Zakaria 10:12 - Tshwa Bible

¹² Nzi ta va tiyiseta a ka Jehova, va ta fambafamba vitweni gakwe, ku wula Jehova.

Zakaria 10:12 Referans Kwoze

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Zakaria 10:6

Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

Isaya 2:5

Yindlu ya Jakobe, ngonani hi famba kuwonekeleni ka Jehova!

2 Timote 2:1

Wena-ke, nwananga, ngha uva ni ntamu tipswalweni leti ti nga ka Kristu Jesu. Efe. 1:19; 3:16; 6:10; Kol. 1:11; 1 Tim. 1:2

Mika 4:5

Hakuva a matiko wontlhe, a ginwe ni ginwani gi famba vitweni ga nungungulu wa gona, kanilezi hina hi ta famba vitweni ga Jehova a Nungungulu wa hina kala kupinzuka ni kupinzuka.

Va le Kolosi 3:17

Kani hi xihi lexi mu xi mahako, kani hi kuwulawula kutani hi kutira, mahani zontlhe vitweni ga Hosi Jesu, mu bonga Nungungulu Dadani ha yena. Rom. 1:8; 1 Kor. 10:31; Efe. 5:20; Xip. 2:7

Va le Kolosi 2:6

Hikwalaho khwatsi hilezi mu nga amukela Kristu Jesu a Hosi, fambisani zalezo ka yena,

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Isaya 45:24

Ku wulilwe ku ngalo: A kululama ni ntamu zi le ka Jehova yece. Va tata kakwe na va kanganyiseka Vontlhe lava va mu zangareleko.

Genesisi 24:40

Yena i te ngalo ka mina: Jehova loyi nzi fambako mahlweni kakwe i ta rumela ngelosi yakwe zinwe na wena, yona yi ta katekisa a pfhumba ga wena; u ta ya tekela a nʼwana wa mina a sati le tixakeni ta mina, lomu ndlwini ya dadani.

Va le Efesusi 6:10

Hi kugumesa, tiyani Hosini, ni ntanwini wakwe wa hombe.

Zakaria 12:5

A tihosana ta ka Juda ti taku timbilwini ta tona: A vaaki va Jerusalema i ntamu wa hina ha Jehova wa tiyimpi, a Nungungulu wabye.

Genesisi 5:24

Enoki i lo famba zinwe na Nungungulu; na yena i lo nyamalala, hakuva i lo tekwa hi Nungungulu. Maheb. 11:5

1 Va le Tesalonika 4:1

Tlhatakumbiri, vamakabye, ha mu khongotela ni ku mu luleka ka Hosi Jesu, lezaku kota lezi mu nga gonza ka hina a mahanyela lawa ma xalalisako Nungungulu, simamisani ni ku anza ka wona. Kol. 1:10

1 Va le Tesalonika 2:12

Kasi ma famba hi kufaneleko Nungungulu, loyi a mu vitaneleko mufunweni wakwe ni kungangameleni kakwe. Kol. 1:10; 1 Ped. 1:15

Ezekieli 30:24

Nzi ta tiyiseta a mawoko ya hosi ya le Babuloni, nzi veka supado ya mina canjeni gakwe; kanilezi nzi ta tshova a mawoko ya Faro, kasi a keta mahlweni kakwe a kufanana ni munhu loyi a tlhabyilweko.