Zakaria 14:20 - Tshwa Bible

²⁰ A siku lego ku ta tsaliwa laha ka vanyangende va mahaxi ku ngalo: Ku basiselwe Jehova. A timbita leti ti nga lomu ndlwini ya Jehova ti ta fanana ni mingelo leyi yi nga mahlweni ka alati. Ekso. 28:36

Zakaria 14:20 Referans Kwoze

Eksodusi 39:30

Va lo maha a mubhodi wa xidlodlo xa kubasa hi nzalama yi basileko, zonake va tsala hehla ka xona hi ndlela leyi va kehlako ha yona lomu ka phera, va tsala timhaka leti: Ku basiselwe Jehova.

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

Isaya 23:18

Kanilezi a bhinzu gakwe ni hakhelo yakwe zi ta basiselwa Jehova: zi nga ta vekiwa hambu ku hlengeletelwe wutshamu ginwe, hakuva a bhinzu gakwe gi ta lumba lava va akileko mahlweni ka Jehova, kasi vaga, va kuma kuambala ko enela.

Levi 8:9

I lo mu vekela ni xihuku laha hlokweni, le mahlweni ka xihuku i lo vekela a mubhodi wa nzalama, xi nga xidlodlo xo basa, kota lezi Jehova a leleteleko Mosi.

Zakaria 9:15

Jehova wa tiyimpi i ta va vikela, va ta khadamule valala vabye, va kanzihelela a maribye yo nziwitela; va tanwa a nkhata wabye, va maha guwa khwatsi hi loku va pswonga a vinya; va ta tala ha wona kukotisa mingelo ya muphahlo, va ku khwatsi magwitsi ya alati. Ekso. 24:6

Mitsengo 7:19

I lo nyikela a munyikelo wakwe hi ngelo wa siliva, a kutika ka wona ku wa hi 130 wa maxekeli, ni mukhelo munwe wa siliva wa 70 wa maxekeli, hi xekeli ga wutshamu ga kubasa; yontlhe mingelo leyi yi wa tele hi mapa yo saseka, ma vuvilweko hi mafura, kasi ku maha munyikelo wa zakuga;

Mitsengo 7:13

A munyikelo wakwe ku wa hi ngelo wa siliva; a kubinza ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; yontlhe mingelo ya yimbiri yi wa tele hi mapa yo saseka laya ma vuvilweko hi ma, fura, kasi ku maha munyikelo wa zakuga.

Mitsengo 4:14

le hehla ka gona va ta veka zontlhe zibya lezi va tirako ha zona a ntiro wa ganzelo; a zimbitana za libani, ni mafoloko, ni mafoxola, ni, minzheko, zontlhe zibya za ntiro wa alati, va ta zi fenengeta hi nkumba wa mabhebhe ya macalu, zonake va ta enghenisa mipingo ka gona.

Mitsengo 4:7

Ni ku fenengeta a meza ya zibaba za xikombiso hi nguwo ya wukuxe, va veka hehla ka yona a mingelo, ni minzheko, ni magombe, ni maguwana yo nwatsekela ha wona, ni zibaba za masiku ni masiku zi ta vekiwa hehla ka yona. Ekso. 25:29

Levi 6:28

A mbita ya wumba leyi va bhikeleko ka yona yi ta fayiwa; kanilezi loku va bhikele lomu ka mbita ya suku, yona yi ta kutliwa, yi hlaziwa hi mati.

Eksodusi 37:16

Zonake i lo maha a zibya za meza hi nzalama yi basileko; a mingelo ya kona, ni mikombe ya kona, ni magombe ya kona, ni mingelwana ya kona, zontlhe zi wa hi za nzalama.

Kuvululelwa 20:6

I katekile i basile loyi a nga ni xiavelo kuvukeni ko sangula, a kufa ka wumbiri a ku na ntamu hehla ka vakunghaho; kanilezi va tava vapristi va Nungungulu ni va Kristu, va ta fuma naye 1,000 wa malembe. Isa. 61:6; 1 Ped. 2:9; Xip. 2:11

Kuvululelwa 5:10

u va yimisa a kuva mufumo ni vapristi va Nungungulu wa hina, va fumela misaveni. Ekso. 19:6; 1 Ped. 2:5, 9

Kuvululelwa 1:6

a hi maha hiva mufumo, ni vapristi va Nungungulu Dadani wakwe, a ka yena a kuve wudzunzo ni kufuma kala kupinzuka ni kupinzuka. Amen. 1 Tim. 6:16; 1 Ped. 2:5

1 Pedro 4:11

Loku munhu a kanela, i fanele ku kanela khwatsi hi loyi a humesako timhaka ta Nungungulu; loku munhu a tira bandleni, a tire hi kuringana ni ntamu lowu Nungungulu a mu nyikako wona; lezaku Nungungulu a fela ku dufhiswa ka zontlhe ha Jesu Kristu, loyi a nga ni wudzunzo ni kufuma kala kupinzuka ni kupinzuka. Amen. Jer. 23:22; 1 Kor. 3:10; Efe. 5:20

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Va le Kolosi 3:17

Kani hi xihi lexi mu xi mahako, kani hi kuwulawula kutani hi kutira, mahani zontlhe vitweni ga Hosi Jesu, mu bonga Nungungulu Dadani ha yena. Rom. 1:8; 1 Kor. 10:31; Efe. 5:20; Xip. 2:7

Mitiro 15:9

A nga hambanyisangi nchumu xikari ka hina na vona, laha a nga basise timbilu tabye hi kukholwa. Rom. 10:11; 1 Kor. 1:2

Mitiro 11:9

Kanilezi a gezu gi lo engeta gi huma hi le tilweni, gi nzi hlamula, giku: Lexi Nungungulu a xi basisileko, u nga wuli wena uku xa yila.

Mitiro 10:28

aku ngalo kabye: Nwina ma zi tiva lezaku a muJuda a nga faneli a ku tlhangana ni wamatiko, hambu ku enghena ndlwini yakwe; kanilezi Nungungulu i nzi wonisile lezaku nzi nga vitani munhu nziku wa nyalidede kutani a nga hlazekangi. Joh. 4:9; Efe. 3:6

Mitiro 10:15

A gezu gi lo engeta giku kakwe: Lexi Nungungulu a xi basisileko, u nga wuli wena uku xa yila.

Luka 11:41

Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Zefania 2:11

Jehova i ta chaviseka kabye, hakuva i ta riza vontlhe vanungungulu va misava; vanhu va ta mu khizamela, munwe ni munwani na hi wutshanwini gakwe a ka wontlhe matiko matlhelweni ya bimhi.

Obadia 1:17

Kanilezi lava va ponileko va tava le xitsuhgeni xa Zioni, xi tava wutshamu gi basileko; zonake a yindlu ya ka Jakobe yi ta fumela a tshomba yabye.

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

2 Kronekele 4:8

I lo maha kambe a 10 wa timeza a ti veka lomu tempeleni; ntlhanu wa tona hi le xineneni, a tinwani ta ntlhanu hi le xibhabheni. A maha kambe ni 100 wa mingelo ya nzalama.

1 Samueli 2:14

zonake gi ta tlhava a nyama lomu mbiteni, kutani lomu ka galango, kutani lomu ka guwana, kutani lomu ka bhota, zontlhe lezi a foloko gi zi kotako ku humesa, a mupristi i wa teka. Va wa maha lezo ka vontlhe va ka Israeli lava va nga wata le Xilo.

Eksodusi 25:29

U ta maha mingelo ya kona, ni mingelwana, ni mikombe, ni magombe ya kona, kasi va chela ha zona; u zi maha hi nzalama yi hlutilweko.

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Jeremia 31:40

Ni nkova wontihe wa zirumbi ni wa khuma, ni masimu wontihe kala congweni wa Kidroni, ni ku chikela gwitsini ga Livati la mahaxi ngomama wuceni, zi ta basiselwa ka Jehova; ku nga ta ha runzuwulwa hambu ku khungumulwa kala kupinzuka.

Ezekieli 45:1

Loku mu avelana a tiko hi ku hlahluva, mu ta maha a munyikelo ka Jehova hi xipanze xa kubasa xa tiko. A kuleha ka gona ku tava 25,000 wa mikono, ni kuanama ka gona ku tava 10,000 wa mikono. Gi tava go basa matlhelweni wontihe ya gona. Jox. 14:1

Zakaria 14:19

Lowu wu tava a tsayiso wa Gipite, ni wa matiko wontlhe ma to kala ma ngayi ma ya maha mubuzo wa mixaxa.

1 Tihosi 7:50

a mingelo ni mikwana, ni zinamelo, ni zimbitana za libani zi wa hi za nzalama yo saseka; ni mijekere ya nzalama ya tivati ta wutshamu go basabasa ni ta yindlu yi nga tempeli.

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.