Zakaria 10:2 - Tshwa Bible

² Hakuva a materafime ma wulawula zahava, ni vangoma va vumba mawunwa; vanyamilorwani va lora zahava, va tangalisa hi lezi zi nga nyawuliko. Hikwalaho a vanhu va penga kota a ntlhambi wa tiyivu, va xaniseka hi ku vumala murisi. Isa. 8:19; Mat. 9:36

Zakaria 10:2 Referans Kwoze

Mateu 9:36

Kanilezi laha na a wonile zidlemo, i lo zi zwela wusiwana, hakuva va wa xaniseka na va hangalakile, kota tiyivu ti nga hava murisi. Mitse. 27:17; Ezek. 34:5

Habakuka 2:18

Xi vuna yini a xifananiso lezi a muvatli wa xona a xi vatlileko; ni xifananiso xi chululweko, lexi xi gonzisako mawunwa, lezi a mumahi wa xona a xi tsumbako, lezaku a zi maha na zi hi timbeveve ke?

Hosea 3:4

Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

Ezekieli 34:5

Ti lo hangalaka hakuva ku wa nga hi na murisi; ti lo giwa hi zivanza za khwati, ti hangalaka. Isa. 53:6; Mat. 9:36

Jeremia 27:9

Hikwalaho mu nga dzuki mu ingisa a vaprofeti va nwina, ni vavumbi va nwina, ni miloro ya nwina, ni zitumbe za nwina, ni vangoma va nwina, ioku zi wula ka nwina, ziku; Mu nga tireli a hosi ya Babuloni!

Genesisi 31:19

Labani i wa yile ku ya kaya tiyivu; Rakeli i lo yiva materafime ya raru wakwe. Vala. 17:5; 1 Sam. 19:13; Hos. 3:4

Ezekieli 34:8

Nza hlambanya hi kuhanya ka mina, ku wula Hosi Jehova, hizinene khwatsi hilezi a tiyivu ta mina ti mahileko mipfimba, ti giwa hi zihari zontlhe za khwati hi kota yo vuniala murisi; ni varisi va mina va tsika tiyivu ta mina va nga ti lavi, kanilezi va gisa wutsumbu gabye a wutshanwini go gisa tiyivu ta mina;

Mika 2:12

Nzi ta tsombanyisa a vanhu vontlhe va wena Jakobe, nzi hlengeletela a misalela ya ka Israeli, nzi ta va tlhanganyisa wutshamu ginwe khwatsi tiyivu lomu rangeni, kukotisa tlhambi laha wuriselweni ga wona, va ta maha guwa ga hombe hi kota ya wunyingi ga vona.

Ezekieli 21:29

Na va kari va ku wonela miwoniso ya hava, va ku hlahluvela mawunwa, kasi u vekiwa tinhanwini ta laʼvo biha va delweko, lava a siku gabye gi chikelako xikhatini xa kugoha ka magumo.

Ezekieli 21:21

Hakuva a hosi ya le Babuloni yi yimile laha mahanzakanyeni ya tindlela timbiri, kasi ku vumba; yi chukumisa a tigalala, yi wutisa zifananiso, yi cuwuka lomu ka xivinzi.

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Jeremia 51:23

Ha wena nzi lo panza a murisi ni ntlhambi wakwe; Ha wena nzi lo panza a murimi ni tinkavi takwe; Ha wena nzi lo panza a vafumeli ni tinduna.

Jeremia 50:17

Israeli i yivu leyi yi lahlekileko, leyi yi hlongolisilweko hi tinghala. A ku ranga i lo giwa hi hosi ya le Assiria, ku gamela Nebukadrezzare a hosi ya le Babuloni i lo kutsa a marambu yakwe. 2 Tih. 17:5; 25:1

Jeremia 37:19

Va kwihi makunu a vaprofeti va nwina lava va nga profeta ka nwina, vaku: A hosi ya Babuloni yi nga ta mu vukela hambu a ku vukela tiko legi ke?

Jeremia 29:8

Hakuva Jehova wa tiyimpi, a Nungungulu wa Israeli i ngalo: Mu nga khohliswi hi vaprofeti va nwina lava va nga xikari ka nwina, ni vavumbi va nwina, mu nga dzuki mu ingisa a miloro leyi mu yi lorako.

Jeremia 28:15

Muprofeti Jeremia i lo engeta a wula ka muprofeti Hanania, aku: Ingisaka, Hanania; Jehova a nga ku rumangi; kanilezi u maha lezaku lava vanhu va tsumba mawunwa.

Jeremia 23:17

Va kanela hi kusimamisilweko a ka lava va nzi kanyisako, vaku: Jehova i ngalo: Mu ta tshameka khwatsi. Ni ka vontlhe va fambako hi kunonoha ka timbilu tabye, vaku: Gi nga tata khombo hehla ka nwina!

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 14:13

Zonake nzi te ngalo: Ha, Hosi Jehova, a vaprofeti va wula kabye, vaku: Mu nga ta wona supado, hambu kuva ni ndlala; kanilezi nzi ta mu nyika a kurula ku tiyileko a wutshanwini legi.

Jeremia 10:8

Vontlhe va hungukile ni kuva zipumbu, A gonzo ya zifananiso i tsanza ntsena.

Jeremia 8:11

A va cheli kota ku chuma a mbanga ya nhwana wa vanhu va mina, Vaku: Ku rulile, ku rulile, kasi a ku na kurula.

Jeremia 6:14

A va khatalangi ku chuma a ti mbanga ta vanhu va mina, Vaku: Ku rulile, ku rulile! Na ku nga hi na kurula. Mika 3:5; 1 Tes. 5:3

Isaya 46:5

Mu ta nzi fananisa na mani, nzi ecana naye? Mu ta nzi ringanisa na mani, lezaku hi fanana ke?

Isaya 44:9

Vontlhe vamahi va zifananiso a hi nchumu, ni mitiro leyi va tsakako ha yona a yi vuni nchumu. A vakhozeli va zona a va woni, a va pimi, va kala va wiswa tingana.

Joba 21:34

Loku zi hi tano, hikuyini nwina mu nzi chavelelako hi zahava, Laha na nzi wona lezaku a kuwulawula ka nwina a ku na lisine?

Joba 13:4

Kanilezi nwina mu vahembi va mawunwa, Mu tinʼanga ti nga vuniko nchumu.

1 Tihosi 22:17

Mikaia i te ngalo: Mina nzi wonile va ka Israeli vontlhe na va hangalakile lomu zitsungeni khwatsi tiyivu ti nga hiko na murisi. Jehova na aku ngalo: Lava vanhu a va na nwinyi, a munwe ni munwani a tlhele hi kurula le ndlwini yakwe. Mitse. 27:17; Mat. 9:36

Valamuli 18:14

Zonake a ntlhanu wa vavanuna lava va nga wa yile ku ya hlola tiko ga le Laixa, va lo wutisa vamakabye vabye, vaku: Ma zi tiva lezaku lomu tindlwini leti ku na ni efode, ni terafime, ni xifananiso xi vatlilweko ni xinwani xi wumbilweko ke? Hikwalaho ehleketani makunu lezi mu ta nga ya maha.

Mitsengo 27:17

loyi a ta nga va rangela mahlweni kuhumeni kabye, ni ku va rangela kuengheneni kabye, loyi a ta nga va humesa ni ku va enghenisa; kasi a tlhangano wa Jehova wu nga mahi kota tlhambi lowu wu nga hiko na murisi.

Marku 6:34

Laha Jesu a nga huma ngalaveni i lo wona a xidlemo xa hombe, a va zwela wusiwana, hakuva va wa kota tiyivu ti nga hiko na murisi; i lo sangula ku va gonzisa timhaka to tala. Mat. 9:36; 14:14; Lu. 9:11

Jeremia 23:32

Ina, nza vukela lava va profetako miloro ya mawunwa, ku wula Jehova, loku va yi hlawutela va hambukisa a vanhu va mina hi mawunwa yabye ni kubyabyatsa kabye. Kasi mina a nzi va rumangi, hambu ni ku va laya; a va vuni nchumu ka lava vanhu, ku wula Jehova.

Zakaria 11:17

Khombo a give ka murisi a nga nyawuliko, loyi a tsikako a ntlhambi! A supado yi taba a woko gakwe ni tihlo gakwe ga xinene: a woko gakwe gi ta woma, ni tihlo gakwe ga xinene gi tafa. Zak. 13:7; Joh. 10:12

Deuteronome 13:2

ni loku ku humelela a xikombiso ni xihlamaliso lexi a xi wulileko, aku ngalo: A hi lanzeleni vanwani vanungungulu lava u nga va tiviko, hi va khozela:

Isaya 41:29

Langutani, vontlhe a va vuni nchumu, A mitiro yabye a yi nyawuli; A zifananiso zabye zi wumbelweko i moya wa hava ntsena.

Isaya 44:25

Nza tsetsula a mawunwa ya vahembi, Nzi maha vavumbi va hunguka. A titlhari nza ti tlhelisa nzhako, Nzi hunzula wutlhari gabye giva wupumbu;

Jeremia 27:10

Hakuva mawunwa va profetako ka nwina, kasi ku mu maha mu huma tikweni ga nwina mu yiswa kule; kasi nza fela ku mu hlongola, mu ya lova.

Jeremia 27:14

Mu nga dzuki mu ingisa a magezu ya vaprofeti lava va nge ngalo ka nwina: Mu nga tireli a hosi ya Babuloni; hakuva vo mu profetela mawunwa.