Zakaria 10:1 - Tshwa Bible

¹ Kombelani vula ka Jehova xikhatini xa vula ya xirimo! Hi Jehova a rumako zingwalangwanza, i ta va nyika a tivula ta hombe, a nyika ka munwe ni munwani a mihanzu lomu sinwini gakwe.

Zakaria 10:1 Referans Kwoze

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Jakobe 5:7

Hikwalaho, vamakabye, timiselani kala Hosi yi wuya. Langutani, a murimi wa langutela a mihanzu yo saseka ya misava, a timisela a kala a kuma a vula yo ranga ni yo gumesa. Deut. 11:14

Ezekieli 36:37

Hosi Jehova i ngalo: Tlhatakumbiri, nza ha ta labyiwa hi yindlu ya ka Israeli a kuva nzi va mahela zona. Nzi ta enzelekisa a vanhu lezaku va fanana ni mitlhambi.

Isaya 30:23

Zonake a timbewu ta nwina leti mu nga ti byala i ta ti nisela vula, ni zibaba zi humeswako hi pfuno wa masimu zi ta nanziha zi xurisa; a xikhatini lexo a mitlhambi ya nwina yi ta gela mikoveni ya hombe. Levi 26:4; Deut. 11:14; 28:12

Tisimu 65:9

U enzela misava, u yi tsanisa, U yi pfunisa nguvu; A congo wa Nungungulu wu tele hi mati. Wena u va nyika mavele, loku u longisisile lezo a misava. Deut. 11:11

Deuteronome 28:23

A tilo gi ta fanana na suku hehla ka hloko ya wena, ni misava lahasi ka wena yi tava xiketse.

Johani 16:23

Hi lego siku mu nga ta nzi wutisa nchumu. Hizinene nziku ka nwina: Zontlhe lezi mu ta nga kombela ka Dadani hi vito ga mina i ta mu nyika zona. Mat. 7:7; Xip. 14:13

Mika 5:7

A misalela ya ka Jakobe yi tava xikari ka matiko manyingi, khwatsi i nzhokati yi tako hi ka Jehova, ni ku khwatsi madona ya vula laha ka byanyi, leyi yi nga yimiswiko hi munhu, hambu ku rinzela a vana va vanhu.

Amosi 4:7

Nzi mu tsonile vula na ka ha sele tihweti tinharu a kuva mu tshovela; nzi yi nisa ka muti munwe, a ka wunwani yi ngani; a simu ginwe gi nelwa, legi gi nga kala ku nelwa gi woma.

Hosea 10:12

Ti byaleleni hi kululama, mu tshovela hi wuxinji; rimani wuhlavi ga nwina, hakuva makunu xikhati xa ku hlota Jehova, kala a ta mu nisela kululama.

Ezekieli 34:26

Nzi ta va mahela makatekwa vona ni matshamu ma ranzelekeleko a xitsunga xa mina, nzi ta nisa a vula hi nguva ya yona; ku tana a tivula ta zikatekiso. Tis. 68:9; Isa. 44:3

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 10:13

Loku a tlakusa a gezu gakwe A mati ma dzuma le matilweni, A maha marefu mata hi le magunweni ya misava; I rumela zingwalangwanza zinwe ni vula, Ni ku humesa a mheho lomu mabakweni yakwe.

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Mavingu 16:15

A kuwonekeleni ka nghohe ya hosi ku na ni wutomi; i wumbilu ga yona gi khwatsi i refu ga vula yo gumesa.

Tisimu 104:13

U tsakamisa zitsunga hi lomu ndlwini ya wena, A misava yi xura hi mihanzu ya mitiro ya wena.

Jeremia 51:16

Loku a tlakusa gezu gakwe A mati ma dzuma le matilweni, A maha marefu mata hi le magunweni ya misava. I rumela zingwalangwanza zinwe ni vula, Ni ku humesa mheho hi lomu mabakweni yakwe.

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

1 Va le Korinte 3:6

Mina nzi lo byala, Apolose a cheletela mati, kanilezi hi Nungungulu a nga milisa. Isa. 55:10; Miti. 18:4; 19:1

Hosea 6:3

A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Tisimu 72:6

I ta kota vula loku yina lomu magelweni, Kotisa a ti vula ti tsanisako misava.

Joba 29:23

Va wa nzi rinzela khwatsi nzi vula, Va ahlamisa milomu yabye khwatsi hi loku va amukela a vula yo kala.

Tisimu 135:7

Wa maha marefu ma tlakukela hehla hi le magunweni ya misava, A humesa zingwalangwanza, a nisa vula, Ni ku humesa mheho hi lomu mabakweni yakwe. Jer. 10:13; 51:16

Jeremia 5:24

A va wuli timbilwini tabye ku: A hi chaveni Jehova Nungungulu wa hina, loyi a nyikako vula yo ranga ni ya wuxika hi tinguva ta yona, a wihi a hi hlayiselako a maviki ya kutshovela ka hina. Deut. 11:14; Miti. 14:17