Zakaria 13:2 - Tshwa Bible

² Hi siku lego, ku wula Jehova wa tiyimpi, nzi ta fuvisa a mavito ya zifananiso laha tikweni, zi nga ha alakanyiwi kambe. Nzi ta hlongola a vaprofeti ni moya wu nga hlazekangiko lomu tikweni. Ezek. 30:13; Hos. 2:17; 1 Joh. 4:1

Zakaria 13:2 Referans Kwoze

1 Tihosi 22:22

Wona wu te ngalo: Nzi ta huma nziya kota moya wa mawunwa lomu milonwini ya vaprofeti vakwe vontlhe. Jehova i te ngalo: Hakunene u ta ya mu kupeta u mu hlula. Huma u ya maha zalezo.

Hosea 2:17

Hakuva nzi ta susa a mavito ya maBaali nonwini wakwe, cima va nga ha ta vitanwa hi mavito kambe. Ekso. 23:13; Zak. 13:2

Eksodusi 23:13

Mu ta hlayisa zontlhe lezi nzi mu leleteleko. Mu nga dzuki mu kumbuka a mavito ya vanwani vanungungulu; ngha ma nga zwali milonwini ya nwina.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Ezekieli 30:13

Hosi Jehova i ngalo: Kambe nzi ta khungumulela a zifananiso, nzi fuvisa a vanungungulu va hava tikweni ga Nofe; ku nga ha ta kuva kona ni hosana a tikweni ga Gipite, nzi ca chela hlanekera a tikweni ga Gipite.

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Luka 11:20

Kanilezi loku nzi hlongola madimoni hi litiho la Nungungulu, hakunene a mufumo wa Nungungulu wu tile ka nwina. Ekso. 8:19

Mateu 12:43

Kanilezi a moya wa kubiha na wu humele munhwini, wu tsemakanya a wutshanwini go kala mati, na wu lava a kuhumula, a wu ku kumi. Joba 1:7; Lu. 11:24; 1 Ped. 5:8

Zefania 2:11

Jehova i ta chaviseka kabye, hakuva i ta riza vontlhe vanungungulu va misava; vanhu va ta mu khizamela, munwe ni munwani na hi wutshanwini gakwe a ka wontlhe matiko matlhelweni ya bimhi.

Mika 2:11

Loku a munhu a famba hi moya wa kukhohlisa, a hemba wunwa aku: Nzi ta ku profetela hi vinya ni byala, a muprofeti loye i sasekele lava vanhu. Isa. 30:10; Mik. 3:5

Ezekieli 37:23

Va nga ta ha ti nyenyezisa hi zifananiso zabye, hambu hi manyalataniso yabye, ge hambu hi zihambunyeto zabye. Kanilezi nzi ta va ponisa wuakelweni gabye gontlhe legi va onhileko ka gona, nzi va basisa. Zonake va tava vanhu va mina, mina nziva Nungungulu wabye.

Ezekieli 14:9

Loku a muprofeti a khohliswa a wula a mhaka yo kari, hi mina Jehova nzi khohlisileko muprofeti loye; nzi ta nawuluta a canja ga mina nzi mu lovisa xikari ka vanhu va mina va ka Israeli. 1 Tih. 22:20; 2 Tos. 2:11

Ezekieli 13:23

hikwalaho mu nga ta ha wona miwoniso ya hava, hambu ni ku vumba. Nzi ta tlhatlhisa a vanhu va mina canjeni ga nwina; mu ta zi tiva lezaku hi mina Jehova.

Jeremia 29:23

Hakuva va mahile wupumbu lomu ka Israeli, va bhaya ni vasati va vaakelwane, ni ku wulawula timhaka ta mawunwa vitweni ga mina, leti nzi nga va layangiko. Mina nza zi tiva, niku nzi mboni, ku wula Jehova.

Isaya 2:20

A ka siku lego a vanhu va ta hoxa ka mabhonyani ni ka makhoha a zifananiso zabye za siliva ni za nzalama, lezi va nga ti mahela kasi ku zi khozela;

Isaya 2:18

A zifananiso zi ta fuviswa bhi!

Tisimu 16:4

Kanilezi lava va ti yimiselako vanwani vanungungulu, Ku ta enzeleka kuxaniseka kabye; A miphahlo yabye ya nkhata cima nzi nga ta yi nyikela, Ge hambu ni ku kumbuka a mavito yabye hi milomu ya mina.

Joxua 23:7

Mu nga hlengeli ni matiko lawa maseleko xikari ka nwina; mu nga dzuki mu kumbuka mavito ya vanungungulu vabye, ge hambu ku hlambanya ha vona; mu nga dzuki mu va khozela ni ku va khizamela.

Deuteronome 12:3

mu ta hahlula maganzelo yabye, mu khungumulela timhinga tabye, mu hisa zifananiso zabye za Axtarte, mu tsemelela zifananiso za lezi zi vatlilweko za vanungungulu vabye, mu fuvisa mavito ya zona matshanwini ya zona.

Eksodusi 22:13

Loku xi delwe hi zivanza, i ta humesa lezi zi seleko, kasi ku maha wumboni; yena a nga ta rihela lexi xi delweko hi xivanza.

Kuvululelwa 18:2

Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. Isa. 13:19, 21; 14:23; Jer. 50:39

Mateu 7:15

Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Deut. 13:3; Jer. 23:16; Rom. 16:17

Hosea 14:8

Efraime, i mhaka muni nzi nga nayo ni zifananiso? Mina wutsumbu nzi mu hlamule, nzi ta mu khatalela. Mina nzi kota a sinya yo nyuka ya khuwu, a mihanzu ya wena u ta yi kuma ka mina.

Ezekieli 6:6

Kontlhe lomu mu akileko kona, a miti ya nwina yi ta maha marumbi, ni matshamu ya nwina ma tlakukileko ma ta khungumulwa; kasi a maganzelo ya nwina ma hahluliwa, ni zifananiso za nwina zi fayetelwa zi mbhela, a zifananiso za nwina za gambo zi ta khungumulelwa, ni yontlhe a mitiro ya nwina yi fuvisiwa.

Ezekieli 12:24

Hakuva ku nga ha ta kuva kona a xiprofeto xa hava ni kuvumba ka kukanganyisa a ndlwini ya ka Israeli.

Ezekieli 36:29

Nzi ta mu ponisa ka kontlhe a ku nga hlazeki ka nwina. Nzi ta vitana a mavele, nzi ma enzelekisa, nzi nga ha vangi a ndlala xikari ka nwina. Hos. 2:21; Joeli 2:21

Deuteronome 18:20

Kanilezi a muprofeti loye a ta nga ti kukumukisa hi ku wulawula hi vito ga mina, a timhaka leti nzi nga mu leletelangiko ku ti wulawula, ni loku a wulawula hi mavito ya vanwani vanungungulu, a muprofeti loye i tafa.

Ezekieli 43:7

I te ngalo ka mina: Nʼwana wa munhu, hi laha ku nga ni xitshamu xa mina xa wuhosi, a wutshamu legi nzi yimileko hi mikonzo ya mina, lomu nzi ta nga tshama xikari ka vanana va ka Israeli kala kupinzuka. A yindlu ya ka Israeli yi nga ta ha nyenyezisa a vito ga mina ga kubasa, vona ni tihosi tabye, hi wubhayi gabye ni zirumbi za tihosi tabye a kufeni ka tona, 2 Tih. 21:18, 26

Hosea 2:19

Zonake nzi ta ku teka uva wa mina kala kupinzuka; nzi ta ku teka hi kululama, ni nongameto, ni tipswalo, ni wuxinji.