Zakaria 14:12 - Tshwa Bible

¹² Lowu hi ntungu lowu Jehova a ta ngaba ha wona a matiko wontlhe lawa ma ngalwa na Jerusalema: A nyama yabye yi ta bola na va yimile hi mikonzo yabye; a mahlo yabye ma ta bola lomu makheleni ya wona, ni tirimi tabye ti ta bola; lomu milonwini yabye.

Zakaria 14:12 Referans Kwoze

Zakaria 12:9

A siku lego nzi ta hlota ku lovisa wontlhe a matiko lawa ma ta ngata ku ta vukela Jerusalema.

Zakaria 14:3

Zonake Jehova i ta huma a yalwa ni matiko lawo, khwatsi hilezi a nga lwisa zona a sikwini ga yimpi.

Tisimu 90:11

Himani a tivako a ntamu wa zanga ya wena? Ni kuholova ka wena, lezaku kasi a chava wena kota lezi ku faneleko.

2 Kronekele 21:15

Wena wutsumbu u ta biwa hi khombo ga hombe ga wubabyi ga marumbu, gi ta nga enzelekelana kala marumbu ya wena ma huma hi kota ya ntamu wa zilonza.

Deuteronome 28:59

Jehova i ta kuba hi mitungu leyi yi hlamalisako, wena ni zizukulwana za wena, a mitungu leyi ya hombe yi simamisako yi nga hunzi ni mababyi lawa yo karata lawa ma tsanzako va-chumi.

Deuteronome 28:22

Jehova i ta kuba hi mababyi ya xifuva, ni kuhisa ka miri, ni kuvimba, ni mumu wa hombe, ni supado, ni xipupuri, ni kukuruka ka timbewu; lawa makhombo ma ta ku panzanya kala u lobyiswa. Am. 4:9; Hag. 2:18

Levi 26:28

zonake nzi ta mu vukela hi zanga, nzi mu tsayisa kambe ntlhanu wa makhati ni mambiri hi kota ya zionho za nwina.

Levi 26:24

minawu nzi ta hambana na nwina, nzi mu tsayisa hi ku wuyeta ntlhanu wa makhati ni mambiri hi kota ya zionho za nwina.

Levi 26:21

Loku mu hambana na mina, mu nga nzi ingisi, nzi ta engeta nzi rumela makhombo hi ku wuyeta ntlhanu wa makhati ni mambiri, ku kheta hi zionho za nwina.

Levi 26:16

minawu nzi ta mu maha lezi: Nzi ta mu rumela a chawo, ni ndere, ni feveri, zi ta mbheta a mahlo ya nwina ni timbilu ta nwina; mu ta byala mahala timbewu ta nwina, hakuva ti ta giwa hi valala va nwina.

Kuvululelwa 17:16

Ni khume ga timhonzo leti u nga ti wona, ni xihari, zi ta venga xibhayi, zi mu maha xisiwana ni ximbyiri, zi taga nyama yakwe, zi mu hisa hi nzilo. Jer. 50:41, 42; Ezek. 16:37-44

Mitiro 12:23

Khalakale a ngelosi ya Hosi yi lo muba, hilezi a nga mu nyikangi wudzunzo Nungungulu; i lo giwa hi ziwungwani, afa. 1 Sam. 25:38

Levi 26:18

Ni loku mu nga nzi ingisi ni lezi, nzi ta mu tsayisa hi ku wuyeta ntlhanu wa makhati ni mambiri hi kota ya zionho za nwina.

Deuteronome 28:21

Jehova i ta ku maha u namarelwa hi tinghumbe, kala u lobyiswa lomu ka misava leyi u ta nga ya enghena ka yona u yi fumela.

Joba 18:13

Wubabyi gi taga a hlonge yakwe; Ni matewula ya lufo ma taga ziro zakwe.

Zakaria 14:15

A ntungu lowu wu ta ngaba a mahaxi, ni mamula, ni makameli, ni timbongola ni zontlhe zihari zi nga lomo wugovelweni, wu ta fanana ni lowu wo ranga.

Zakaria 14:18

Ni va lixaka la vaGipite, loku va nga kanzihi vaya kona, vonawu va nga ta niselwa. Hi wona a ntungu lowu Jehova a ta ngaba ha wona a matiko wontlhe lawa ma to kala ma ngayi ma ya maha mubuzo wa mixaxa.

Zakaria 1:15

na nzi tsanwiswa nguvu hi matiko lawa ma te ku ti njha; hakuva laha nzi nga wa tsanwile kutsongwani ha Israeli, wona ma lo engetela kubiha.

Zakaria 2:4

yiku ka yona: Tsutsuma u ya byela a jaha legiya, uku: Jerusalema gi ta akiwa khwatsi hi miti leyi yi nga hiko na tigingisi, hi kota ya kutala ka vanhu ni zifuyo lezi zi ta ngava lomo.