Zakaria 1:16 - Tshwa Bible

¹⁶ Hikwalaho Jehova i ngalo: Nza tlhelela Jerusalema hi wuxinji, a yindlu ya mina yi ta akiwa lomo, ku wula Jehova wa tiyimpi, zonake a lingoti la lipimo li ta tshambulutiwa hehla ka Jerusalema.

Zakaria 1:16 Referans Kwoze

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Zakaria 4:9

A mandla ya Zerubabeli ma vekile a xiseketelo xa yindlu leyi, a mandla yakwe ma ta yi mbheta: mu ta zi tiva lezaku Jehova wa tiyimpi i nzi rumile ka nwina.

Ezekieli 47:3

A munhu loye i lo famba hi tlhelo ga Mutsuwuka-gambo na hi ni ngoti canjeni gakwe, a ya pima a 1,000 wa mikono, i lo nzi hunzisa hi lomu matini ma nga wa gumelwa lomu mahlakaleni ya milenge.

Ezekieli 40:3

I lo nzi yisa lomo, languta, ku wa hi ni munhu loyi a nga woneka kota suku. I wa yimile laha nyangweni na hi ni ngoti ya wukene canjeni gakwe, ni lihlanga lo pima ha lona. Zak. 2:1; Kuv. 21:15

Joba 38:5

Himani loyi a nga yimisa a tipimo ta kona, wa mu tiva ke? Kutani himani loyi a yi ringanyiseleko hi lingoti?

Hagai 1:14

Jehova i lo vuxa a moya wa Zerubabeli a nʼwana Xealtieli, a mwamangulu wa le Juda, ni moya wa Joxua a nʼwana Jehozadaki, a mupristi wa hombe, ni moya wa yontlhe misalela ya vanhu, lezaku vata va ta sangula ku aka a yindlu ya Jehova wa tiyimpi, a Nungungulu wabye,

Ezekieli 48:35

Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14

Isaya 34:11

Kanilezi a masekwa ni tinungu zi ta tshama kona, A zihuhuluhuhu ni zikunguwa zi ta akela kona; I ta tshambuluta a lingoti la pfilupfilu hehla ka gona, Zinwe ni xiringaniso xa lobyiselelo.

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Zakaria 2:4

yiku ka yona: Tsutsuma u ya byela a jaha legiya, uku: Jerusalema gi ta akiwa khwatsi hi miti leyi yi nga hiko na tigingisi, hi kota ya kutala ka vanhu ni zifuyo lezi zi ta ngava lomo.

Zakaria 10:6

Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

Jeremia 30:18

Jehova i ngalo: Nzi ta wuyisa a vakhonwi va matenda ya Jakobe, Nzi ta zwela wusiwana wuakelo gakwe; A muti wu ta akiswa nhulwini ya wona, A yindlu ya wuhosi yi ta tshama kota kutolovela.

Zakaria 2:5

Hakuva mina, ku wula Jehova, nzi tava a ligingisi la nzilo lowu wu ta nga gi bhiyela, nziva kungangamela xikari ka gona.

Zakaria 2:6

Ho, ho, tsutsumani hi lomu tikweni ga Nwalungu, ku wula Jehova; nwina lava nzi nga mu hangalasa matlhelweni ya mune wa timheho, ku wula Jehova.