Zakaria 1:4 - Tshwa Bible

⁴ Mu nge khwatsi hi vadadani va nwina, lava a vaprofeti va kale va nga kanyukelana kabye, vaku: Jehova wa tiyimpi i ngalo: Humani tindleleni ta nwina to biha, mu tsika a zimaho za nwina za hava! Kanilezi a va zwangi, hambu ku nzi ingisa, ku wula Jehova.

Zakaria 1:4 Referans Kwoze

Tisimu 78:8

Va nga fanani ni vararu vabye, A xizukulwana xa xikaha ni kuhluwuka, A xizukulwana xi nga hiko na mbilu yo tiya, Lexi a moya wa xona wu nga kholekangiko ka Nungungulu Ekso. 32:9; 33:3; 34:9

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Zakaria 1:3

Hikwalaho va byele uku: Jehova wa tiyimpi i ngalo: Tlhelelani ka mina, ku wula Jehova wa tiyimpi, na minawu nzi ta tlhelela ka nwina, ku wula Jehova wa tiyimpi.

1 Pedro 1:18

Ma zi tiva lezaku mu tirulwe mahanyeleni ya nwina ya hava, lawa mu tolovetilweko wona hi vakoko va nwina, 1 Kor. 6:20

Mitiro 26:20

kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. Xip. 9:20; 11:26; Mat. 3:8

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Mika 2:6

Va profeta vaku: Mu nga profeteni! Ngha va nga byabyatsi hi lezi zilo; a tinzhukano tabye a ti mbheli!

Amosi 5:24

Kanilezi nongameto a wu khulunge khwatsi i mati, ni kululama kukotisa congo wu nga pswhiko.

Hosea 14:1

Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

Jeremia 44:16

vaku; Xungetano ni mhaka leyi u nga hi byela yona vitweni ga Jehova, hi nga ta ku ingisa. Isa. 42:20; Jer. 6:16

Jeremia 26:5

kasi ku ingisa a timhaka ta malanza ya mina a vaprofeti, lava nzi va rumeleko ka nwina, na ga hi mixo nzi va rumela, kanilezi nwina a mu ingisangi;

Jeremia 18:11

Hikwalaho byela vavanuna va ka Juda ni vaaki va Jerusalema, uku: Jehova i ngalo: Mina nza mu longisela a khombo, nzi maha xikungo xo mu vukela. Hikwalaho hunzulukani munwe ni munwani a ndleleni yakwe yo biha, mu chukhwatisa a mahanyela ya nwina ni zimaho za nwina. 2 Tih. 17:13

Jeremia 3:12

Yana, u ya kanela mahungu laya le Nwalungu, uku: Wuya Israeli, wena loyi u hambukileko, ku wula Jehova. Nzi nga ta ha mu zangarela, hakuva mina nzi na ni tipswalo, ku wula Jehova, nzi nga ta simamisa nzi zangara kala kupinzuka.

Isaya 31:6

Hunzulukani ka yena loyi mu mu hluwukileko, Nwina vana va ka Israeli!

Nehemia 9:30

Kanilezi ku lo hunza malembe yo hlaya na u timisela ha vona, u va khongotela hi moya wa wena hi milomu ya vaprofeti va wena; kanilezi va nga pangi tindleve tabye; hikwalaho u va nyikela mandleni ya vanhu va matiko.

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Nehemia 9:16

Kanilezi vona ni vararu va hina va lo ti alisa, va nonohisa tinhamu tabye, va ala kuzwa zileletelo za wena,

Ezra 9:7

Kusukela xikhatini xa vadadani va hina ha su simamisa hi maha kubiha ka hombe kala lezi; hi kota ya zionho za hina, ni za tihosi ta hina, ni vapristi va hina, hi nyikelwe lomu mandleni ya tihosi ta matiko, hi xaniswa hi supado, ni wukhumbi, ni kuphangiwa, ni tingana, kota lezi hi nga zona nyamutlha.

2 Kronekele 34:21

Fambani mu ya nzi wutisela ka Jehova, mu wutisela ni misalela ya ka Israeli ni ya ka Juda xungetano ni timhaka ta bhuku legi gi thumbilweko, hakuva a zanga ya Jehova hehla ka hina nja hombe nguvu, hakuva a vadadani va hina a va hlayisangi a timhaka ta Jehova ni ku maha zontlhe kota lezi zi tsalilweko bhukwini legi.

2 Kronekele 30:7

Mu nga mahi kota lezi va mahileko vararu va nwina ni vanakuloni lava va ti tsimbetelako ka Jehova Nungungulu wa vadadani vabye, kala va ti nyikela timhangweni khwatsi hi lezi mu zi wonako.

Jeremia 4:1

Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.

Jeremia 23:22

Loku va wa yimile hubyeni ya mina, ngha va tivisile a vanhu va mina a timhaka ta mina, va va hunzulusa ndleleni yabye yo biha, ni ka zimaho zabye zo biha.

Ezekieli 20:18

Nzi te ngalo ka vana vabye lomu xiwuleni; Mu nga fambi hi mikhuwo ya vararu va nwina, mu nga lanzeli mahanyela yabye, ge hambu ku ti nyenyezisa hi zifananiso zabye.

Ezekieli 33:4

zonake ni wihi loyi a zwako a guwa ga mpunzu, a nga gi khatali, loku a supado yi chikela yi mu susa, a nkhata wakwe wu tava hehla ka hloko yakwe.

Zakaria 7:7

Kasi a mu tivi a timhaka leti Jehova a nga ti wulawula hi vaprofeti va kale, a xikhatini lexi a vaaki va Jerusalema va nga vuvuma zinwe ni miti leyi yi gi ranzeleko, a tlhelo ga Dzonga ni le mikoveni na ka ha akilwe ke?

2 Kronekele 30:6

Zinghaho a mitsukano yi lo fambafamba lomu tikweni gontlhe ga va ka Israeli ni ga va ka Juda ni mapapilo ya hosi ni ya tinduna takwe, va hlawutela kota kuleletela ka hosi, vaku: Va ka Israeli, tlhelelani ka Jehova Nungungulu wa Abrahama na Isaka na Israeli, kasi yenawu a fela ku tlhelela ka misalela leyi yi ponileko xikari ka nwina mandleni ya tihosi ta vaAssiria. Mal. 3:7

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 25:8

Hikwalaho Jehova wa tiyimpi i ngalo: Kotisa lezi mu nga ingisiko a timhaka ta mina,

Ezekieli 14:6

Hikwalaho wula ka yindlu ya ka Israeli lezaku Hosi Jehova i ngalo: Wuyani, fularelani a zifananiso za nwina, hunzulusani a tinghohe ta nwina, mu tsika a manyalataniso wontihe ya nwina.

Danieli 9:6

A hi ingisangi a vaprofeti ma nga malanza ya wena, lava va wulawulileko hi vito ga wena ka tihosi ni tihosana ta hina, ni ka vadadani va hina, ni ka vanhu vontlhe va tiko.