Zakaria 10:6 - Tshwa Bible

⁶ Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

Zakaria 10:6 Referans Kwoze

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Jeremia 3:18

A ka lawo masiku a yindlu ya ka Juda yi ta longoloka zinwe ni yindlu ya ka Israeli; va tata hi wumbiri gabye hi le tikweni ga Nwalungu, vata ka tiko legi nzi nyikileko vararu va nwina a kuva tshomba yabye.

Zakaria 8:11

Kanilezi makunu nzi nga ta maha ka misalela ya vanhu lava khwatsi hilezi nzi nga maha masikwini ya kale, ku wula Jehova wa tiyimpi.

Hosea 1:11

A vana va ka Juda ni vana va ka Israeli va ta tlhangana va ti yimisela hosi yinwe, va huma tikweni, hakuva gi tava ga hombe a siku ga Jezreeli. Joh. 10:16; Efe. 1:22

Ezekieli 36:37

Hosi Jehova i ngalo: Tlhatakumbiri, nza ha ta labyiwa hi yindlu ya ka Israeli a kuva nzi va mahela zona. Nzi ta enzelekisa a vanhu lezaku va fanana ni mitlhambi.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Mika 7:16

A vamatiko va ta zi wona, vawa tingana hi kota ya ntamu wabye wontlhe; va ta ti khoma milomu, vata tindleve.

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Mika 4:13

Suka u hula, wena nhanyana wa Zioni, hakuva nzi ta ku mahela timhonzo ta xiketse ni makhanzo ya suku. U ta fayetela a matiko yo tala, u ta basisela Jehova a pfuno wabye, ni nhunzu yabye u basisela a Hosi ya misava yontlhe. Deut. 33:17

Hosea 2:23

Nzi ta ti byalela yena lomu tikweni, Lo-ruhama nzi ta mu zwela wuxinji, nziku ka Lo-ammi: Nwina mu vanhu va mina. Vona va taku ka mina: Wena u Nungungulu wa hina. Zak. 13:9; Rom. 9:25; 1 Ped. 2:10

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Ezekieli 39:25

Hikwalaho Hosi Jehova i ngalo: Makunu nzi ta tlhelisa kambe a tikhumbi ta Jakobe, nzi ta yi mahela wuxinji yontlhe a yindlu ya ka Israeli, nzi ta pangamela a vito ga mina go basa.

Ezekieli 37:16

Wena nʼwana wa munhu, teka a nhonga u tsala ka yona ku: Ya Juda ni vanghana vakwe xikari ka Israeli; zonake teka yinwani nhonga, u tsala ka yona ku: Ya Josefa, i nhonga ya Efraime ni vontlhe a vanghana vakwe xikari ka yindlu ya Israeli.

Ezekieli 36:11

Hehla ka nwina nzi ta anzisa a vanhu ni zihari, zi ta anza zi beleka. Mu tava ni vaaki kota kusanguleni, nzi ta maha khwatsi ka nwina ni ku hunza kusanguleni ka nwina; mu ta zi tiva lezaku hi mina Jehova.

Jeremia 31:31

Languta, a masiku ma tata, ku wula Jehova, Lawa nzi to maha a xivumelwano xiswa ni yindlu ya Israeli, ni yindlu ya ka Juda.

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Jeremia 31:1

A xikhatini lexo, ku wula Jehova, nzi tava Nungungulu wa tontlhe tixaka ta ka Israeli, vona va tava vanhu va mina.

Jeremia 30:18

Jehova i ngalo: Nzi ta wuyisa a vakhonwi va matenda ya Jakobe, Nzi ta zwela wusiwana wuakelo gakwe; A muti wu ta akiswa nhulwini ya wona, A yindlu ya wuhosi yi ta tshama kota kutolovela.

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Tisimu 89:21

Nzi ta mu akisa hi canja ga mina, A woko ga mina gi ta mu tiyisa.

Mika 4:6

Jehova i ngalo: Hi siku lego nzi ta tsombanyisa lava va khwitako, nzi hlengeletela lava va hlongolweko, ni lava nzi va hlokisileko.

Obadia 1:18

A yindlu ya ka Jakobe yi tava nzilo, a yindlu ya ka Josefa yiva langavi, kanilezi a yindlu ya Esau yi tava byanyi go woma; va ta yi hisa va yi mbheta, ku nga ta pona ni munwe ka yindlu ya Esau, hakuva Jehova i wulile lezo.

Hosea 1:7

Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.

Isaya 11:12

A matiko yi ta ma yimisela a nghapa, Yi tsombanyisa lava va hlongolweko va ka Israeli, Ni ku tlhanganyisa lava va hangalakileko va ka Juda, Va suka matlhelweni ya mune ya misava. Deut. 30:4; Joh. 10:16

Isaya 54:4

U nga chavi, hakuva u nga ta wiswa tingana; U nga kanganyiseki, hakuva u nga ta su koyo tingana; U ta rivala a tingana ta wuswa ga wena, U nga ta ha alakanya a xiruko xa wunoni ga wena.

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Zakaria 1:16

Hikwalaho Jehova i ngalo: Nza tlhelela Jerusalema hi wuxinji, a yindlu ya mina yi ta akiwa lomo, ku wula Jehova wa tiyimpi, zonake a lingoti la lipimo li ta tshambulutiwa hehla ka Jerusalema.

Zakaria 9:16

Jehova Nungungulu wabye i ta va hanyisa hi siku lego, kota lezi va nga tlhambi wa tiko gakwe; hakuva va ta fana ni maribye ya lisima ma kwezimako lomu ka xidlodlo a tikweni gakwe.

Jeremia 30:20

A vana vabye va tava kota kale, A nhlengeletano yabye yi ta tiya mahlweni ka mina; Nzi taba vontlhe a vatsimbeketi vabye.

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Mika 5:3

Hikwalaho i ta va nyikela valala kala xikhatini lexo loyi a lunwako a ta nga hefemula ha xona; zonake a Vanakulobye lava va seleko va ta tlhelela ka vana va ka Israeli.