Zakaria 14:21 - Tshwa Bible

²¹ Ina, tontlhe timbita ta le Jerusalema ni ta le Juda ti tava ti basiselwe Jehova wa tiyimpi, kasi ni wihi a phahlelako i ta zi kota ku teka yinwe ya tona a bhika ha yona. Hi siku lego ku nga tava kona a muKanani lomu ndlwini ya Jehova wa tiyimpi. Joeli 3:17; Kuv. 21:27

Zakaria 14:21 Referans Kwoze

Ezekieli 44:9

Hosi Jehova i ngalo: A ku na wamatiko xikari ka vanana va ka Israeli, loyi a nga khuna mbilwini ni nyameni, a ta nga enghena wutshanwini ga mina ga kubasa.

1 Va le Korinte 10:31

Hikwalaho loku muga, kutani munwa, kani hi xihi lexi mu xi mahako zi maheni zontlhe ziva kudzunzwa ka Nungungulu. Zak. 7:6; Mat. 5:16; Joh. 15:8; Tit. 1:11

Joeli 3:17

Zinghaho mu ta zi tiva lezaku hi mina Jehova a Nungungulu wa nwina, loyi nzi tshamako le Zioni xitsungeni xa mina xo basa. Zonake Jerusalema gi ta basa, a vamatiko va nga ta ha hunza hi gona. Isa. 52:1

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

Kuvululelwa 21:27

Cima ku nga ta enghena ka wona ni xihi xilo xo nyenyeza, hambu ni loyi a mahako manyala ni mawunwa; ku enghena ntsena lava va tsalilweko bhukwini ga wutomi ga Yivana. Isa. 52:1; Fil. 4:3; Xip. 3:5

Nehemia 8:10

Zonake aku kabye: Ti fambeleni, mu yaga tinyama ti nonileko, munwa kunwa ko nanziha, mu rumela zakuga ka lava va nga ti longiselangiko nchumu, hakuva legi i siku gi basileko ka Hosi ya hina. Mu nga tsanwi, hakuva a litsako la Jehova i ntamu wa nwina.

1 Pedro 4:17

Hakuva hi xona xikhati xa kuva a kulamulwa ku sangula ndlwini ya Nungungulu; loku ku ranga ha hina, ku ta kuyini a kugumelwa ka vona lava va nga ingisiko a ivangeli ya Nungungulu ke? Jer. 25:29; Lu. 10:12; 23:31

Maheberu 3:6

kanilezi Kristu i wa tsumbekile khwatsi hi nʼwana hehla ka yindlu ya Nungungulu. A yindlu yakwe yi nga hina, loku hi khomisisa a kutiya ka hina, ni ku kulisa a kutsumba ka hina kala kugumeseni. Mat. 24:13; 2 Kor. 6:16; Efe. 2:21, 22

1 Timote 3:15

kasi loku nzi hlwela u fela ku zi tiva lezaku a vanhu va fela ku tshamisa kuyini ndlwini ya Nungungulu, leyi yi nga bandla ga Nungungulu a hanyako, yi nga mhanze ni xiseketelo xa zinene.

Zakaria 14:20

A siku lego ku ta tsaliwa laha ka vanyangende va mahaxi ku ngalo: Ku basiselwe Jehova. A timbita leti ti nga lomu ndlwini ya Jehova ti ta fanana ni mingelo leyi yi nga mahlweni ka alati. Ekso. 28:36

Zakaria 7:6

Loku muga, munwa, a mu geli ni ku nwela a wutsumbu ga nwina ke?

Hosea 12:7

Kanani i na ni xikalu xa kukhohlisa mandleni yakwe, wa ranza ku kalavela.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 4:3

Zi ta maheka lezaku loyi a seleko le Zioni, ni loyi a seleko le Jerusalema, va ta hlayiwa kota va basileko, vontlhelele lava va tsalilweko bhukwini ga vahanyako le Jerusalema,

Deuteronome 12:12

Mu ta ti tsakela mahlweni ka Jehova Nungungulu wa nwina, nwina ni varisanyana va nwina, ni vanhanyana va nwina, ni vasati va nwina, ni zitiri za nwina za xinuna ni za xisati, ni vaLevi lava va nga lomu mitini ya nwina, hakuva a va nyikiwangi xiavelo ni tshomba zinwe na nwina.

Deuteronome 12:7

Nwina mu taga mahlweni ka Jehova Nungungulu wa nwina, mu ti tsakela zinwe ni mingango ya nwina hi zilo zontlhe lezi mu ta nga zi maha, lezi Jehova Nungungulu wa nwina a mu katekisileko ha zona.

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Ezekieli 45:1

Loku mu avelana a tiko hi ku hlahluva, mu ta maha a munyikelo ka Jehova hi xipanze xa kubasa xa tiko. A kuleha ka gona ku tava 25,000 wa mikono, ni kuanama ka gona ku tava 10,000 wa mikono. Gi tava go basa matlhelweni wontihe ya gona. Jox. 14:1

Zefania 1:11

Nwina vaaki va le Maktexi, banani nkosi, hakuva a vamahungani vontlhe va mbhelile, va file vontlhe lava va nga wa hi ni mati yo tala.