Zakaria 1:3 - Tshwa Bible

³ Hikwalaho va byele uku: Jehova wa tiyimpi i ngalo: Tlhelelani ka mina, ku wula Jehova wa tiyimpi, na minawu nzi ta tlhelela ka nwina, ku wula Jehova wa tiyimpi.

Zakaria 1:3 Referans Kwoze

Malaki 3:7

Kusukela masikwini ya vararu va nwina mu hambukile milayweni ya mina, a mu yi hlayisangi. Tlhelelani ka mina, na mina nzi ta tlhelela ka nwina, ku wula Jehova wa tiyimpi. Kanilezi nwina mu ngalo: Hi ta tlhelela yini?

Jeremia 3:22

Wuyani, nwina vanana va hluwukileko, Mina nzi ta chuma a kuhambuka ka nwina. Hi hina valava, hi tile ka wena; Hakuva wena u Jehova a Nungungulu wa hina.

Joeli 2:12

Kasike, hambu nyamutlha, ku wula Jehova, wuyani ka mina hi timbilu ta nwina tontlhe, ni kuyila, ni kurila, ni ku maha hlomulo.

Jeremia 4:1

Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.

Jeremia 12:15

Kanilezi anzhako ka kuva na nzi va tsuwule, nzi ta tlhela nzi va zwela wusiwana, nzi ta va tlhelisa munwe ni munwani a tshombeni yakwe, munwe ni munwani a tlhelela tikweni gakwe.

Isaya 31:6

Hunzulukani ka yena loyi mu mu hluwukileko, Nwina vana va ka Israeli!

Hosea 14:4

Nzi ta chuma a kutlhelela kabye nzhako, nzi va ranza hi mbilu yontlhe ya mina, hakuva a zanga ya mina yi sukile kabye.

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 25:5

Va waku: Hunzulukani munwe ni munwani a ndleleni yakwe yo biha, ni ka kubiha ka zimaho za nwina, kasi ma aka tikweni legi Jehova a nyikileko nwina ni vararu va nwina, kusukela kaleloko ku kala kupinzuka.

Hosea 14:1

Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

Nehemia 9:28

Kanilezi anzhako na va humule, va lo engeta va maha kubiha mahlweni ka wena. Hikwalaho u lo va tsika mandleni ya valala vabye, va fumelwa. Kanilezi laha va nga tlhelela ka wena, va ku rilela, wena u lo vazwa na u hi le tilweni; u va tlhatlhisa makhati manyingi hi kota ya wuxinji ga wena;

2 Kronekele 15:4

Kanilezi a xikhati va nga wa hi zikaratweni, va lo tlhelela ka Jehova Nungungulu wa ka Israeli, va mu hlota va mu kuma.

Joba 22:23

Loku u tlhelela ka Nyamintamu, u ta tlhela u vuxiwa; Loku u hlongola kugoha kule ni tenda ga wena.

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Jeremia 3:1

Ve ngalo: Loku a wanuna a hlongola sati wakwe, loye wasati a ti fambela, a ya tekiwa hi munwani wanuna, xana loyi wanuna a nga zi kota ku mu tlhelela kambe ke? A tiko lego gi nga ta swariswa hi ku maha lezo ke? Kanilezi wena loyi u gengileko hi wubhayi ni zigango zo tala, xana u ta tlhelela ka mina, ku wula Jehova. Deut. 24:4

Ezekieli 18:19

Nwina mu ngalo: Hikuyini a nʼwana a nga rwaliko a kugoha ka raru wakwe? Loku a nʼwana a mahile lezi zi nga za nayo ni nongameto, a hlayisa a milayo ya mina a yi maha, yena i ta hanya futsi.

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

Ezekieli 18:31

Cukumetani a zihambunyeto zontlhe za nwina lezi mu zi mahileko, mu ti kumela a mbilu yiswa ni moya muswa. Mu ta lova hikuyini, nwina va yindlu ya ka Israeli?

Ezekieli 18:32

Hakuva a nzi tsakeli a kufa ka loyi a lovako, ku wula Hosi Jehova. Hikwalaho hunzulukani, mu hanya.