Zakaria 12:1 - Tshwa Bible

¹ A mhaka ya xiprofeto xa Jehova ha Israeli. Jehova loyi a tshambutelako matilo, a yimisa xiseketelo xa misava, a wumba moya wa munhu nzeni kakwe, i ngalo:

Zakaria 12:1 Referans Kwoze

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Jeremia 51:15

I vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo.

Isaya 57:16

Hakuva nzi nga ta ranisa kala kupinzuka, Ge hambu ku zangara xontlhe xikhati; Yi nga dzuka yi mbhelelwa hi ntamu a mimoya leyi nzi yi vangileko.

Maheberu 12:9

Tlhatakumbiri, hi wa hi ni vadadani va nyama lava va nga hi tsayisa, hi wa hi ni xichawo ha vona; xana ngha hi nga ingisi a Dadani wa mimoya, a kuva hi hanya ke? Mitse. 27:16

Isaya 48:13

I canja ga mina gi akileko a xiseketelo xa misava, Ni canja ga mina ga xinene gi lo andlala tilo; Nzi lo zi vitana zi tumbuluka khatiginwe. Tis. 33:9; Maheb. 1:10

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

Mitsengo 16:22

Kanilezi vona va lowa hi tinghohe tabye, vaku: O Nungungulu, Nungungulu wa mimoya ya nyama yontlhe! U ta zangarela a tlhangano wontihe hi kuonha ka munhu munwe ke? Joba 12:10

Genesisi 2:7

Jehova Nungungulu i lo wumba munhu hi tshuri wa misava, ni ku mu pupuxela lomu tinhovini a muhefemulo wa kuhanya, ni munhu i lo maha xiwumbiwa xi hanyako. 1 Kor. 15:45, 47

Ezekieli 18:4

Langutani, yontlhe mihefemulo nja mina; kota lezi a muhefemulo wa dadani wu nga wa mina, ni wa nʼwana kambe ngwa mina. A muhefemulo lowu wu onhako wu tafa. Gen. 18:25

Jeremia 38:16

Zonake hosi Zedekia i lo hlambanya ka Jeremia xihundleni, aku: Ha Jehova a hanyako, loyi a hi nyikileko wutomi legi, nzi nga ta ku daya, hambu a ku ku nyikela a mandleni ya vanhu lava va hlotako wutomi ga wena.

Jeremia 30:16

Vontlhe lava va ku khadamulako va ta khadamulwawo, Ni vontlhe a valala va wena va ta yiswa wukhumbini, Lava va ku phangako va ta phangiwawo, Ni lava va ku wutlelako va ta wutlelwawo.

Joba 26:7

Yena wa andlala Nwalungu hehla ka wutshamu gi nga hiko na nchumu; A hayeka misava laha ndengelengeni.

Jeremia 10:12

Yena i vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo, Gen. 1:1, 6; Isa. 45:12

Isaya 51:13

U rivalako Jehova a Mumahi wa wena, Loyi a andleleko matilo ni ku aka a ziseketelo za misava; U simamisa ku chava wontihe masiku hi kota ya zanga ya muxanisi Loku a xuva ku lovisa ke? Yi gumela kwihi a zanga ya mulovisi ke?

Isaya 45:18

Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

Isaya 45:12

Hi mina nzi mahileko misava, Nzi vanga vanhu hehla ka yona; I mandla ya mina ma andleleko matilo, Nzi hloma a mabutho ya wona wontihe.

Isaya 40:22

Hi yena a tshamileko le hehla ka ranzani ga misava, Ni vaaki va yona vaku khwatsi i bhanzala. Hi yena a andlalako matilo khwatsi o andlala veli, A ma gwimba kota tenda a kuva wuakelo. Joba 9:8; Tis. 104:2

Isaya 40:12

Himani a pimileko a bimbi hi canja gakwe, Loyi a pimileko matilo hi lipimo la titiho takwe? Himani a pimileko hi xirunzu a tshuri wa misava, A pima zitsunga ni miganga laha xikalwini?

Tisimu 104:2

U ambele kuwonekela kukotisa nguwo, U andlala matilo kukotisa a tenda. Gen. 1:1; Isa. 40:22

Malaki 1:1

A mhaka ya xiprofeto xa Jehova ka Israeli hi nomu wa Malaki.

Zakaria 9:1

A xiprofeto xa Jehova hi tiko ga Hadrake, xi ta tshama ni hehla ka Damasku; hakuva a tihlo ga Jehova gi cuwuka a vanhu vanwani kukotisa loku a cuwuka tontlhe tixaka ta ka Israeli; Isa. 17:1; Jer. 32:19

Joeli 3:21

Nzi ta fuvisa a milanzu yabye ya nkhata leyi nzi kalako nzi nga se ku yi fuvisa, hakuva Jehova i ta tshama le Zioni.

Joeli 3:19

A Gipite gi tava marumbi, na Edome i tava xiwula, hikuva va vukeleko a vana va ka Juda hi tihanyi, va halata a nkhata wu nga hiko na nanzu a tikweni gabye.

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Jeremia 50:34

Kanilezi a mutiruli wabye ngwa ntamu, loyi a vito gakwe a nga Jehova wa tiyimpi. Hizinene i ta va yimela mhakeni yabye, kasi a vanga kurula laha misaveni, a vindlukisa a vaaki va le Babuloni.

Jeremia 30:10

Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Joba 37:18

Wa zi kota ku andlalata a tilo khwatsi hi yena; U gi tiyisa kukotisa a woni gi nyekisilweko ke?

Genesisi 1:8

Nungungulu i lo chula pfhuka ku i Tilo. A kuhlwa ni kuca ku lova siku ga wumbiri.

Tisimu 134:3

Jehova a ku katekise hi le Zioni, Yena loyi a mahileko tilo ni misava. Mitse. 6:24