirimi la maKaldea.

Zakaria 1:16

Hikwalaho Jehova i ngalo: Nza tlhelela Jerusalema hi wuxinji, a yindlu ya mina yi ta akiwa lomo, ku wula Jehova wa tiyimpi, zonake a lingoti la lipimo li ta tshambulutiwa hehla ka Jerusalema.

Isaya 54:16

Languta, hi mina loyi nzi vangileko a mufuli Loyi a buvetako a nzilo wa makhala, A fula tlhari gi ringeneko ni ntiro wa gona, Kanilezi kambe nzi vangile a mulovisi loyi a lovisako.

Zakaria 14:12

Lowu hi ntungu lowu Jehova a ta ngaba ha wona a matiko wontlhe lawa ma ngalwa na Jerusalema: A nyama yabye yi ta bola na va yimile hi mikonzo yabye; a mahlo yabye ma ta bola lomu makheleni ya wona, ni tirimi tabye ti ta bola; lomu milonwini yabye.